lol اية ياباشا لسة فاكر :)))))
موضوع رهيب انا قريته كله ومش مصدق ان فى طريق موت داخل المدينه يعنى الناس معتاده على ان طرق الموت بتكون خارج الوحده السكنيه او المدن و بيكون التصادم فى معظم الاحيان بين السيارات و نادرا ما يكون للمشاه دخل فى تلك الحوادث لكن فعلا كورنيش اسكندريه تتداخل فيه عوامل كثيره اولا كثره المصطافين و المشاه الى بيعدوا الطريق من اماكن غير مخصصه للعبور
السرعات الجنونيه لسائقى السيارات اضافه الى اتساع الطريق مما يساعد على تهور سائقى السيارات و محاولاتهم السير بسرعات جنونيه
كثره الاشغالات فى الطريق و الدورانات و التى قد تسبب فى مفاجئات لا يحمد عقباها
اضافه الى شعور سائقى السيارت بانهم اخيرا وجدوا ضالتهم فى طريق سريع مفتوح لا يوجد عليه مطبات
اعتقد من وجه نظرى المتواضعه لحل تلك الازمه ينبغى التشديد على بعض النقاط
اولا انتشار الاكمنه على الطريق و ليس للتفتيش او مضايقه قائدى السيارات و لكن لتاكيد فكره تحصيل المخالفات الفوريه و سحب الرخص من المخالفين و العمل على نشر كميرات مراقبه و رادارت لمتابعه السير على الكورنيش و تشكيل لجنه خاصه دورها يقتصر على بحث السيارات المخالفه و عمل ملفات لقائد السياره المخالف و و تحصيل المخالفات على وجه السرعه كاداه ردع والتنبيه على قائد السياره المخالف بعقوبات اشد و مغلظه قد تصل الى سحب الرخصه او وقفها عدد اشهر تتناسب مع المخالفه و العمل على تطبيق نظام النقاط على الرخض مثل الدول المحترمه
ثانيا :لابد من وجود حل لمشكله المشاه اما بزياده الانفاق او بعمل اشارات مروريه لعبور المشاه وفى حاله مخالفه المشاه و العبور المفاجىء يتم عمل محاضر لهم و تحصيل غرامات ايضا فليس كل صاحب سياره عمل حادثه بالضروره يكون هو المخطىء
ثالثا :نشر الوعى الثقافى و العوده لمبداء القياده ذوق و اخلاق و اعتقد ان لك لن يتاتى الا بدور اقوى للمجتمع المدنى و المساجد و دور العباده
اعتقد ان الموضوع محتاج تكاتف من الجميع و ياريت ننتهى من نغمه يا عم هوا انتا الى هتصلح الكون وكل واحد يبدىء بنفسه و يصلح من نفسه و كل واحد يا خد باله ان المضرور ممكن يكون سائق السياره الى بيقود بتهور او المشاه المنتحرين و ممكن يكون ناس ابرياء لاذنب ليهم و ممكن يكون المضرور فى النهايه هو انا او انت او اخوك او اخويا او والدك او والدتك او اختك او بنتك يعنى من النهايه المضرور هو المجتمع و اعتقد ان منتدانا ممكن يقود حمله لنزيف الاسفلت باعتباره المنتدى اكبر تجمع على النت لقائدى السيارات و ارجو عدم الاستخفاف بما قيل و اتخاذ الموضوع على محمل الجد
موضوع ممتاز , بس انتم نسيتو حاجة احنا اللى بنعمل الحوادث مش الكورنيش , الكورنيش طريق عادى ممهد مرصوف واسع بس احنا اللى بنستخدمة غلط .
من المعروف عند اى حد فى اسكندرية بيسوق ان الحارات 3 سرعات .
الحارة الشمال جرى و فرك و اليمن بتهدى على شان غيرك يعدى اما بقى اللى فى النص انت و حظك .
لازم ياجماعة نعرف ان احنا اللى بنخلى الطريق خطر او كويس و طبعا انا مبنفيش و جود عيوب كتيرة فى الطريق زى اليوترنز و المنحنيات و غيرها
و ربنا يسترها معانا
[QUOTE=pro_samir;3872259510]انا مستغرب جدا إن الكورنيش لسه لم يصاب لحد دلوقتي بإنفلونزا المطبات[/QUOTEصعب جدا ياباشا يتعمل مطبات على الكوزنيش
طريق الكورنيش ده مشكله كبيره جدا
الناس للاسف بتعدي الشارع وبتتجاهل الانفاق ويمكن برضه عندهم حق لان الانفاق قليله
والمنحنيات بتاعة الطريق مميته لان اللي بيعدي ميعرفش يقدر بالظبط اتجاه العربيه
لان السائق فجاه بيعدل العربيه لانه لا يمكن يفضل على انحناء مش يلحق يعدل نفسه
فيفاجئ للاسف اللي بيعدي ان العربيه اصبحت ادامه مباشرة ويحصل في لحظه اللي محدش عامل حسابه يخبطه
فالحال ببساطه اما انهم يعملوا انفاق مشاه كل مسافه محدده او انهم يحددوا السرعه على الطريق ده مش اكتر من 40
والحل التاني يعتبر حل الا انه هيسبب مشكله تانيه وهي الازدحام
يا جماعة انا شوف حادث بعينى دا فعلا يا جماعة حادددث عند كوبرى ستانلى وانتا رايح على سيدى جابر
وانتا طالع الكوبرى يوجد منحنى جامد جداا المنحنى دا والله العظيم العربية وهية بتخدة حاجة حصلت فى العجل او العفشة
عموما العربية لفت منة شمال اصدمت بالرصيف العربية لما اتصدمت بالرصيف زى ما تقولوا حاجة صددها
العربية وقفت على وشها كنا وقفين على كوبرى ستانلى اول لما سمعت صوت فرملة
ببصت لقيت العربية واقفة ولا اكنها عاملة جامب زى الموتوسكل جرينا كلنا العربية كانت بتولع اول لما لقينا ولعة فى العربية كلة
جرى والعربيات وقفت جبنا طفيات حريق وطفنها
واكتشفنا فى الاخر انا الشباب صحاب العربية كانوا واقفين على الكوبرى واحد صحبهم كان واخد العربية يجربهااا
قولنا لا حول ولا قوة الا بالله والحمد لله صحبهم طلع سليم من العربية بس كان فى كدامات
السرعة المقررة على هذا الطريق 60 كيلو فى الساعة . وهناك لائحة بالحظر من الرادار
ولكنى لم أرى الرادار ولا مرة . :8954[1]:
d يا رجالة انتو نسينتو يوتيرن اللى عند الشاطبى تقريبا كل يوم حادثة عندو
فيه الـ يوتيرن بتاعت سبورتيتج الجديدة تبقى ماشى عادى فجأة تلاقى فى وشك الرصيف بدون مبالغة
انا اول ما فتحوها كنت هلبس لبسة وحشة اوى بس الحمد لله لحقت نفسى