ربنا يوفقك في عربيه محترمه وكويسه يا اخ حسين
وصلي صلاه الاستخاره وادعي دعاء دخول السوق
والله الموفق
رقم العضوية : 40184
تاريخ التسجيل : 13May2009
المشاركات : 800
النوع : ذكر
الاقامة : cairo
السيارة: Mazda 323 1982
السيارة[2]: toyota corolla 1984
الحالة :
بسم الله الرحمن الرحيم
والله انا كنت هاخلص فى عربية جولف على 30 ونص موديل 89 جولف 2
وكنت هاشتريها من واحد "شيخ" يعنى دقن وجلبية ووشبشب وصلاة فى الجامع ده اللى شوفته فى السوق مع احترامى لكل الناس
انا بوصف اللى انا شوفته موش بقلل من اى حد
المهم
وبعد ما جبت الفلوس من البيت ورجعت له
رفض يعطى لنا صورة من التوكيل
يعنى من الآخر عايز يفركش البيعة
لوحده كده
ده غير عايز يفك المرايات والمسند اللى فى العربية
المهم عرفت انه باعها بـ 31 ونص
ده الكلام اللى عرفته فى التليفون
قلت للراجل اللى شغال معاه: هادفع له الـ 31 ونص لو راح معايا دلوقتى الشهر العقارى ونخلص
قال لى: آسف ده باعها خلاص
المهم ما كانش فيه نصيب
العربية بصراحة جميلة قوى
انا حبيتها من اول ما ركبت فيها
حتى انى ما اتحركتش بها متر واحد
خصوصا ان دى اول عربية كنت هشتريها بعد الرخصة مباشرة
لكن حبيتها جدا جدا جدا
ثانى يوم على طول كان معروض عربية جولف متسقط لها موتور 1600 الثانية كان موتورها الاصلى 1300
المهم العربية كان مطلوب فيها 35
اول ما شوفتها
وجدت الشبكة الامامية متكسرة
وفرش الابواب عادى موش تمام قوى
لكن العربية بصراحة صاروخ
وروعة يمكن حكت من تحت واحنا ركبين ما اعرفش السبب
لكن خفت شوية
العربية الاولى كانت انظف برغم ان صاحبها بعد ما وافق قال لى دى محتاجة اثنين مساعدين امام
وقربة المياه زودها كل ثلاث ايام عشان دى كانت مكسورة وهو لحمها
المفاجأة
ان فيه ناس كثيير قالت لى: ان اسعار قطع الغيار مولعة نار
وناس تانية: قالت لى: لو معاك كل شهر 300 او 400 جنيه روح اشتريها لو عجباك
طبعا الكلام ده يخوف
ويخلى الواحد موش يبعد عن الجولف
ده يبعد عن اى عربية يفكر يشتريها
السؤال النهائى
ايه رايكم فى موضوع صيانة الجولف
وتكاليف الصيانة
واحتياجات راكبى الجولف قبل ما يشترى
هل هى فعلا تخوف بالشكل ده
عايز اجابة قاطعة من كل محبى الجولف 2 خصوصا
عشان الناس تفهم الموضوع ده
ولو فيه اسعار لبعض قطع الغيار الدائمة التغيير
يا ريت نكتبها عشان الناس تعرف على الحقيقة حكاية الجولف
يعنى اللى غير حاجة فى عربيته يكتب لنا ثمنها كام وكلفته كام وغيرها منين وغيرها فين
ده يبقى احسن مساعدة لاصحاب الجولف اولا
ثم كل شخص يفكر فى الشراء
انا من دلوقتى ليوم الجمعة القادم
بناء على اجاباتكم هاقرر اروح اشترى جولف2 يوم الجمعة القادم ولا لأ
مع اطيب التمنيات
اخوكم حسين غزالة
رقم العضوية : 49145
تاريخ التسجيل : 07Oct2009
المشاركات : 2,098
النوع : ذكر
الاقامة : Sohag
السيارة: الحمد لله
السيارة[2]: Corola 03
دراجة بخارية: LML
الحالة :
ربنا يوفقك في عربيه محترمه وكويسه يا اخ حسين
وصلي صلاه الاستخاره وادعي دعاء دخول السوق
والله الموفق
اللهم يسر لنا امورنا في دنيانا
رقم العضوية : 48692
تاريخ التسجيل : 03Oct2009
المشاركات : 702
النوع : ذكر
الاقامة : Alex
السيارة: H - verna 2006
السيارة[2]: VW - polo 95 1.3
دراجة بخارية: لا
الحالة :
الجولف عربيه جميله بس انت ممكن تقلق من حتة تسقيط الماتور دية بالنسبالى مش بفضلها انما لو على قطع الغيار عمرها ما حتعمل معاك السعر ده فى الشهر انت بس لما تشترى لازم تعمل حبة اساسيات ذى تغيير سير الكاتينة والدينمو يعنى تعمل سيرفيس كامله للعربيه ودية مش حتكلفك يامه أنا معايا بولو وتقريباً كلفتنى حوالى 500 جنيه مع العلم انى قطع غيار الجولف أرخص كمان من البولو
رقم العضوية : 40184
تاريخ التسجيل : 13May2009
المشاركات : 800
النوع : ذكر
الاقامة : cairo
السيارة: Mazda 323 1982
السيارة[2]: toyota corolla 1984
الحالة :
رقم العضوية : 40184
تاريخ التسجيل : 13May2009
المشاركات : 800
النوع : ذكر
الاقامة : cairo
السيارة: Mazda 323 1982
السيارة[2]: toyota corolla 1984
الحالة :
بالامس كان فيه واحد ميكانيكى ومعاه زبون تقريبا
ولما سألناه رايه ايه فى الجولف
ضحك وقال لى: انا موش هاكلم اهوه واحد امامك اسأله
الراجل اللى معاه قال لى : انا راكب بولو
واسعار قطع غيارها غالية جدا
فما بالك بالجولف
لو معاك 300 او 400 جنيه كل شهر روح اشتريها
ايه رايكم فى الكلام ده
على فكرة انت اضفت اول معلومة عملية
فى موضوع تغيير الدينامو وسير الكاتينة اللى كلفوك 500 جنيه
هو ده الكلام عشان الواحد يعرف الدنيا ماشية ازاى
يا مسهل
من هنا ليوم الجمعة ... نقدر نعرف حاجة من محبى الجولف
على فكرة ان فى دماغى عربية بيجو 504 ولو مافيش نصيب فى الجولف خلاص هاعمل بنصيحة احد الاعضاء اللى بتقول
ما تشتريش اللى بتحبه ... واشترى اللى كل الناس بتشتريه فى مصر
مع اطيب التمنيات
اخوكم حسين غزالة
رقم العضوية : 10124
تاريخ التسجيل : 05May2008
المشاركات : 1,643
النوع : ذكر
الاقامة : Cairo, Egypt
السيارة: Toyota Yaris Mk2 1300
السيارة[2]: Seat Leon MKI 1600
الحالة :
الراجل بيقول service كامل كلفة 500 جنية مش سير كاتينة و دينامو بس.
speed never kills anyone, suddenly becoming stationary does
Fiat 128-Mazda 323 BD-Seat Ibiza 021A-Peugeot 205 GTI-VW Polo 6n2-VW Passat B5-Seat Ibiza 6k VR6 -Seat Leon 1M
رقم العضوية : 48692
تاريخ التسجيل : 03Oct2009
المشاركات : 702
النوع : ذكر
الاقامة : Alex
السيارة: H - verna 2006
السيارة[2]: VW - polo 95 1.3
دراجة بخارية: لا
الحالة :
بالضبط سيرفيس كامل بأجرة الميكانيكي وعلى فكره البولو قطع غيارها أعلى فى السعر من الجولف يعنى تيل البولو الأمامى بيعمل حوالى 150 تيل الجولف بيعمل 90 و أرخص يامه بالذات فى اجزاء العفشه عشان كده فى ناس ساعات بتغير ركب البولو بركب جولف توفيراً وانا قلتلك العربيه بحالتها اللى حتشتريها يعنى لو حالتها حلوه مش حتقتح بقها وحتفضل ماشية معاك تمام لو حالتها تعبانه حتتعبك جداً
رقم العضوية : 54838
تاريخ التسجيل : 04Dec2009
المشاركات : 530
النوع : ذكر
الاقامة : cairo
السيارة: النترا
السيارة[2]: ماتركس
دراجة بخارية: no
الحالة :
رقم العضوية : 7146
تاريخ التسجيل : 08Mar2008
المشاركات : 185
النوع : ذكر
الاقامة : القاهرة - شبرا مصر
السيارة: مفيش
السيارة[2]: جولف 3
الحالة :
انا معايا جولف 2 وكنت بسمع الكلام الغريب ده عن قطع الغيار قبل ما اشتريها ولغاية دلوقتي كمان بس لو عاوز تريح دماغك وتعررف ان الناس دي بتردد كلام سمعووه من اي حد وخلاص روح الحرفيين واسأل على اسعار قطع الغيار بتاعة الجولف 2
ملحوظة ( انا كان معايا 131 من 4 شهووور تكلفة العفشة بتاعة ال 131 اغلى من الجولف - الفوانيس نفس الكلام ) الحاجة اللي مختلفة في الجولف عن العربيات الشعبية ان مش اي مكانيكي بيفهم فيها او بيظبطها صح وربنا يرزقك بالأصلح
رقم العضوية : 40184
تاريخ التسجيل : 13May2009
المشاركات : 800
النوع : ذكر
الاقامة : cairo
السيارة: Mazda 323 1982
السيارة[2]: toyota corolla 1984
الحالة :
طيب الله يكرمك يا عبودى ... واحدة واحدة
فهمنى الموضوع ده الله يكرمك
خصوصا انك ركبت عربيات قبل كده
الاول انت معاك الجولف 2 من امتى ؟
بالنسبة لموضوع تضبيط الجولف ... المقصود ضبط الكربرايتير والكهرباء بتاعة العربية بالتحديد
ما تعرفش اسعار اى قطع غيار فيها بالتقريب حتى
ايه المبلغ اللى لازم احتفظ به شهريا للاحتياط "للصيانة الدورية" لو ظهرت اى حاجة
ما هو معدل استهلاك البنزين داخليا
هل يختلف المعدل من موتور 1300 الى 1600
في حد عارف اسعار على سبيل المثال
الفوانيس الامامية
الشبكة الامامية
الاكصدامات
على اساس دول دائمين التخبيط والتكسير
بالنسبة للعفشة
لشد عفشة الجولف بالكامل تتكلف كام
بالنسبة للموتور
سعر المارش
سعر الدينامو
طرمبة البنزين
طرمبة المياه
سيرفو الفرامل
الصيانة الدورية من تغيير سيور وفلاتر وزيوت تتكلف كام
موش فاكر مين قال لى : ده ممكن يكون البوجيهات اللى بتركب لها من نوع "سنه رفيع" ودى بوجيهات غالية قوى
اعتقد ان اخويا قال لى : ان فعلا سعر "تيل" الفرامل 90 جنيه
ده سعر الاربع عجلات
ولا سعر تيل عجلة واحدة
يا ريت اللى عارف حاجة يقولها لنا
صدقونى فيه ناس كثيير هاتدعى لكم
مع اطيب التمنيات
اخوكم حسين غزالة
المفضلات