المشاركة الأصلية كتبت بواسطة angeliccore
أنا رديت في الأول وقلت إن البنت غلطانة عشان مبصتش.
دلوقتي أنا مش فاهم الناس بتكلم صاحب الموضوع وتتهمه بالاشتراك فالجريمة ليه.
هو مش كل واحد فينا ربنا ادالو عقل يفكر بيه؟
هو عشان أنا ماشي بسرعة في أي شارع يبقى أنا بقول لناس تعالوا شدوا معايا؟
عشان معممش برده, أنا حاسس بصاحب الموضوع وربنا يعينه, لما أنا يجيلي مزاج اجري بجري وبأبقى مركز مع طريقي ومليش دعوة بحد تاني شافني بجري وقرر إنه لزمن ولابد يسبقني طول ما أنا ماعبرتوش ولا كلمته. السواق التاني شاف إنه مايكل شوماخر ومشي 150 مشي 200 ولا ليَّ دعوة بيه ودي مشكلته.
حقول تاني, كل واحد وربنا ادّاه مخ. يعني لو أنا شفت واحد بيجري مش مفروض اعتبر ده سباق والعكس صحيح.
نصيحة لوجه الله بعيد عن الحادثة, حاول متجريش حتى ل 100 متر جوه البلد..حوش جريك ده للطرق السريعة وربنا يسترها عليك من الرادار.