الموضوع: ايه سعر السي 4 ال2010

تبدأ من 135000 و حتى 145000 الكوبيه الهاي لاين والهاتش باك الهاي لاين ب 140000 جم

العربية دي 109 حصان ، فيها abs - ebd و 4 أير باجز ، جنوط 15 ، طولها 4.3 متر وعرضها 1.8 متر يعني بالنسبة للإستقرار والأمان علي السرعات العالية العربية دي ممتازة ، التكييف بتاعها تاتش وبيشتغل على مستويين الأول زيه زي أي عربية عاديو في مصر والتاني بيشتغل لما الدنيا بتبقي حر أوي يعني بيخللى الكومبرسور بتاع التكييف يشتغل بضعف طاقة المستوى الأول ، يعني زي الكور تو ديو كده في الكمبيتر ، التارة بتاعتها الوحيدة من نوعها في مصر علشان الملتي فانكشن اللى فيها مش بيلف مع الدركسيون ، الكمبيوتر اللى فيها أو الكنترول يونت بتاعتها تاني أحسن كمبيوتر في العالم بعد البي إم دبليو والكلام ده من بق مهندسين التوكيل إللى هم برضه وكلاء بي إم دبليو ( عز العرب ) ، نظام الصوت إللى فيها تحفة 8 سماعات وكاسيت سي دي إم بي ثري و يو إس بي و مدخل أي بود آبل مالوش حل ، حساس مطر و حساس نور و كروز كنترول ومثبت سرعة ، العربية مش عربية لما تسوقها تحس إنك راكب طيارة ، صيانتها مش غالية وقطع غيارها أرخص من التويوتا كورولا والمتسوبيشي اللانسر ، أهم حاجة فيها إنك ماتركبش فيها أي حاجة غير عند ميكانيكي أو كهربائي بتاع سيتروين عشان الكمبيوتر مايضربش ، توكل علي الله وإركب بقي عربية ركوبة أنضف من الياباني والكوري التعبان ده ، وإسأل مجرب

تمام ياباشا بس دة أقل موتور نازلة بية على فكرة
الموقع بتاع ستروين الامارت بيقول أن فية كذا متور ليها
أتنين 2.0 وواحد 1.8 وواحد 1.6 110 حصان
وآدى اللنك اللى بيقول كدة
French Automobiles LLC ...site - The Official ...Site for the Citoen Dealer in the UAE

بس مش عارف الكلام فى مصر حبيقى إزاى ... لانة الصفحة بتاعت عز العرب مش عاوزة تفتح

وشكرا

على فكرة يا شباب الc4 ال2010 بماتور 1600 سى سى بقدرة 110 حصان ممكن تشوفها على موقع عز العرب
Citroen Egypt - Citroen