الموضوع: اسئله مبتدأ .. هامة جداً للجميع

مستنى الردود يا شباب :)

الف شكر للمشرف ع النقل

اولا احنا تحت امرك اخى الفاضل فى اى سؤال وكلنا هنا لخدمه بعضنا البعض

السؤال الاول :


بالنسبه للزيت اللى بتغير كل 3000 ك
لو مثلاً حطيته ومشيت خلال 6 شهور .. 1500 ك بس ، هل لازم اغيرو؟
ولا فكرة انى لازم اغير الزيت كل 6 شهور للزيوت التخليقيه فقط؟
لاننى ببساطه بمشى بالعربيه قليل وال 1500 بعملهم ف 6 او 5 شهور مثلاً ..

لا مش لازم حضرتك تغييره عادى ممكن تمشى عليه مش هياثر
وحتى التخليقى فى ناس بتعدى ال6 اشهر وعادى لكن مثلا مش يقعد زياده عن اللزوم مش سنه مثلا لانه بكده ها يكون فقد خواصه

السؤال التانى :

انا كنت بحط زيت موبيل اللى بتغير كل 1500 ك ع حد كلام الصنايعى (العلبه لونها ابيض)
بس انا سمعت ان الشل افضل واحسن من الموبيل ، فحابب انى اغير ف الغيار الجاى لشل ان شاء الله
وقريت ان الشل الاحمر بيتغير كل 1500 ك
- فالسؤال هنا : الشل الاحمر ينفع ابدله بالموبيل بالنسبه للعربيه عندى وهيكون افضل؟ ولا مفيش فرق؟

- ولو ينفع اغير الموبيل بالشل ف الغيار الجاى ، التغيير من زيت لزيت تانى لازم اعمل حاجة قبل ما اغيرو؟
يعنى منظف معين بيتحط ع الزيت القديم ولا عادى اخلى الصنايعى ينزل الزيت القديم ويستنى شويه لما ينزل كلو وبعدين يحط زيت الشل الاحمر ، صح كده ولا انا غلطان؟

حضرتك ممكن تغيير عادى من موبيل لشل عادى وبلاش منظف موتور ولا اى شى لان الموتور بقاله
كتيير يعنى المنظف ها يضر اكتر من ما ها يفيد فى حاله عربيتك وكان فى موضوع عن منظف الموتور هنا عشان كده انت نزل الموبيل وحت شيل عادى من غييير منظف

السؤال التالت:

فى مرة كنت بغير طرمبة الميه ، والميكانيكى وهوه بيفك سير الكاتينه وطلع البلى بتاع الكاتينه
فقالى البلى ده عايز يبأ يتغير قدااام لانه خشن
وسمعنى صوته وفضل يلف فيه بإيده وكان فيه صوت خشونه بسيط كده وقالى تبأ غيرو مع السير بتاع الكاتينه
بس السؤال انا سير الكاتينه عندى مشيت بيه 5000 ك بس وانا اعرف انه بيتغير عند 40 الف كيلو كأقل تقدير
فلو حابب اغير البلى لوحده ، اغيرو دلوقتى ولا استنى ؟
بمعنى اصح البلى مهم انى اغيرو لو فيه صوت خشونه بسيطه ، ولا مش لازم؟
يعنى بيعمل اضرار ع المدى البعيد ع السير ولا ايه؟

انتظر الاجابه من اهل الخبره اللى اكثر منى خبره فى هذه النقطه

السؤال الرابع:

اما دخلت المنتدى الكريم هنا ، عرفت معلومات وحاجات اول مرة اعرفها ، اشكركم عليها
فقريت عن حاجة اسمها دورة تنظيف البنزين و الرشاشات للانجكشن
وكنت ناوى اعملها ان شاء الله
بس قريت ردود ناس بتقول ان العربيه لو متعملش فيها كده خالص من ساعت ما اتجابت وعربيه قديمه ، فالموضوع ده ميتعملش عشان ببساطه العربيه خلاص عملت ترسبات من البنزين وغيرو
فالمنظف ده هيخلى الترسبات تدخل ف الفلاتر وتسدها وهتبوظ مش هتصلح..

فأنا عمرى ما عملت الموضوع ده ف العربيه عندى
ومعرفش اللى انا شاريها منه كان بيعملها ولا لأ

فالسؤال هنا: ينفع انى اعمله للتنظيف والصيانه؟ وانتظم كل فتره انى اعمله ؟ ولا طالما معملتهوش يبأ معملش الموضوع ده خالص؟
فيريت تفيدونى ف الموضوع ده عشان مهم بالنسبالى اوى

هو لو حضرتك جبت منظف انجكشن وحبيت تعمله يبقى لازم تغيير فلتر البنزيين بعديه وتنظف البوجيهات والعوامه لو فيها فلتر لازم يتنظف ايضا لان الترسبات كلها هتيجى فيه
ولو حتطيته لازم تكون رايح وقتها مشوار كبير يعنى العلبه تنحط على تانك ممتلى وتمشى بيه لغايت
ما لمبه البنزيين تنور وبعديين تمون تانى لانك لو بيته ممكن ياكل المواسيير لانه حامى ولو العربيه
سحبها كويس وما فيش اى مشاكل يبقى بلاش تكلف نفسك طالما بتحافظ على تغيير الفلاتر
والصيانات الدوليه فى مواعيدها

السؤال الخامس:

عندى مقاس الكاوتش 175/65/14
وعايز اعمل تحديث واركب كاوتشات 15 ، فلو عايز انقل للـ 15
اجيب المقاس ده 185/55/15
صح كده ولا انا غلطان؟

اى تغيير فى مقاسات الكاوتش ها ياثر بالسلب على العفشه
وهتلاقى العربيه مع اى مطب او كسر فى الارض بدب وناشفه
فبلاش احسن

وسؤال ف نفس موضوع الكاوتشات:
اى جنط 15 سبور يركب ع اى كاوتش 15 ، ولا انا فاهم غلط
يعنى ببساطه المقاس ده 185/55/15 يركب عليه اى جنط 15 ؟
والمقاس ده مثلاً كمثال : 195/45/15 يركب عليه اى جنط 15 ؟
ولا لازم جنط معين بمقاس معين؟
يريت افهم الجزئيه ديه..

ده اهل الخبره يفدوك فيها اكتر منى فى هذه الجزئيه

السؤال السادس والاخير :
ايه افضل انواع الدهان المعقوله ف السعر
غير المصرى
بمعنى اصح نوع دهان يكون معقول ف سعره وجودته وخماته كويسه
بس طبعاً غير الالمانى لانه مولع ف السعر اوى
فإيه افضل الانواع المتوسطة؟

ريكلير ده ايطالى وسعره معقول وممتاز صراحه



وتحت امرك فى اى سؤال

الف شكر لحضرتك يا باشا
وردودك فادتنى جداً
وليا تعليق ع جزئين بس
يريت تساعدنى فيهم

اول جزئيه :
حضرتك ممكن تغيير عادى من موبيل لشل عادى وبلاش منظف موتور ولا اى شى لان الموتور بقاله
كتيير يعنى المنظف ها يضر اكتر من ما ها يفيد فى حاله عربيتك وكان فى موضوع عن منظف الموتور هنا عشان كده انت نزل الموبيل وحت شيل عادى من غييير منظف

حضرتك انا هغير لشل ان شاء الله وعايز احط شل الاحمر اللى اعرف انه بيتغير كل 1500 ك
دا كويس للماكنه عندى واثبت عليه ؟
إيه رأيك؟

تانى جزئيه :
هو لو حضرتك جبت منظف انجكشن وحبيت تعمله يبقى لازم تغيير فلتر البنزيين بعديه وتنظف البوجيهات والعوامه لو فيها فلتر لازم يتنظف ايضا لان الترسبات كلها هتيجى فيه
ولو حتطيته لازم تكون رايح وقتها مشوار كبير يعنى العلبه تنحط على تانك ممتلى وتمشى بيه لغايت
ما لمبه البنزيين تنور وبعديين تمون تانى لانك لو بيته ممكن ياكل المواسيير لانه حامى ولو العربيه
سحبها كويس وما فيش اى مشاكل يبقى بلاش تكلف نفسك طالما بتحافظ على تغيير الفلاتر
والصيانات الدوليه فى مواعيدها

هوه العربيه عندى سحبها مظبوط الحمدلله ومفيش نتش او تقصير ف السحب
بس انا كنت عايز اعمل كده للصيانه مش اكتر
لانى كنت بحط بنزين 80 وبعدين غيرت وبقيت بحط 90 او 92
فكنت عايز انضف مكان ال 80 يعنى

بس طالما حضرتك بتقول ان لازم امشى مشوار طويل ومينفعش ابيت العربيه وفيها المنظف
وده طبعاً صعب لان مش هينفع اطلع ع طريق سفر وتانى حاجة مهما مشيت لمده ساعتين مثلاً هرجع بردو اركن العربيه ولسه فيها بنزين كتير

فحضرتك طالما الموضوع كده
مش لازم خلاص اعمل موضوع التنظيف ده؟
بس اثار البنزين ال 80 هتروح مع الوقت ولا خلاص عملت ترسبات ومفيش طريقه لتنظيفها؟

ومنتظر ردك يا باشا
والف شكر

المشاركة الأصلية كتبت بواسطة Riolover

الف شكر لحضرتك يا باشا
وردودك فادتنى جداً
وليا تعليق ع جزئين بس
يريت تساعدنى فيهم

لا شكر على واجب اخى العزيز

اول جزئيه :
حضرتك ممكن تغيير عادى من موبيل لشل عادى وبلاش منظف موتور ولا اى شى لان الموتور بقاله
كتيير يعنى المنظف ها يضر اكتر من ما ها يفيد فى حاله عربيتك وكان فى موضوع عن منظف الموتور هنا عشان كده انت نزل الموبيل وحت شيل عادى من غييير منظف

حضرتك انا هغير لشل ان شاء الله وعايز احط شل الاحمر اللى اعرف انه بيتغير كل 1500 ك
دا كويس للماكنه عندى واثبت عليه ؟
إيه رأيك؟

ما فيش مشكله حطه كويس ما فيش مشكله
بس راى شخصى طالما ماتورك بحاله كويسه حط الخمسه الاف افضل وده زيت معدنى والاخر معدنى بردك لكن انا شايف ان الخمسه افضل لانه يتحمل اكثر من الاحمر وكمان علشان تعرف تظبط برنامج الصيانه يعنى فلتر الزيت يتغيير مره ومره وده مهم للحفاظ على الماتور
لكن فى الاحمر ها تنسى وها تتلغبط لانه هيقعد اكتر من تغيير
وعموما لما تغيير من زيت لزيت لازم تغيير فلتر الزيت وده مهم

تانى جزئيه :
هو لو حضرتك جبت منظف انجكشن وحبيت تعمله يبقى لازم تغيير فلتر البنزيين بعديه وتنظف البوجيهات والعوامه لو فيها فلتر لازم يتنظف ايضا لان الترسبات كلها هتيجى فيه
ولو حتطيته لازم تكون رايح وقتها مشوار كبير يعنى العلبه تنحط على تانك ممتلى وتمشى بيه لغايت
ما لمبه البنزيين تنور وبعديين تمون تانى لانك لو بيته ممكن ياكل المواسيير لانه حامى ولو العربيه
سحبها كويس وما فيش اى مشاكل يبقى بلاش تكلف نفسك طالما بتحافظ على تغيير الفلاتر
والصيانات الدوليه فى مواعيدها

هوه العربيه عندى سحبها مظبوط الحمدلله ومفيش نتش او تقصير ف السحب
بس انا كنت عايز اعمل كده للصيانه مش اكتر
لانى كنت بحط بنزين 80 وبعدين غيرت وبقيت بحط 90 او 92
فكنت عايز انضف مكان ال 80 يعنى

بس طالما حضرتك بتقول ان لازم امشى مشوار طويل ومينفعش ابيت العربيه وفيها المنظف
وده طبعاً صعب لان مش هينفع اطلع ع طريق سفر وتانى حاجة مهما مشيت لمده ساعتين مثلاً هرجع بردو اركن العربيه ولسه فيها بنزين كتير

فحضرتك طالما الموضوع كده
مش لازم خلاص اعمل موضوع التنظيف ده؟
بس اثار البنزين ال 80 هتروح مع الوقت ولا خلاص عملت ترسبات ومفيش طريقه لتنظيفها؟

ومنتظر ردك يا باشا

طالما العربيه ما شاء الله بتسحب كويس وما فيش مشاكل الحمد لله يبقى ما لوش لازمه تعمله
ومع المشى اثار ال80 هاتروح بس لازم تاخد بالك من فلتر البنزيين وتغييره فى الوقت المناسب
وفلتر الهوا دول من الحاجات المهمه واللى بتفوق العربيه معاك فى السحب

والف شكر

وتحت امرك فى اى شى اخى الفاضل

تمام يا باشا
والف شكر ع زوقك

وانا بغير الفلتر ف الغيار التالت بالنسبه للزيت اللى بتغير كل 1500 كم ، يعنى مش هتغلبط ولا حاجة ان شاء الله
فأنا هحط ان شاء الله ف الغيار الجاى شل الاحمر وهغير فلتر الزيت

وبردو هغير فلتر الهوا وفلتر البنزين ان شاء الله لانى مش غيرتهم مش زمان

والف شكر ليك يا باشا مرة تانى

المشاركة الأصلية كتبت بواسطة riolover

تمام يا باشا
والف شكر ع زوقك

وانا بغير الفلتر ف الغيار التالت بالنسبه للزيت اللى بتغير كل 1500 كم ، يعنى مش هتغلبط ولا حاجة ان شاء الله
فأنا هحط ان شاء الله ف الغيار الجاى شل الاحمر وهغير فلتر الزيت

وبردو هغير فلتر الهوا وفلتر البنزين ان شاء الله لانى مش غيرتهم مش زمان

والف شكر ليك يا باشا مرة تانى

لا شكر على واجب وتحت امرك فى اى سؤال
توكل على الله وحط الاحمر بس ما تخلوش يعدى ال 1500 وياريت لو على 1300 يكون افضل
وتغيير الفلاتر ها يفوق العربيه معاك وها تحس بفرق
تحياتى ليك