انا بخاف منه
انا بخاف منه
ربنا يحفظنا جميعا
طبعا الكلام ده قديم شوية دلوقت اصبح فيه رادار على كورنيش اسكندريه حاسب واحترس انك تزود السرعة عن 60 هتدفع 150 جنيه ياحلو ومش لجنة وكمين والكلام ده لالالا هيا الكاميرة متعلقة فى اى حته وممكن تبقى ف ايد الظابط نفسه يصورك ووراك بالموتوسيكل يوقفك والباقى معروف
طبعا فى انفاق وكبارى بس للاسف الناس بتكسل وسيدى جابر فيها نفق وفيها سلم كهربائى امام محطة القطار ومع ذلك محدش بيستعمله
دى سلوكيات هنعمل فيها ايه
معروف ان حوادث الكورنيش العن من حوادث الدولي الساحلي و الصحراوي...كل شاب بيغرو وسع الطريق وينسا انو في مدينه و من السهل يتفاجيء بأي حد بيعدي او عربيه ماشيه براحه..و ربنا يستر طريقنا جميعا
الرادار بيكون موجود يوم الجمعة قبل الصلاة عند سان ستيفانو
غير كده انا مشفتش
والله العظيم انت قلت الكلام اللي انا عايز اقوله يا باشا .
أولا : إسكندرية بالعدد الهائل بتاع السيارات اللي فيها دلوقتي , من غير الكورنيش كانت هتبقى كارثة مرورية بكل المقاييس و يمكن اسوأ من القاهرة نفسها.
ثانيا : زي ما تفضل العضو المحترم و قال الاسكندرانية حافظين الكورنيش اكتر من بيتهم , عشان احنا حياتنا تقريبا كلها قايمة عليه , عشان كده مينفعش حد من بره يشد عليه و هو أول مرة يجي عشان لا قدر الله هتنتهي بكارثة.
ثالثا الاسكندرانية اللي زعلانين من طريق الكورنيش مع احترامي الشديد جدا ليهم في شارع بورسعيد و ابوقير بيؤدوا الغرض و مفيش فيهم جري ولا شد , و بعيدا عن موضوع الشد و الحرق و الاستعراضات بس بجد بيوفر ليا على المستوى شخصي كمية وقت رهيبة بكل المقاييس.
أخيرا المشاه و دول انا بتبع معاهم نظرية " كل واحد عقله في راسه , يعرف خلاصه " عشان دول شوية منتحرين بيعدوا في وش النفق , لذا ده واحد مش خايف على حياته انا هخاف عليه بأمارة ايه ؟؟؟
ربنا يستر طريقنا جميعا و يحفظنا من الحوادث و شر الحوادث.
مشكور يا باشا على الموضوع و تقبل مروري.
ايه يا جماعة هو انا كلامي زعل حد ولا ايه ؟؟؟
عموما والله انا مكنتش اقصد اي اساءة بكلامي بس كنت بوضح الموقف بس.
تقبلوا مروري و اعتذاري.