استفسارعن الأبواب الشفط

**a7mode** · 06-01-2010 04:46 AM

ههههههههههههههههه صحبى مره قالى كدا وبهدلتو تريقه ههههههه اودى وشى منو فين دلوقتى ؟

كنا واقفين وفى بى ام فئه 5 راكنه ادامنا وبعدين جه صاحبها وركب وصحبى دا كان مركز معاه شويه وبعد مالراجل مشى قالى الحق دا مقفلش الباب والباب اتقفل لوحدو .. قولتلو يا راااااااااااجل هيا الدماغ عاليه معاك اوى كدا ههههههههههههههههههههه قالى طب والله والله الراجل رد الباب بالراحه وراح الباب كمل قفل لوحدو من غير ما الراجل يشد الباب .. طبعآ انا وبقيت صحابى اللى كانو واقفين اعدنا نتريق لحد مالواد زهق مننا خالص ومنطقش ههههههههههههههههه بس بكرا ان شاء الله حقولو ان اللى شافو مكنش خيال وكانت حقيقه ههههههههههههههههههههههههه ه حيبهدلنى انا عارف بس مضطر اقولو ههههههههههههه

**أشرف العدوي** · 06-01-2010 12:32 PM

يبقى انا كدة اول واحد اشوفه و اجربه
في عربية شبح كان اول موديل ليها مش فاكر يا أما 1994 او 1992
و كنت مبهور جداً بالموضوع ده يدوبك تذق الباب ذقة بسيطة كدة تلاقيه بيتشفط و بيتعدل على مكانه بالظبط
و مراية الصالون الكهرباء و مرايت ضم و كراسي كهرباء كانت بتاعة ابو واحد صاحبي
و لما خلصنا جينا نشيل المفتاح مرضيش يتشال غير لما الفيتيس يجي على الـ p
طبعاً كانت شغلانة منيلة و اتصلنا بكل الي نعرفه و ما نعرفوش و في الاخر اتصلنا بأبو صاحبي ده و قالنا الي فيها و كان فيها حساس ركن خلفي كمان طبعاً دي كانت صدمة بالنسبالي اول مرة اشوفها بقى

**Ralliart** · 06-01-2010 01:54 PM

موجوده في مرسيديس من زمان للابواب والشنط والمرايات وكمان مساند الراس بتاعت الكنبه بتطلع وتنزل بزرار او بالاوامر الصوتيه !!
داحنا راكبين غسالات فول اوتوماتيك ومتنسوش ان المرايات بلون السياره