-
120 كم و انت تشد معاه ولو متر واحد ليس له الا معنى واحد
استهتار و عدم احساس بالمسئولية
نصيحتى ليك انك تكثر من الاستغفار و تطلع شئ لله و لو امكن يبقى لاهل البنت
و ياريت محدش يقول ان فى ناس بتعرف تمشى بسرعة و ناس مبتعرفش تسوق بدليل ان الواد اللى خبطها مداسش فرامل يعنى مشفهاش اصلا
-
معلش استغفر ربنا واهدى شوية كدة
ودة درس لينا كلنا مش ليك لوحدك
علشان نبطل جرى وشد
وكمان نتعلم من هنا ان مهما كانت قدرتنا فى السواقة فمحدش برضة ضامن ظروف الطريق (عبور مشاة -رصيف-حفرة-عربية بتعدى الشارع)
وكمان اننا منسبش اولادنا الصغيرين لوحدهم فى الشارع ابدا
وكمان نعرف ان الموت قريب ولازم نعمل حسابة
-
الله يرحمها,
أنا ضد فكرة الجري جوه البلد بصراحة أنا مش عايز افتى..بس أنا من رأيي ممكن تكون البنت غلطانة زي مالشاب اللي كان بيجري ده غلطان.
يعني هي بتعدي من غير ماتبص؟
في ناس بتعدي الشارع ولا كأنه شارع ابوهم ولا بتبص ولا حتى بتعديه بسرعة ده على اقل من مهلها وممكن كمان تعديه بالورب لو مزاجه كده.
هو عارف إنه لو لا قدَّر الله خبطته عربية اللي حايتحاسب ويتحبس فيها هو السواق.
وهو حيبقى المظلوم وحتى لو كان السواق ماشي على 40 وفرامله ملحقتوش حيبقى هو المتهور اللي جاب عربية يدوس بيها خلق الله واللي واللي..حتى لو كان اللي بيعدي الشارع هواللي غلطان 100%.
وفي النهاية ربنا يصبر أهلها ويسكنها فسيح جناته.
-
اليك يا من تدعى سلامتك وبرائتك من هذا الحادث المروع .. لم يكن كلامى لك من قبل قصده التقطيم فماذا يفيد تقطيم وقد ماتت البنت ولا حولا ولا قوة الا بالله اعلى العظيم .. ولكن كان كلامى لطبيعة حال انت لا تريد ان تعترف به .. فقد ماتت بنت بريئة بسبب هذا الشاب الارعن وبسبب تسارعك معه لاستهتارك ولو كان هذا التسارع لمتر واحد فليس مقدار الخطأ بمقدار المسافة وانما بطبيعة الخطأ نفسه فانت حفزته للضغط على دواسة البنزين وتسقيط نقلة على حد قولك ليملك قوة عزم اكبر لهيزمك . ثم هل 100 متر مسافة قصيرة انها مسافة كبيرة لتبلغ السيارة سرعة كبيرة ... فلا تقول انك تركته بعدها لحاله لانك حفزته عل السرعة اكبر من قبل ، ولو كان هو مسرعا فانت حفزته اكثر واكثر وكونك تركته يمضى فيما بعد فهذا لا ينفى عنك الذنب .. ثم ردا على الفتوة بان لا تز وازرة وزر اخرى فهذه تقال مثلا عندما يتاخر صاحب شركة فى دفع رواتب الناس لظروف قهرية فياتى احد الموظفين بسرقة ليقتات بها ويقول ان صاحب العمل هو المسئول بتاخير الراتب عنى مما دفعنى للسرقة ففى هذه الحالة نقول لا تزر وازرة وزر اخرى لانه لا يدفعك بتاخير الراتب الى السرقة وكان امام هذا الموظف بدائل اخرى وانما هو من اختار السرقة ويريد ان يلقى اللوم على صاحب العمل ... ولكن اذا حفز شخص ما غنى شخص اخر فقير على قتل شخص اخر امام حصوله على ماله ثم تركه يمضى لقتل هذا الشخص وعندما قتله نقول له انت برئ ولا تزروازة وزر اخرى ... اتق الله وارجع الى رشدك واندم على ما فعلت .. انا لا اقول لك انك من قتلت تلك الفتاة البريئة ولكن اقول لك وبكل صراحة وايضا بكل احترام ليس الغرض منه التقطيم وانما ايقاظ ضميرك الذى غاب وصور اليك برائتك من هذا الامر .. انت مدان امام الله باستهتارك وبدفعك وبتحفزيك لهذا الشاب الارعن بالتسارع معك ولو كنت تركته بعد ذلك ... وسوف تحاجك تلك الفتاة عن ازهاق روحها امام الله عز وجل ويجب عليك ان تعى هذا ولا تلقى باللوم على الحكومة المفترية التى لم تحدد طريق للمشاة يا اخى اتق الله وهل الطفلة كانت ستعى وتعرف مكان مرور المشاة وتنتظر الاشارة الخضراء للمرور ولكن انتم تتسارعون وانتم تعلمون ان هذه الشوارع اهلة بالناس فلا لوم عليكم .. تلقى باللوم على ابويها وتحتسب الى الله فعلتهم وانت راجل برئ رحيم تشارك فى دفع شخص ليقتل طفلة ثم تنزل من سيارتك لتطمئن عليها برحمتك كمن يقتل القتيل ويسع فى جنازته باكيا عليه ، وتنكر عل نفسك ما فعلته لها بل وتلقى اللوم على والديها وعلى الحكومة الظالمة الهذا الحد ضميرك مرتاح بان تلقى اللوم عل غيرك ولا تشعر بالذنب حتى ... والله ارى انك لفى غفلة كبيرة عما قدمت يداك .. لابد لك من توبة نصوح ومن كثرة استغفار ومن معاونة تلك الاسرة المنكوبة فى ولدها .. لابد لهذا الضمير ان يستفيق .. لا تزعل من تلك الكلمات فلعلها تكون ثقيلة على صدرك ولكنها سوف تداوى فيك الكثير ..
-
يمكن كنا تكلمنا قبل كده يا دكتور لو تفتكرني
انا في اول الموضوع كنت بقول البنت ملهاش ديه وازاي بنت صغيره تعدي طريق سريع بالطريقه دي
لاكن بعدين فوجئت بان ده كان في وسط البلد
لاني بديهي لما شوفت 100 و 120 قلت اكيد طريق سريع مفكرتش ابدا ان تكون السرعه دي ممكن ناس تجري بيها في وسط البلد
انا حاسس باحساسك يا دكتور لان حاجه قريبه من كده حصلت معايا الشهر الي فات
بس كان علي طريق وسايق 100 120 تقريبا الطريق مزدوج وبينهم رصيف ومن بعيد شايف عيله واقفه علي الرصيف وعايزين يعدوا
في جزء من الثانيه لاقيت الواد فلت من ابوه وبيعدي طريق 4 حارات جري
انا مسكت فرامل وعينك ما تشوف الا النور زحلقه بقي وصوت فرامل يسور والعربيه ضهرها شمال يمين بقي ودي بيجو 504 يعني صباح التعويم
الواد بقي من صوت الفرامل بدا يرقصلي قدام العربيه وبدل ما كان لواحده ابوه نزله ياخده
كان جمبي ربع نقل لاقيته خد يمين خاااااالص وهوا بياخد يمين اخد معاه فيرنا وعلي الرصيف عدل
وانا العربيه وقفت شبه معرضه في الطريق
انا نزلت وخلاص هاكل الواد وابوه كل واحد قلمين نضاف محشهمش من ايدي الا لمة الناس وبالعافيه خلص من ايدي
بالصدفه كان في كمين ولاقيت عربيتين بوكس جايين جري
لانهم شايفين الموقف من بعيد وشايفين الفيرنا والنص الي لبسوا دول
بعد ما كان الراجل عامل فيها السبع رجال وبيقول كنت هتموتني وتموت الواد لما جه الظابط وقالوا ازاي بقي تعدي من هنا وده مش مكان تعدي منه وطريق سريع والمفروض عليك محضر بالي حصل ده كله
بقي عامل زي الكلب وبيقولي خلاص يا بيه ده الواد طار من ايدي ومعلش وبتاع
قلتله من ناحيتي انا مش عايز اشوف وشك بس شوف العربيتين الي لبستهم في بعض
خلص الموضوع انهم سامحوه وخلاص علي كده
انا حكيتلك الموقف ده لاني حاسس بخضتك لما تشوف موقف زي ده
استغفر ربنا وحاول تطلع حاجه لله حتي ولو كانت بسيطه
A.Yakout
-
قدر الله وما شاء فعل
للأسف فى قرارت كتير الواحد مبياخدهاش إلا بعد تجربه مريرة
اللى حصل حصل متفكرش كتير المهم تستفيد من الموقف
-
أنا الحمد لله كنت برضه من عشاق الجري والغرز لحد من سنتين برضه كنت بجري في شارع الثورة وشلت أم وإبنها بس الحمد لله كان الطريق زحمة وكانت سرعتي لسه معدتش 40 المهم الحمد لله الواد محصلوش حاجة والست بس مجرد كدمات
صحيح يومها إتبهدلت في الحجز والنيابة لكن الحمد لله طلعت بدرس عمري ماحنساه إني إتعظت من غير ماخسر كتير ومن ساعتها الحمد لله بطلت أجري نهائيا داخل المدينة
وبجد ربنا يعين الواد بتاع الأكسنت أنا مقدر أوي الإحساس إللي هو مر بي كويس أوي بجد ياجماعة إحساس بشع أوي خصوصا ساعت اخبطة ولمة الناس ده غير الأقسام والحجز والنيابة وتأنيب الضمير
-
لا اله الا الله , اللهم صبر اهلها
-
الله الحافظ
ولا حول ولا قوة الا بالله
-
ياجماعه المشكله فى اللى حوالينا
امبارح مثلا خرجت بالعربيه الماروتى ونفسى امشى بالراحه على قد العربيه بس تشوف بقى الناس بتبص ازاى بقرف للواحد واللى بيعدى طاير من جنبك والله مبقتش عارف اسوقها امبارح وانا ماشى بالراحه لانى كنت حاسس ان فى حد هيشوط العربيه وهو جاى ورايا مش عارف والله اعمل ايه فى البلد دى بس
Content Relevant URLs by
vBSEO 3.6.0 PL2