المقصات مقلقانى

**ahmed_su** · 06-01-2010 02:51 PM

المشاركة الأصلية كتبت بواسطة ahmed samy

.....................
اللي عايز يشتري يدور ... يقرا ....

و يستعمل مقدرته العقلية التي حباه الله بها في التفريق بين اللي يتسمع و اللي ما يتسمعش

و ياخد قرار

و عقلي في راسي

اتفق مع ما جاء فى مشاركتك يا سامى وخاصة الجزء المقتبس

امس تحديدا كنت كتبت مشاركة تحمل كثيرا من مضمون ما كتبت - ولكن تراجعت عن اضافتها

السيارة فى لحظة تحولت من قمة الابهار الى النقيض وقيل فيها ما لم يقال فى "التوك توك"

والوضع فى منتدى كيا بقى يبعث على الملل .....

فعلا استخدم عقلك واستخير ربك وتوكل على الله

لو مش عجباك او قلقان منها سيبها.....وعندك بدايل كتير طالما فلوسك فى جيبك

**أشرف العدوي** · 06-01-2010 02:55 PM

حضرتك الموضع ده مش هيتقال فيه اكتر من الي اتقال قبل كدة
و ممكن يبقى ساحة خلاف بين كتير من الأأعضاء
حضرتك ممكن تدخل قسم كيا و تشوف التقييمات بنفسك
و تصلي صلاة استخارة و الي فيه الخير يقدمه ربنا

و ياريت تطلب من الإدارة حذف الموضع علشان على ما اعتقد انه ممكن يكون سبب في خلاف كبير

و كل الي مقلقك قتل بحثاً في المنتدى و اعتقد انه لم يتم أضافة جديد هنا

ارجو ان تتقبل كلامي بصدر رحب

تقبل تحياتي

ده كان اول رد في الموضوع ده

و ده أخر رد حتى الأن

انا بشكرا حضرتك اما عن دكتور احمد وبعض الاعضاء انا عاوز اوضحلة انى لما طرحت الموضوع فى المنتدى كان بهدف الاستفادة من خبرات وتجارب الاخرين مش اكتر لا كن معتقدش انا الموضوع مستاهل انك تكتبلى بالبنط العريض و برواز والوان وتقولى (ماتشتريهاش) يعنى فيما معنا متوجعش دمغنا ...واعتقد كمان ان الموضوع مش مستهل انة يتحول لساحة حرب كلامية....ومرة اخرى انا بشكر كل عضو اضاف معلومة بهدف الافادة ...ولو ادارة الموقع حبة انها تغلق الموضوع انا معنديش مانع ....عشان ماكونش سبب خلاف بين الاعضاء زى ما بتقول يا دكتور احمد وشكرااااا....

انا لما كتبت اول رد ما كانش قصدي ادايقك او حاجة
بس كل الأعضاء الي ردوا هنا ردوا في كل الموضوعات الي اتعملت على موضوع المقصات
و اعتقد انهم مش هيغروا رأيهم هنا
علشان كدة طلبت منك انك تطلب غلق الموضوع و تقرأ التقييمات العديدة في قسم كيا
ياريت تكون ما زعلتش مني

تقبل تحياتي

**shoayman** · 07-01-2010 10:03 AM

المشاركة الأصلية كتبت بواسطة simoz89

لا يا استاذ shoayman الموضوع مش مستاهل انه يتقفل ولا حاجة و احنا كلنا هنا فعلا عشان نفيد و نستفيد مهما كانت كمية الافادة و لو مش عشان كدة اهو عشان نتعرف على ناس زوق و محترمة كتير و معلش متعاتبش بعض الاعضاء المحترمين على ردودهم بس حضرتك فتحت موضوع حساس شوية و معظم الاعضاء كانت مصدقت انه اتقفل بس حصل خير و يا ريت اي حد بعد كدة قبل ما يعمل موضوع جديد يحاول يدور على اللي هو عايزه و ان شاء الله يلاقي اللي هو عايزه و زيادة
شكرا و آسف على الاطالة

كفاية انى اتعرف على واحد محترم زيك يا استاد simoz

**shoayman** · 09-01-2010 12:47 AM

مفاجئة لاصحاب السيراتو وخاصة الى بيهجمو ...انا النهاردة كونت فى معرض سيارات فية الانترا وسيراتو وعشان اريح نفسى واريح ناس كتير معاية نزلت بنفسى على الارض تحت العربية وفتحت الكبوت وبصيت على العفشة بتاعت السيراتو والانتر (طبعا صاحب المعرض كان مستغرب من الى بعملة بس مش مهم)والمفاجئة بنسبة لى ان مقصات السيراتو والانترا واحد زى بعض واعتقد ان كدة الموضوع اتضح ان سبب المقصات الى بتنكسر فى السيراتو الجنوط الكبيرة 16 و17 لائنها حمل كبير على العفشة وفى نفس الوقت لو بصنا فى الانترا هنلاقى انها ما بتنزلش بجنوط 16 ولا 17 يعنى معنى كدة انها لو كانت الانترا نزلت بالجنوط دة كان فية احتمال كبير اوى انها تعمل زى السيراتو وانا عن نفسى ان شاء الله ناوى اجيب الى بتنزل بجنط 15 ..........انا طبعا كونت طلبت انى اغلق الموضوع بعد المشدات الكلامية الى حصلات فى الموضوع بس النهاردة لما اكتشفت الموضوع دة كتبتة عشان ائكد لبعض اللاعضاء الى بيهجمو الموضوع انى كونت طارح الموضوح بهدف الستفادة وانى اعرف الحقيقة مش بهدف التشويش على العربية والسبب التانى انى افيد الاخرين وافيد بعض الاعضاء الى كانو حيرانين زى ما انا كونت حيران فى الاول ...شكرااااا

**solid_khaled** · 09-01-2010 02:19 AM

المشاركة الأصلية كتبت بواسطة shoayman

مفاجئة لاصحاب السيراتو وخاصة الى بيهجمو ...انا النهاردة كونت فى معرض سيارات فية الانترا وسيراتو وعشان اريح نفسى واريح ناس كتير معاية نزلت بنفسى على الارض تحت العربية وفتحت الكبوت وبصيت على العفشة بتاعت السيراتو والانتر (طبعا صاحب المعرض كان مستغرب من الى بعملة بس مش مهم)والمفاجئة بنسبة لى ان مقصات السيراتو والانترا واحد زى بعض واعتقد ان كدة الموضوع اتضح ان سبب المقصات الى بتنكسر فى السيراتو الجنوط الكبيرة 16 و17 لائنها حمل كبير على العفشة وفى نفس الوقت لو بصنا فى الانترا هنلاقى انها ما بتنزلش بجنوط 16 ولا 17 يعنى معنى كدة انها لو كانت الانترا نزلت بالجنوط دة كان فية احتمال كبير اوى انها تعمل زى السيراتو وانا عن نفسى ان شاء الله ناوى اجيب الى بتنزل بجنط 15 ..........انا طبعا كونت طلبت انى اغلق الموضوع بعد المشدات الكلامية الى حصلات فى الموضوع بس النهاردة لما اكتشفت الموضوع دة كتبتة عشان ائكد لبعض اللاعضاء الى بيهجمو الموضوع انى كونت طارح الموضوح بهدف الستفادة وانى اعرف الحقيقة مش بهدف التشويش على العربية والسبب التانى انى افيد الاخرين وافيد بعض الاعضاء الى كانو حيرانين
زى ما انا كونت حيران فى الاول ...شكرااااا

نفترض الجانت ال-١٥ مثلاً ٥ كيلو وزنه و مثلاً ال-١٧ ٧ كيلو هل دة هيخلي فيه وزن كبير أوي عل عفشة أو المقص عشان فرق ٢ كيلو مثلاً ?

**shoayman** · 09-01-2010 07:27 PM

المشاركة الأصلية كتبت بواسطة solid_khaled

نفترض الجانت ال-١٥ مثلاً ٥ كيلو وزنه و مثلاً ال-١٧ ٧ كيلو هل دة هيخلي فيه وزن كبير أوي عل عفشة أو المقص عشان فرق ٢ كيلو مثلاً ?

طبعا هو الفرق فى الوزن مش مجرد 2 كيلو لانئة اكتر ...بس الفكرة مش كدة الفكرة ان كل ما مقاس الجنط بيكبر مقاس الكوتش بيقل فى الارتفاع يعنى مثلا ولارقام دة افتراضية الجنط ال 15 /195/65 وال16/195/60 وال 17/195/55 وهكدا كل مالكوتش يكبر ارتفاعة يقل لغاية لما يوصل لمقاسات ال هاى سبيد الى بتكون مثلا 17/235/35 ودة بيعنى ان كل لما المقاس يكبر ارتفاع الكوتش بيقل وبتالى مرونة الكوتش بتقل وطبعا الفرق المرونة دة بيبقى على حساب المقصات ودى وجهة نظرى وعشان كدة نلقى الى معاة سيراتو جنوط 15 بيقول ان عفشتة اكثر مرونة من الى جنوطة 17 شكرااا

**Atrees** · 13-01-2010 06:04 PM

متهيائلي ان مصمع كبير زي كيا مش معقول يغلط غلطة زي دي وينزل جنط 17 علي عربية ماتستحملهوش ؟؟؟؟ دا كمان منزل مواتير 2000 و 2400 سي سي - يعني بالعربي كدة مش معقول كيا تعمل عربية طفرة في فئتها وتنسي تحط حبة الملح الي يبوظوا سمعتها علي مستوي العالم بعد ما حققت النجاح دة - ودي وجهت نظري واجري علي الله في اللي حيتعمل فية -

**TOOLA** · 16-01-2010 11:16 AM

طيب ليه يا عمو محمد في أي إختبارات سلامة بيشيلو نجمة من العربية لو مفيهاش esp

عشان يا حبيب عمو هو بيقيم منظومة الأمان ككل و بيقولك خد بالك العربية مفيهاش esp فلما تجي تشتري تبقى عارف إن stability بتاعتها حتبقى أقل من إلي فيها esp فبالتالي متتخيلش انك راكب مكوك فضاء أو عربية باتمان

أنا بس ليا استفسار تقصد ب ايه أو تقصد بمين "يا عمو محمد" و عشان يا حبيب عمو, عشان كفا الله الشر شامم ريحت تدنى فى مستوى الحوار (و ان بعض الظن اثم) و مرديتش أرد على كلامك قبل مافهم انتا عايز تقول ايه بضبط قلت جايز أنا فهمت غلط

-

الموضوع: المقصات مقلقانى

LinkBack

أدوات الموضوع

عرض

-

-

-

-

-

-

المواضيع المتشابهه

جلب المقصات

الفرامل مقلقانى جدا يا استاذ ممدوح افيدنى

جلب المقصات

ايه يارجالة عندى مشكله مقلقانى فى الساجا

عندى مشكله مقلقانى جداً يا باشمهندس ممدوح ارجو الافاده

الكلمات الدلالية لهذا الموضوع

المفضلات

المفضلات

ضوابط المشاركة