و ده طبعا على اساس ان اللى بيجري بالعربية و مش محترم السرعة القانونية للشارع من الاساس هيحترم اماكن عبور المشاه:ma(30):
مش مشكله انها بصت ولا مبصتش اللى بسوق لازم يعتبر كل اللى قدامه مجانين وهوا العاقل
[QUOTE=mohammed_raafat;3872262877]و ده طبعا على اساس ان اللى بيجري بالعربية و مش محترم السرعة القانونية للشارع من الاساس هيحترم اماكن عبور المشاه:ma(30):[/QUOTE
انا بتكلم عن نفسى بس مليش دعوة بالناس التانيين انا لما بشوف حد بيعدى بهديله و اسيبه يعدى و لو فى اشارة بحترمها و لو فى اماكن عبور مشاه هقفلها انا لما كنت بجرى كان فى برضه نوع من الاحترام للناس الى حواليا
انا بتكلم عن نفسى مليش دعوة بحد تانى
انا هديت بكتييير قبل التقاطع و قبل حتى مخش التقاطع وسيبته يجرى مع نفسه!!!!!!!
فين الغلط بقه فى حين هو كان بيجرى فى الاول مع نفسه يعنى مش انا اللى خليته يجرى هو ماكانش عايز حد يعديه فعشان كدة حرق و جرى ومشدتش غير 100 متر و كان على سرعة لا تتعدى 90 ايوة كتير بس السرعة دى اى حد بيجبها من غير شد او حرق (مش كل الناس عشان محدش يقوللى انا مابعملش كدة) و سبته لو حد عارف المنطقة هايعرف انا هديت قبل التقاطع بتاع مؤمن بقد ايه هو اللى حب يجرى و شايف ان مفيش حد قده
فى أية يا جماعة؟ الراجل داخل ينصح و يقول تجربة طلعتوة مشترك بجريمة
بصراحة انا متنرفز جدا من اللى قال كدة فاكر نفسة مفتى دى شهادة حتتحسبوا عليها قدام ربنا عز و جل
مفيش حد بيشيل ذنب حد يأساتذة و الراجل اة سخن شوية و بعدين طنش و كبر دماغة جة التانى كمل و استهبل و راح داخل تقاطع بغبائة و شال عيلة صغيرة من اسرة فقيرة (جاهلة) ايوة (جاهلة) انهم سايبين عيلة تجرى فى الشوارع 8 سنيين و تعدى كمان ولما اتخبطت فاقوا و ذعلوا عليها بجد حاجة مستفزة لأقصى حد لما حد يحكى تجربة تيجى عالم عينت نفسها قضاة و مفتيين يقيموا الحد ع شخص برىء استغفر الله العظيم
قال الإمام الطبري في تفسيره: "{ ولا تزر وازرة وزر أخرى } يقول: ولا تأثم نفس ءاثمة بإثم نفس أخرى غيرها ولكنها تأثم بإثمها وعليه تعاقب دون إثم أخرى غيرها"
يعنى اثمى الوحيد انى جريت ال 100 متر مش موت البنت لان ده فى رقبت بتاع الاكسنت مش انا انا مخبطهاش
بجد ربنا يخليك و شكرا انك فهمت قصدى ايه انا كان نفسى الى بيقول انى انا مذنب كان يجيب الدليل من اى حتة او يقوللى اعمل ايه لكن بيقولوا انى مشارك فى قتل البنت و ازهاق روح بريئة
يا جماعة القتل دى تهمة فظيعة يا ريت محدش يتهمنى بيها انا مروحتش قولتله دوس البنت
ولا حتى قولتله اجرى هو جرى من نفسه و لما انا هديت و شافنى نفضت كمل جرى يعنى مقولتولوش اجرى او خش على التقاطع على سرعة 120 كل ده هو عمله من نفسه
الغرض مرة اخرى من الموضوع هى النصيحة لوجه الله و لو حد قرى الموضوع و اهتدى ربنا يجعلها فى ميزان حسناتى
داخل ينصح بعد ماشترك فى موت البنت اللى يشد مع واحد 100 متر هى هى لو شد معاه 100 كيلو وبعدين هو اللى سخنه وخلاه يجرى كدة فى مكرم عبيد مدينة نصر 120 كيلو ليه انشاء الله ارحمونا بقى
الحمد لله ........وفعلا الاستهبال بقى كتير جدا