المشاركة الأصلية كتبت بواسطة خالد خليفة
مهو طبعا الموضوع جديد عليكو والرادار يتحط فى اى حد ومش حكر على الطرق السريعة بس وانا شخصيا ممسوك جوه مدينة مطروح اللى مفيهاش حد ماشى ولا ساكن اصلا بسرعة 65 فى الساعة
و دى ملحوظة لاحظتها على كورنيش اسكندرية الاسبوع اللى فات بان كل الطريق ماشى ملتزم محدش بيجرى ومشيت زيهم لقيت نفسى ماشى 50 وطبعا انا من هواة الجرى لكن الشارع شكله مريب مش معقول مفيش واحد بيجرى ولما سالت قالولى حكاية الرادار والظابط والكامير المتنقلة لانه ميقدرش يعمل زى الطرق السريعة ويعمل كمين على الكورنيش هيوقف الدنيا فالكاميرا بتبقى مستخبية فى اى حتة والباشا يعرف مواصفات المخالف اللى اتصور ويجرى وراه بالموتوسيكل وانا شخصيا شفت موتوسيكل عند كوبرى ستانلى مستنى السقطة واللقطة ثم ان الرادار فلسفته ايه
دى كاميرا صغيرة اى حد يمسكها ويصور بيها وانا بعينى شفتها على الصحراوى اعجب من كده كمان
عربة نجدة (الاتارى ) تلاقيها واقفة مستخبية وسط المحلات اللى على الصحراوى وفجأة تطلع تمشى وسط العربيات دى بقى بيبقى جواها ظابط ماسك كاميرا وبيصور يمين وشمال لان فى ناس ومنهم انا حافظين اماكن الرادارات الثابته على الصحراوى فبيصطادهم فى مناطق تانية وانا شخصيا لما عرفت الحكاية دى من شهر خرجت من بيتنا رابط الحزام ولما دخلت المحور مزودتش عن 90 لحد اسكندرية وفعلا قبل السادات بحوالى 40 كيلو يعنى عند الريف الاوروبى تقريبا عند الكيلو 50 وانت رايح خرجت المحروسة وقعد يصور وفعلا الرادار الثابت مصطادش واحد كان ماشى جنبى والبيه جرى وراه لحقه بعد الكمين وعدين من جنبه وكان موقف الطريق طبعا فسمعته بيقول له انت سايق 111 والتانى بيقولة انا متصورتش فقال له انا مصورك
طبعا دى يمكن جديد ة شوية لكن عارفينها اللى بيسافرو كتير زى حالاتى عموما اللى مش مصدق يجرب ياخد كورنيش اشكندرية كله من ابو قير لحد المنشية اكتر من 60 بس يكون مجهز 150 جنيه
انا شخصيا اخدتها قبل كده من ابو قير للمنشية فى تلت ساعة دلوقة اكتر من ساعة