الموضوع: استطلاع:تعرف نوع التعليق الخلفى لسيارتك؟

احب احي صاحب الموضوع علي مدي ذوقة واحترامة
ومتابع باهتمام

المشاركة الأصلية كتبت بواسطة Hosam_Optrawy

الاتجاه السائد دلوقتى هو التوفير فى تكلفة انتاج العربيه

والملتى لينك مكلف

فبالتالى الشركات بتلجأ لنظام التعليق الغير مستقل Torsion Beam

بس الغريبه ان البلد الوحيده اللى كروز فيها تعليقها الخلفى مستقل هى سنغافوره independent four link

Chevrolet Singapore - Aveo

وبقية البلاد كلها مكتوب يا اما Torsion Beam او Twist Beam

semi-independent with watts Z-Link

هل فى فرق بين ال Torsion Beam وال Twist Beam ؟

وايه هو ال Watts Z-Link ؟

----------------------------------------------------------------
كلام مظبوط تماما الشيفروليه الكروز اللى حضرتك بتتكلم عليها دى موديل 2011 ومعمولة للسوق الامريكى والكندى واول ظهور ليها كان فى معرض لوس انجلوس 2 ديسمبر 2009 وسيتم عرضها تجاريا فى الربع التالت من 2010وهى بمحركين 1800 سى سى والاخر 1400 سى سى توربو 138 حصان عند 4900 ار بى ام وعزم 200 نيوتن /متر عند 1850 ار بى ام (واو)وهى عائلية صغيرة فاخرة لمنافسة الكورولا واسيفيك والالنترا والفوكس
بالنسبةللتويست والتورشن فالمعنى واحد وهو القضيب الالتوائى
نيجى للسؤال الجميل من انسان ذكى watts-z link وهو من انواع التعليق الحديثة واول ون اكتشفه وسمى باسمه هو العالم الشهير جيمس وات (1736-1819)
وذلك لتحريك بستم المحرك البخارى فى خط مستقيم واول من استخدمه حديثا كنظام تعليق شركة BMW فى فئة سياراتها Z وبالتحديد Z1 1990ثم فى الكوبيه E36 -3.SERIES وروفر 75 واسمته ADAPTIVE COMPOUED CRANK)(TORTION BEAM-WITH Z- LINK -TUNABLE CONTROL ARM- وهو باختصار عبارة عن عمودين اب وج د النقطة ا متصلة بالعجلة اليمين والنقطة ج متصة بالعجلة الشمال والعمودان ليسا فى خط افقى واحد ولكب يصل بينهما فى وضع شبه راسى عمود اخر هو ب د وتتحرك النقطتان ب ود مع حركة العجلتين الراسية بغية المحافظة على نقطة المنتصف بين ب ود فى وضع افقى وثابت بصفة دائمة وهذا لينك لصورة هذا النظام لانى للاسف (وللاسف ليه الصراحة حلوة)اخوكم جاهل تماما فى موضوع رفع الصور (واه لو كنت اعرف كنت غرقتكم صور يللا)
http://upload.wikimedia.org/wikipedi...ropped.jpg:ma:

المشاركة الأصلية كتبت بواسطة TOOLA

فولكس بورا 2000 تعليق خلفى متصل

------------------------------------------------------------------
حضرتك تقصد ايه؟

المشاركة الأصلية كتبت بواسطة classboy

شكرا علي الموضوع

ا--------------------------------------------------------------------
العفو ياباشا كلك ذوق

المشاركة الأصلية كتبت بواسطة esamghanayem

فعلا التعليق الخلفى المستقل افضل من المتصل لاسباب كتير
النعومه
الثبات
العربيه بتبقى بوضع موازى للارض بغض النظر عن شكل الطريق او عن ارتفاع فرده الكاوتش الخلفيه
ولاكن التعليق الخلفى المتصل فعال فى العربيات ( الهاتش باك والنوتش باك ) اما العربيات السيدان بشنطه كبيره او طويله ( ليفت باك ) فهو غير فعال بالمره

------------------------------------------------------------------
انا مع حضرتك فى النص الاولانى لكن نقطة ان التعليق الخلفى المتصل فعال فى الاتش والنوتش ياريت حضرتك توضحلنا الجزئية دى علشان كلنا نستفيد

المشاركة الأصلية كتبت بواسطة Dr_Smart

suzuki sx4 sedan ... torsion beam

thanks for this nice topic

---------------------------------------------
العفو يادكتور احمد -يازميل المستقبل -وياريت تحكيلنا عنثبات ونعومة وامان السوزوكى SX4لانى بحب العربية دى جدا وخاصة انها من العربيات القلائل فى فئتها اللى لسة يابانى %

المشاركة الأصلية كتبت بواسطة surgeon1

----------------------------------------------------------------
كلام مظبوط تماما الشيفروليه الكروز اللى حضرتك بتتكلم عليها دى موديل 2011 ومعمولة للسوق الامريكى والكندى واول ظهور ليها كان فى معرض لوس انجلوس 2 ديسمبر 2009 وسيتم عرضها تجاريا فى الربع التالت من 2010وهى بمحركين 1800 سى سى والاخر 1400 سى سى توربو 138 حصان عند 4900 ار بى ام وعزم 200 نيوتن /متر عند 1850 ار بى ام (واو)وهى عائلية صغيرة فاخرة لمنافسة الكورولا واسيفيك والالنترا والفوكس
بالنسبةللتويست والتورشن فالمعنى واحد وهو القضيب الالتوائى
نيجى للسؤال الجميل من انسان ذكى watts-z link وهو من انواع التعليق الحديثة واول ون اكتشفه وسمى باسمه هو العالم الشهير جيمس وات (1736-1819)
وذلك لتحريك بستم المحرك البخارى فى خط مستقيم واول من استخدمه حديثا كنظام تعليق شركة bmw فى فئة سياراتها z وبالتحديد z1 1990ثم فى الكوبيه e36 -3.series وروفر 75 واسمته adaptive compoued crank)(tortion beam-with z- link -tunable control arm- وهو باختصار عبارة عن عمودين اب وج د النقطة ا متصلة بالعجلة اليمين والنقطة ج متصة بالعجلة الشمال والعمودان ليسا فى خط افقى واحد ولكب يصل بينهما فى وضع شبه راسى عمود اخر هو ب د وتتحرك النقطتان ب ود مع حركة العجلتين الراسية بغية المحافظة على نقطة المنتصف بين ب ود فى وضع افقى وثابت بصفة دائمة وهذا لينك لصورة هذا النظام لانى للاسف (وللاسف ليه الصراحة حلوة)اخوكم جاهل تماما فى موضوع رفع الصور (واه لو كنت اعرف كنت غرقتكم صور يللا)
http://upload.wikimedia.org/wikipedi...ropped.jpg:ma:

شكرا جزيلا على المعلومات

المشاركة الأصلية كتبت بواسطة d0tn3t

شكرا ياباشا على الموضوع
بس عايز اعرف النوبيرا تعليقها ايه

================================
قضيب التوائى(tortion beam)

المشاركة الأصلية كتبت بواسطة ashrafsadany

ممكن تفسير اكتر عن هذا النظام ومميزاتة وعيوبة

======================================
الفكرة بسيطة جدا وهو عمود حديد واصل بين العجلتين ولكن ليس ثابت زى المحور الخلفى (الدنجل) بتاع النص نقل مثلا ولكن مع حركة احدى العجلتين فوق مقب او نز ولها فى مطب اوفى الدورانات فان هذا العمود يلتوى او ينفتل او يتبرم علشان مايوصلش للعجلة التانية كل التاثير اللى جه على العجلة الاولى وعشان كدة بيسموه تعليق شبه مستقل
اما مزاياه فمنها انه
-رخيص
قادر على التحمل
-بسيط فى فكرته وتركيبه وصيانته
-السست والمساعدين معاه بيبقو خفاخ وايضا رخاص
-لايحتاجلحاجة اسمها sway bar منفصلة
وعيوبه
-زاوية الكمبر محدودة
-من الصعب ظبط درجة القساوة اثناء الدوران الاحساس بالخشونة عند ارتفاعه يستلزم عمل تجويف للشكمان لانه بيمر بشكل عرضى وعشان كدة كان فيه زمان عمود الصليبة cross beam
ودا رابط فيه كل مزايه وعيوبه وتحت امرك
Twist-beam rear suspension - Wikipedia, the free encyclopedia


لحد دلوقتى التعليق الخلفى الثابت اوشبه المستقل هو السائد بعدد 19 صوت يليه المستقل 14 صوت من لايعرفون نوع تعليق سيارتهم 11 صوت من يسمعون عن الموضوع لاول مرة 5 اصوات فى انتظار المزيد من الاصوات ولو ممكن حد من المكتخصصين او من لديهم فكرة عن انواع التعليق واهميته للسائق والركاب ومزايا وعيوب كل نوع حتى تعم الفائدة

ما هو نوع هذا التعليق twisting axle with interconnected wheels وهو خاص بفيات لينيا وهى الحمد لله ثابته جدا جدا حتى على السرعات اعلى من 180 وعفشه ناعمه
والف شكر

المشاركة الأصلية كتبت بواسطة ayman2

ما هو نوع هذا التعليق twisting axle with interconnected wheels وهو خاص بفيات لينيا وهى الحمد لله ثابته جدا جدا حتى على السرعات اعلى من 180 وعفشه ناعمه
والف شكر

=====================================
هو نفسه التورشن بيم(القضيب الالتوائى)والنص الخير من الجملة معناها الرابط بين العجلتين
لكن لى سؤال الفيات لينيا عربية جميلة عائلية وواسعة لكن معروف ان موتورها مش اد كدة جايز عشان هى 1400 سى سى وبالتحديد 1368 سى سى والسرعة القصوى ليها 165 كم/ساعة فازاى حضرتك جبت بيها اعلى من 180 كم / ساعة
معلش مش قصدى حاجة والله مجرد سؤال لان جايز يكون عندك الموتور اللى بشاحن توربينى ودا اسمه 1.4 v t-jet وسرته القصوى 200 كم /الساعة
بس مدى علمى ان الموديل دا مابينزلش مصر بصفة تجارية يعنى ممكن special order تقبل تحياتى

المشاركة الأصلية كتبت بواسطة surgeon1

=====================================
هو نفسه التورشن بيم(القضيب الالتوائى)والنص الخير من الجملة معناها الرابط بين العجلتين
لكن لى سؤال الفيات لينيا عربية جميلة عائلية وواسعة لكن معروف ان موتورها مش اد كدة جايز عشان هى 1400 سى سى وبالتحديد 1368 سى سى والسرعة القصوى ليها 165 كم/ساعة فازاى حضرتك جبت بيها اعلى من 180 كم / ساعة
معلش مش قصدى حاجة والله مجرد سؤال لان جايز يكون عندك الموتور اللى بشاحن توربينى ودا اسمه 1.4 v t-jet وسرته القصوى 200 كم /الساعة
بس مدى علمى ان الموديل دا مابينزلش مصر بصفة تجارية يعنى ممكن special order تقبل تحياتى

لا ياباشا اللينيا التى جيت التربو ال 120 حصان موجوده فى مصر بشكل تجارى وضمان الوكيل عادى
وشكرا يا باشا على الموضوع الجميل ده
و على فكره الكلام ده تعتبع قواعد لمميزات وعيوب انظمة العفشه
ولكن لكل قاعده شواز
يعنى عادى ممكن تكون عفشه منفصله وبرغم كده مش ثابته خالص مثال : فيرنا
وممكن تكون عافشه متصله وبرغم كده مريحه جدا مثال :الكرولا وكمان ممكن تبئا ثابته زى البيجو 307 عن تجربه
بس كلامك طبعا صحيح علميا واحيانا شركات كبرى بتقدر تكسره برده

المشاركة الأصلية كتبت بواسطة momopersona

لا ياباشا اللينيا التى جيت التربو ال 120 حصان موجوده فى مصر بشكل تجارى وضمان الوكيل عادى
وشكرا يا باشا على الموضوع الجميل ده
و على فكره الكلام ده تعتبع قواعد لمميزات وعيوب انظمة العفشه
ولكن لكل قاعده شواز
يعنى عادى ممكن تكون عفشه منفصله وبرغم كده مش ثابته خالص مثال : فيرنا
وممكن تكون عافشه متصله وبرغم كده مريحه جدا مثال :الكرولا وكمان ممكن تبئا ثابته زى البيجو 307 عن تجربه
بس كلامك طبعا صحيح علميا واحيانا شركات كبرى بتقدر تكسره برده

================================
انا متشكر جدا على المعلومة الجديدة بالنسبالى وهى تفر اللينيا تيربو بشكل تجارى وممكن لو تكرمت تقوللى سعرها كام
اسمحلى اوضح ان تعليت الفيرنا مش منفصل وانما coupled tortion beam axle ودا الرابط
Verna : Feel It

/verna_try.asp?pagename=tecspec