الموضوع: نتيجة الجرى - مقتل طفلة فى شارع حسن المامون - مدينة نصر

اولا ربنا يرحمها ويصبر اهلها

ثانيا ....محدش بيتعلم ببلاش واكيد ربنا نجاك من حاجة كبيرة اوي يا ميدو كنت ممكن تفضل ندمان عليها

ارجو من الاعضاء بالراحة ع الراجل....بلاش تقطيم يعني ......كل واحد فينا اكيد بيغلط او يتهور وهو سايق......والراجل قال كده وعمل موضوع للعظة

اخيرا يا دكتور...زي ما الاعضاء قالولك اكثر من الاستغفار وطلع حاجة لله

وربنا يسترها علينا جميعا

الدنيا ابتلاء بالغني أو بالفقر لجنة امتحان يعني نتكلم في الجزء اللي يخص الموضوع ده من آداب الطريق الماشي يسلم يعني يلقي السلام علي الجالس والراكب يسلم علي الماشي المقصود من الكلام ده ان اللي في موضع قوة أكتر فاهمين قصدي إيه يا زملائي في المنتدي يفتكر ان ممكن يكون الوضع معكوس فعاملو الناس بما يحبو ان يعاملوكم به والفرق بين الاستعجال والمشي بتعقل فرق لا يذكر منناحية الوقت لكن منناحية السلامة يفرق كتيييييير واستدل بملاحظة ان اللي سايق عربية فخمةبيمشي بتعقل يعني واثق الخطوة يمشي ملكا وصدقوا التحذير اللي معدش حد فاكره قد أبطأ تصل أسرع وهي آجال تعددت الاسباب والموت واحد وكفي بالموت واعظا وربنا يكفينا جميعا شر الطريق بأي شكل من الأشكال

المشاركة الأصلية كتبت بواسطة abogogo

بص يا دكتور واضح انك ابن ناس ومتربي كويس وانا عارف ان العربية لما يكون فيها شباب بيتنزه وبيروش بيكون الشيطان راكب معاهم عايز يجري وغرز وكاسيت عالي وكده ياريت الموضوع ده يكون عبره ليك وتاخد بالك وتحمد ربنا انك ممكن تكون لاقدر الله مكان الشاب ده ,الله يعينه على ما هو فيه ياريت ده يكون درس لي اولا وليك ولكل الاخوه في المنتدى واصحبهم ان الجري فعلا كتير بيكون اخرته وحشه وربنا يسترها علينا جميعا يارب

ربنا يخليك و يسترها علينا دنيا و اخرة انا فعلا اتعظت جامد من الموقف و قررت لا للجرى تانى و عشان كدة انا كتبت الموضوع ده عشان اى حد مامرش بالتجربة دى(يا رب محدش يمر بيها)
يتعظ و يعرف ان الموت بييجى فى لحظة

المشاركة الأصلية كتبت بواسطة solycar

120 كم و انت تشد معاه ولو متر واحد ليس له الا معنى واحد

استهتار و عدم احساس بالمسئولية

نصيحتى ليك انك تكثر من الاستغفار و تطلع شئ لله و لو امكن يبقى لاهل البنت

و ياريت محدش يقول ان فى ناس بتعرف تمشى بسرعة و ناس مبتعرفش تسوق بدليل ان الواد اللى خبطها مداسش فرامل يعنى مشفهاش اصلا

شكرا لرد حضرتك بس هاقول تانى انا موصلتش معاه لاى سرعة بالكتير كانت 90 و بعدين سبته خالص و هو كمل فيبقى ذنبى فى ايه
و على فكرة انا كنت ناوى اعمل زى ما حضرتك قولت بس من باب انى اساعد اهلها باى حاجة
مش انا السبب فى موت بنتهم

المشكلة يمكن انا سردى للموضوع بالكتابة خالانى ابان مذنب الموضوع عالحقيقة كان غير كدة خالص بس حضرتك و بتمنى اى حد يقول انا مذنب يجيبلى دليل على كلامه لان دى موت بنى ادم يعنى مش هزار و لو جاب دليل يقولى اعمل ايه و شكرا

المشاركة الأصلية كتبت بواسطة ahmedrefatzm

اليك يا من تدعى سلامتك وبرائتك من هذا الحادث المروع .. لم يكن كلامى لك من قبل قصده التقطيم فماذا يفيد تقطيم وقد ماتت البنت ولا حولا ولا قوة الا بالله اعلى العظيم .. ولكن كان كلامى لطبيعة حال انت لا تريد ان تعترف به .. فقد ماتت بنت بريئة بسبب هذا الشاب الارعن وبسبب تسارعك معه لاستهتارك ولو كان هذا التسارع لمتر واحد فليس مقدار الخطأ بمقدار المسافة وانما بطبيعة الخطأ نفسه فانت حفزته للضغط على دواسة البنزين وتسقيط نقلة على حد قولك ليملك قوة عزم اكبر لهيزمك . ثم هل 100 متر مسافة قصيرة انها مسافة كبيرة لتبلغ السيارة سرعة كبيرة ... فلا تقول انك تركته بعدها لحاله لانك حفزته عل السرعة اكبر من قبل ، ولو كان هو مسرعا فانت حفزته اكثر واكثر وكونك تركته يمضى فيما بعد فهذا لا ينفى عنك الذنب .. ثم ردا على الفتوة بان لا تز وازرة وزر اخرى فهذه تقال مثلا عندما يتاخر صاحب شركة فى دفع رواتب الناس لظروف قهرية فياتى احد الموظفين بسرقة ليقتات بها ويقول ان صاحب العمل هو المسئول بتاخير الراتب عنى مما دفعنى للسرقة ففى هذه الحالة نقول لا تزر وازرة وزر اخرى لانه لا يدفعك بتاخير الراتب الى السرقة وكان امام هذا الموظف بدائل اخرى وانما هو من اختار السرقة ويريد ان يلقى اللوم على صاحب العمل ... ولكن اذا حفز شخص ما غنى شخص اخر فقير على قتل شخص اخر امام حصوله على ماله ثم تركه يمضى لقتل هذا الشخص وعندما قتله نقول له انت برئ ولا تزروازة وزر اخرى ... اتق الله وارجع الى رشدك واندم على ما فعلت .. انا لا اقول لك انك من قتلت تلك الفتاة البريئة ولكن اقول لك وبكل صراحة وايضا بكل احترام ليس الغرض منه التقطيم وانما ايقاظ ضميرك الذى غاب وصور اليك برائتك من هذا الامر .. انت مدان امام الله باستهتارك وبدفعك وبتحفزيك لهذا الشاب الارعن بالتسارع معك ولو كنت تركته بعد ذلك ... وسوف تحاجك تلك الفتاة عن ازهاق روحها امام الله عز وجل ويجب عليك ان تعى هذا ولا تلقى باللوم على الحكومة المفترية التى لم تحدد طريق للمشاة يا اخى اتق الله وهل الطفلة كانت ستعى وتعرف مكان مرور المشاة وتنتظر الاشارة الخضراء للمرور ولكن انتم تتسارعون وانتم تعلمون ان هذه الشوارع اهلة بالناس فلا لوم عليكم .. تلقى باللوم على ابويها وتحتسب الى الله فعلتهم وانت راجل برئ رحيم تشارك فى دفع شخص ليقتل طفلة ثم تنزل من سيارتك لتطمئن عليها برحمتك كمن يقتل القتيل ويسع فى جنازته باكيا عليه ، وتنكر عل نفسك ما فعلته لها بل وتلقى اللوم على والديها وعلى الحكومة الظالمة الهذا الحد ضميرك مرتاح بان تلقى اللوم عل غيرك ولا تشعر بالذنب حتى ... والله ارى انك لفى غفلة كبيرة عما قدمت يداك .. لابد لك من توبة نصوح ومن كثرة استغفار ومن معاونة تلك الاسرة المنكوبة فى ولدها .. لابد لهذا الضمير ان يستفيق .. لا تزعل من تلك الكلمات فلعلها تكون ثقيلة على صدرك ولكنها سوف تداوى فيك الكثير ..

مبدايا انا ضميرى مش مرتاح انا متضايق جدا و لكن عشان بقول لحضرتك سالت ناس متدينة و شيوخ جامع هما الى قالولى الكلام ده و معلش فتوى لا تزر وازرة وزر اخرى تنطبق على الموقف ده لان محدش قاله يجرى انا ما اجبرتوش على الجرى و كمان ماكملتش معاه و مع ذالك استاذن حضرتك لو تعرف حد من شيوخ الجوامع و اساله و قولى ما حكم الدين فى هذا
وعلى فكرة شيخ من اللى سالتهم قاللى ان من مات و هو ماشى على سرعة جنونية بيموت منتحر و بيبقى كافر حبيت اضيفها عشان اللى مش عارف يعرف

المشاركة الأصلية كتبت بواسطة eng_mostafa_89

معلش استغفر ربنا واهدى شوية كدة
ودة درس لينا كلنا مش ليك لوحدك
علشان نبطل جرى وشد
وكمان نتعلم من هنا ان مهما كانت قدرتنا فى السواقة فمحدش برضة ضامن ظروف الطريق (عبور مشاة -رصيف-حفرة-عربية بتعدى الشارع)
وكمان اننا منسبش اولادنا الصغيرين لوحدهم فى الشارع ابدا
وكمان نعرف ان الموت قريب ولازم نعمل حسابة

هو ده الغرض من الموضوع اصلا مش عشان اطلع مين الغلطان فى الموضوع
ربنا يخليك يا باشمهندس و يخليلك اولادك و اولادنا كلنا و احنا معاهم