[youtube]http://www.youtube.com/watch?v=F5_55hoUqXk[/youtube]
عرض للطباعة
[youtube]http://www.youtube.com/watch?v=F5_55hoUqXk[/youtube]
الفيديو دوة بيوضح قوة النيفا فى مقابل جييب و رانجلر و شيروكى
النيفا على الرغم من أن محركها 1,700 سى سى و 80 حصان إلا إن وزنها خفيف 1,200 كجم مقارنة بالمسافة بين العجلة الأمامية و الخلفية Mini SUV مما يلائم توزيع قدرة المحرك على العجلات الأربع لذلك تظهر قدرات النيفا أكثر فى الطرق الوعرة و الطينية نظرا لما سبق أما فى الطرق الممهدة أو الأقل وعورة فتخسر من حيث السرعة و القدرة نظرا لصغر قدرة محركها بالنسبة لمحركات سيارات الدفع الرباعى المعتادة 2,000 إلى 4,000 سى سى
إن الميزة الأساسية للنيفا هى Cheap Reliable Mini SUV أى سيارة أداء رياضى رخيصة إعتمادية رشيقة الحجم.
و دية على ما أعتقد أنها أحد أهم الأسباب لإعتماد الجيش المصرى عليها فترات تفوق الثلاثين عاما إلى الآن , و حتى اليوم أرى نيفا الجيش على الطريق و أرى رتل عسكرى للجييب و الهامر إلا أنى أعتقد أن النيفا أكثر إقتصادية و أكثر قدرة على تخطى الوعورات الجبلية بسرعة أعلى و رشاقة أعلى و إقتصادية تشغيل أقل , و الله أعلم.
Off-road test-drive: Lada Niva-УАЗ 31519-Jeep Wrangler-Grand Cherokee
[youtube]http://www.youtube.com/watch?v=oMZFyFPaETU[/youtube]
مع كامل إحترامي للفيديوهات اللي على اليوتيوب...
الا أني ليا ملحوظة....
أولا أصعب صحرا في العالم... الصحراء الغربية... و اللي بتمتد من مصر مرورا بليبيا... و اللي بيكون فيها بحر الرمال...
الفيديوهات ديه مفيش حاجة منها متصورة هناك...
مع العلم بأن النيفا طلعت معايا مرة في رحلة قبل كدا و كانت 2009... و مع الأسف... غيرنا برنامج الرحلة عشان
أدركنا بعد أول غرد أنها مش هتكمل الرحلة معانا.... مع العلم بأن اللي كان سايقها كان واحد صاحب تاريخ...
(يكفيني أقولكو أنه ساق في بحر الرمال حوالي 12 مرة - من سيوة لهضبة الجلف الكبير... و العكس)
العربية فوق الغرد تلاقيها بتنعر جامد أوي... و تخسع... و تروح متزحلقة و متعرفش تطلع...
الشيروكي و الرانجلر (6 سلندر) مستوى تاني... و مفيش وجه مقارنة أصلا....
اللاند كرورز - لاند روفر - نيسان باترول (دول بأة خارج أي نوع من أنواع المقارنات)
:-)
على كده يااستاذ مينا لو حد في مصر عايز يركب 4*4 حلوة لازم يبقى معاه اكتر من 200000 جنيه على كده
احنا عندنا مزرعة وبقالنا سنة بندور على عربية كويسه عشان بقالنا الفترة كلها بنروحها بال 128 :) ايوه والله عشان مستخرين نروح باللوجان او اللانسر وطبعا العربية بقت مسخرة كل كام يوم يضرب مساعد او كاوتش يتخرم
المزرعة داخل ممرات رملية مفروشة بالحصى لمدة 5 كيلو عن الاسفلت رايح جاي
روحنا شركة الامل عشان النيفا , صاحب المبيعات نفسه نصحنا نبعد عنها عشان كذا عربية رجعت لهم عشان مشاكل في الموتور الانجكشن
عربية بقالها اربعين سنة مش عارفين يعملولها انجيكشين عدل :120146b:120146b
انا حموت على الداستر الجديدة خصوصا اني مجرب توكيل رينو بس خاليف عشان جديدة
ايه رأي حضرتك
الكلام عالصحرا الغربية.... هي اللي محتاجة عربية محترفة زي المذكورين فوق...
لكن يا باشا لو مزرعة و مدقات و رملة بسيطة (ال128) نفسها ماغرزتش فيها.... يبقا أي عربية عاليةهتخش معاك....
تعرف أن البيجو ال504 تعتبر من أنسب الاختيارات في الموضوع ده؟؟
مش قادر أقولك أد ايه العربية ديه تحفة في المدقات و الطرق الوعرة.... فعلا... أسطورة...
عموما لو بتدور على حاجة في الرينج القريب... عندك الشيروكي التسعينات و لحد 2001 (و ديه آخر الشيروكي المحترمين)
هتلاقيها بتبدأ من 65-85 حسب الحالة و الموديل...
عايز حاجة مريحة شوية... شوف الفرونتيرا.... و برضو هتلاقيها في رينج ال70-80
عايز راحة و رفاهية و أكنك مش راكب 4x4 أصلا....
شوف الفيتارا ال4 باب... و رينجها 60-70
حسب ميزانيتك.... مفيش 4x4 غالية... اللي عايز يركب 4x4 هيركب.... حتى لو معاه 20-30 ألف (ممكن يجيب رانجلر تمانينات)
على فكره كله ناسى الماهنديرا مع أنها تقريبا أحسن عربية كإختيار يكفى أن صديق كانت العربية بتفضل ثابته معاه لما 180!!!!!!!!!!!!! وفى إعلانات كتيرة بتقول إنها موفرة للبنزين وأنا شايف إنها قوية كفاية ولما تجيبها زيرو يبقى أسمها زيرو وتوكيل جامد جدا وفى الآخر كمان كماليات يعنى مش قوة وتوفير بس وفى الآخر الرأآ الأخير ليك بس أنا شايف إن العربية مظلومة جدا علشان هندى بس لما تركب العربية ما شاء الله عربية جامدة جدا وياريت يكون رأيى وصل لحضرتك
يا باشا انا عاجز عن الشكر
انت فعلا استاذ ال 4*4 :b4_388::b4_388::b4_388:
سؤال اخير وكفاية كده عشان تعبت حضرتك
ينفع عربية زي الشيروكي يركب لها غاز مثلا ويبقى موفر عشان المزرعة بعيدة عن البيت حوالي 100 كيلو رايح جاي يبقى 200 كيلو يعني 40 لتر بنزين يعني حوالي 75 جنيه لو بحط 92 وانا مش بقتنع بحكاية ال 80 عشان بحب احافظ على العربية لدرجة ان ال128 لغاية دلوقتي بيتحط لها 92
وهل الغاز مش حيقلل من قوتها ؟؟؟
يا باشا متشكر جدا لذوقك... :)
و مفيش تعب ولا حاجة إسألني براحتك... دي متعتي أني أتناقش في الموضوعات ديه....
بص... بالنسبة لموضوع الغاز الطبيعي... أنا عندي اعتراضات كتير أوي عليه عشان بيقلل عمر الموتور و عشان بيخلي العربية بطة بلدي...
لو هتحط 92... و دا عن تجربة... هيعمل معاك كيلومتر أكبر.... و صوت الموتور هتلاقيه أهدى....
لو عايز حاجة كويسة و موفرة... ممكن تجيب رانجلر بموتور تويوتا ديزل..... و ديه رينجها في حدود ال30 ألف...
و انسى خالص موضوع الوقود ده... لأن الديزل بطبيعته موفر جدا... و مواتير الديزل معمرة عنالبنزين و أسهل 100 مرة في الصيانة....