شكرا يادكتور وشكرا ياحسام باشا ربنا يباركلنا فيكم
عرض للطباعة
جزاك الله كل خير يا د.اسماعيل هذا افضل موضوع شفته فى المنتدى للان وبيفسر لى ليه انواع وموديل معين من السيارات بتعيش اكتر وحوادثها اقل شكرا د.مصطفى هليل
=======================================
وجزاك الله مثله واكثر واشكرك جزيل الشكر على المديح الذى لااستحقه ولكن يستحقه الاعضاء الكرام الذين اثروا الموضوع باسئلتهم وارائهم البناءة وزى ماحضرتك قلت موضوع التعليق وخاصة الخلفى مهم جدا لثبات وسلامة وامن الركاب والمركبة ويشكل العامل الاساسى لانقلاب السيارة وخاصة فى المواقف الحرجة ولان انظمة التعليق الامنة مثل مكفرسون ومتعددة الوصلات مكلفة للشركات وبالتالى ترفع الثمن النهائى للسياة فان الشركات تضع انظمة تعليق رخيصة الثمن وغير معقدة مثل القضيب الصلب(الدنجل) اوالعمود الالتوائى او الوصلة الواحدة (الثنائية)ويسمكونها تعليق شبه مستقل
اما بخصوص تجميع الموضوع فان ادعو السادة الاعضاء المتخصصين لعمل موضوع عن انواع التعليق الخلفى (لان المامى كله او معظمه مكفرسون)ويبين مميزات وعيوب كل نوع وامثلةو للسيارات اشائع استخدام هذا النوع او ذاك فيها وان شاء الله لو قدرنى ولم يكتب لنا احد من المتخصصين فسوف اقوم بهذا المل موثقا ومصحوبا بالصادر
تقبل تحياتى وشكرى وتقديرى :satelite::satelite:
يا جماعه فى حاجه انا لاحظتها
الاهم مش نظام التعليق الاهم نظام المساعدين واليايات
يعنى
1- لو المساعدين والسوست ناعمه وخفيفه يعنى بتفتح وتقفل بسهوله يبئا العربيه ناعمه على الطريق ومش ثابته (سواء كانت منفصله او متصله)
مثال (تويوتا كرولا متصله وناعمه-فيرنا شبه منفصله ومش ثابته) والسبب نعومة المساعدين والسوست
2-لو مساعدين ناشفه ويايات رياضيه: تبئا خشنه وتقطم الظهر لكن ثابته (سواء منفصله او متصله)
مثال : (اى عربيه فيرنا معدله بعفشه رياضيه او اى عربيه عفشتها متصله لكن رياضيه)
ارجو تكونو فاهمنى
طبعا المنفصله اثبت وانعم من المنفصله فى حالة تساوى نوع المساعدين واليايات والوزن
لكن الاهم اليايات والمساعدين بالذات فى العربيات الرخيصه
يعنى فيرنا بعفشه رياضيه(يايات رياضيه ومساعدين رياضيه وجنوط رياضيه) اثبت من اوبترا عاديه او لانسر او حتى سيفيك
ونفس الكلام ينطبق على اى نظام تعليق
الكلام ده صح !!!!:whtauwant:
لو سمحت انا كان ليا استفسار ماهى العفشة الرياضية كنت زمان اعرف ان اسمها كونى وغالية مش رخيصة ولا اى عفشة نشفة يقال عليها رياضية وياريت الرد يكون فنى بحت وليس اراء واعتقادات وشكرآ لكل من افادنا بعلمة جزاكم الله خير
===================================
اسمحلى ببعض الاحظات على مشاركتك الجميلة
السست والمساعدين جزء من نظام التعليق (جايز حضرتك تقصد مش مهم نوع وصلة التعليق وهل هى منفصلة ام متصلة )
لان نظام التعلبق يشمل حاجات كتير زى *السست *المساعدين*الجلب*المقصات*ال بلى*البيض*الشدادات*الخ الخ
2-من ناحية النعومة والقساوة انا متفق مع حضرتك لكن المثال الاول بيقول ان كورولا متصلة عكس الفيرنا ولكن الحقيقة هما الاتنين من النوع شبه المنفصل
طبعا المنفصله اثبت وانعم من المنفصله
حضرتك تقصد من المتصلة
يعنى فيرنا بعفشه رياضيه(يايات رياضيه ومساعدين رياضيه وجنوط رياضيه) اثبت من اوبترا عاديه او لانسر او حتى سيفيك
الجنوط مع انها بتاثر تاثير بسيط على ثبات العربية الا انها لاتدخل فى منظومة التعلق
الجنوط بتعللى او توطى العربية يعنى جنط 14 معناه ان قطره 14 بوصة يعنى 14 *2.5 =35 سم وجنط 16 =40 سم يعنى التانى رفع العربية 5 سم عن الاول لكن بالنسبة للاطارات الثبات بيجى من عرض المداس وهو الرقم الاول للاطار فلو اتقال مقاس 185 -معناه ان عرض الاطار الملامس للارض 18.5 سم ولو 205 زىالكورولا الجديدة مثلا معناه 20.5 سم والتناسب طردى بيض العرض والثبات
لكن جرى العرف على اطلاق لقب جنوط سبور على الجنوط المصنوعة من السبائك الخفيفة مثل الالمونيوم او الماغنيسيوم او النيكل كروم لتمييزها عن الجنوط الاساسية المصنوعة من معدن الحديد
لك كل ودى وتقديرى
==================================
طبعا هرد على حضرتك رد فنى بحت وليس اعتقادات
وانا معك اشكر كل من افادنا بعلمه جزى الله الجميع كل خير
العفشة الرياضية هى مساعدين اكثر قساوة وزنبركات اكثر صلابة واقل فى عدد اللفات -يعنى اوطى من العادية -واكثر سمكا ونوعية الصلب المستخدم اكثر صلابة يعنى باختصار بتبقى انشف واوطى من العادية ولكن اثبت كثيرا وخاصة عند الملفات وممكن ناس كتير تقص جزء من السست -لفة او اتنين - ويفضل ان يكون على البارد -زى الشباب السعمدى مابيعمل وبيسمه التهبيط وبيغيروا المساعدين بانواع اخرى زى المونرو او الكونى
فالكونى بحد ذاته انواع منه الكلاسيك والاسبليشيال وfsdوهو اختصار لعبارة frequency selective damping
وهذا الاخير يتاقلم مع الطريق ويمكن التحكم فى قساوته وهناك النوع السبورت وهو اقصر واقسى واثبت انواع الكونى ويمكن شراء الكونى من وكيله-ارابكوم-بمدينة نصر وموضوع غالية ورخيصة فلكل سيارة نوع خاص بيها والاسعار فى رينج 2000 الى 5000
ارجو ان اكون قدمت ولو معلومة واحدة فنية تفيد حضرتك ونكون سعدا اكتر لو حد شاركنا الراى تقبل خالص تحياتى
جزاك الله كل خير يا اخى الكريم على رد حضرتك الجميل سبب سؤالى هو ان اى عفشة ناشفة فى عرفنا الان يطلق عليها من الناس عفشة سبور زى الجن 2 والبرسونا والنيو سيراتو وغيرها فى الوقت الى كنت اعرف ان العفشات الرياضية بتنزل فى العربيات الغالية الرياضية زى الميراج والرينو سبورت والامبريزا سبورت والفوكس الgt وكلها طبعآ عربيات غالية وحتى طريقة مشيتها وادائها وارتفاعها وتفاعلها مع الطريق مختلفة تمامآ فهل الاختلاف فى جودة الخامات فقط ولا فى التصميم ارجو ان اكون قدرت اوضح اكثر سبب الاستفسار ولكم منا جزيل الشكر والعرفان وممكن شوية برتقان :M_yes[1]: