النترا للابد

**monmonmon** · 10-01-2010 09:41 PM

المشاركة الأصلية كتبت بواسطة ahmedcar

عجبك التوك توك صح (;

اه طبعا 107 حصان و ثبات ولا اروع.. انا لسه شايف واحد بيرفعه بأيد واحده انهارده يعنى حتى مش بيحتاج كوريك و متطور جدا

**monmonmon** · 10-01-2010 09:57 PM

المشاركة الأصلية كتبت بواسطة ashouhdy

اوك سيبك من الشكل دى فعلا وجهات نظر
بس انا سقت الاتنين كتيير جدا و يمكن الالنترا اكتر حسييت ان السيراتو اثبت حتى مع موضوع العفشة دة
يعنى التجربة العملية قالت غير كدة الانترا بتمييل جامد فى الملفت و ناعمة جداا بحس انها بتتنطط من ورا مش عارف لية يمكن عشان ناعمة السيراتو ماسكة نفسها (شوية) عن الالنترا

دة اللى حسيتوا (بدووووووووووووووون خناق) :*))))

حتى لو كده
انا ممكن اختار عربية علشان انعم و اريح فى سواقتها و من جوا الالنترا فى نظرى اشيك من السيراتو.. و لو بنتكلم فى الثبات اظن مش هتفرق اوى بالنسبة لواحد مش بيعدى 120.. يعنى مش هيحس بفرق يذكر بين الالنترا و السيراتو

يعنى الالنترا ناعمه و ده يخليها اريح من السيراتو شويه.. لكن فى نفس الوقت السيراتو ثباتها افضل و راحه اقل.... ممكن واحد تانى ميفرقش معاه الثبات ده و يفرق معاه الراحه و النعومة اكتر

انا الماتريكس معايا الحمد لله على سرعة 90 و 100 باخد غرز صعبة جدا و اقصى حاجه حصلتلى على سرعة 100 او اعلى شويه ان ظهر العربية احس انه بيتحدف بالجنب و دا فى الغرز اللى برمى فيها الدريكسيون يمين فى شمال فجأه.. فأعتقد الماتريكس اقل ثباتا من الالنترا و السيراتو فمش هتفرق بالنسبة لى الالنترا من السيراتو فى موضوع الثبات

بس اللى يخليك تحكم بدقة انك تتعرض لموقف معين بالعربيتين و تحكم مين ثباته افضل فيهم بس طبعا تكون حافظ العربيتين تماما علشان المقارنة تبقى صح.. دا رأيى و طبعا كل واحد له تفكيره و ذوقه

**sibrahim** · 10-01-2010 10:24 PM

طبعا العربيتين حلوين و كل واحدة فيها كام ميزه على كام عيب بس فى النهايه شايف ان العربيتين صفقة كويسة وربنا يبارك لكل واحد فى اللى معاه.

تعليق بسيط: عمرى ماشوفت الانترا بتتنطط فى الملفات ممكن تميل اه لكن تتنطط طبعا لأه بسبب العفشة اللى ورا و عربيتى خلاص هاتعيط من اللى باعمله فيها فى الملفات تقريبا ناقص اخد الملف بعكاز....بس هيا عايزه الفرامل متتلمسش جوا الملف لأنها مش بى ام.

**semosoft** · 11-01-2010 12:31 AM

المشاركة الأصلية كتبت بواسطة ashouhdy

اوك سيبك من الشكل دى فعلا وجهات نظر
بس انا سقت الاتنين كتيير جدا و يمكن الالنترا اكتر حسييت ان السيراتو اثبت حتى مع موضوع العفشة دة
يعنى التجربة العملية قالت غير كدة الانترا بتمييل جامد فى الملفت و ناعمة جداا بحس انها بتتنطط من ورا مش عارف لية يمكن عشان ناعمة السيراتو ماسكة نفسها (شوية) عن الالنترا

دة اللى حسيتوا (بدووووووووووووووون خناق) :*))))

يا باشا متقولش كدة ربنا مايجييب خناق

احنا بنتبادل الاراء و وجهات النظر و النقاش لا يفسد للود قضية

بس اللي يجيب سيرة الالينترا هقطعة من الاخر ههههههههههه

بهزر طبعاً الناس هنا كلها محترمة جداً و احنا كلنا بنفيد و نستفيد من بعض و ربنا يخليلنا نايل موتورز

**boba556** · 11-01-2010 02:00 AM

مع احترامى للسيراتو انا كنت خلاص هجيبها بس فى اخر لحظة الحمد للة جبت النترا
بس برضوا منقدرش نقول على السيراتو حاجة وحشة دى زى الفل وربنا يبارك لصحابها
بس الالنترا من الااااااااااااااااااخر

وتقطع اى عربية تانية

**big big** · 11-01-2010 10:23 AM

اخي الفاضل sa3dawy مفيش اي مشكله وحصل خير
ومتشكر جدا علي الردود الحلوه الي اتئلت في الموضوع ده بس احب ااؤل علي حاجه مهمه الالنتر احسن عربيه 1600 في فئتها مش معني كده ان الباقي وحشين بالعكس كل العربيات حلو بس هيه في الاخر مهارات فرديه تتميز بيها الالنتر عن باقي العربيات التانيه وعلي فكره

انا من فتره كنت بشد مع اخويه وهوه معاه ابترا 2009 وبردك الالنتر علمت عليه بكل سهوله
من الاخر
1 2 3 فيفا النترا للأبد

الالنتر تئطع اي حد
ههههههههههههههههههههههههه ههههههههههههههههههه

كان معكم العاشق الولهان للالنترا

**tarekx** · 11-01-2010 05:53 PM

القرد فى عين اموا غزال

**monmonmon** · 12-01-2010 12:03 AM

المشاركة الأصلية كتبت بواسطة tarekx

القرد فى عين اموا غزال

اموا.. دى اللى هى ايه؟؟؟؟

**mavrck75** · 12-01-2010 12:24 AM

ماكينة السيراتو نسخة طبق الأصل من ماكينة الالنترا و العربيتين نفس الاداء
على فكرة انا معايا النترا
بس بص يا معلم انت سبقت السيراتو لأحد الأسباب التالية
1- عربيتك مانيوال و السيراتو اتوماتيك
2- سواق السيراتو ما بيعرفش يشد و يحرق على الماكينة ده لو كان مانيوال
3- فى ناس بالليل ما بتحبش تجرى بس بالنهار طلقة زى حالاتى كدة

و على فكرة لو كنت اتأخرت فى الشراء شوية بعد ما كانت ظهرت السيراتو كنت جبتها
بالرغم انها من الخلف العفشة على دونجل بس هى تكسب بباقى مميزاتها و شكلها الأوروبى الحديث و الأنيق عن الالنترا

**big big** · 15-01-2010 01:55 AM

اولا السيراتو كانت مانيوال
وثانيا انا كان معايه 4 في العربيه فير الشمط وهوه كان معاه واحد اعد جمبه
ثالثا مش بتهيئلي ان واحد بيشد معايه علي 180 ومش بيعرف يشد بالعربيه