الموضوع: يبقي متشتكيش من فضلك

المشاركة الأصلية كتبت بواسطة araberphilosoph

انا اللي مزعلني فعلا ان في ناس بتدافع عن تصرفات الحكومه بشكل كامل مع ان في الف طريقه وطريقه لتنفيذ اللي انا عايزه دون كل الخسائر دي
انت بتكره حماس ماشي خاربها بس مش كده
احنا بنتعامل بطريقه غشم الامن المركزي وده غلط تماما
حماس اضعف بكتير من اللي انته متخيلينه وعطشانه شرعيه خارجيه( مع الاحترام للجميع عندها شرعيه داخليه) خلاص احسبها كربح وخساره عرض وطلب
انت عايز شرعيه خارجيه هاديهلك بس تبقي بتاعي تعمل اللي انا عايزه
اجسس بيك علي ايران ( اللي انا خايف منها بدون اي مبرر) اضغط بيك علي اسرائيل في اي لعبه جايه( مكنش فاروق حسني خسر معركه اليونسكو) اقولك اضرب صواريخ اضرب اقف تقف وملكش بوابه غيري (قهر الجغرافيا علي تعبير قواد حماس) عايز اوقف الغاز او ازود سعره اذوقك تقوم بعمليه تخريبيه عليه واعاقبك كمان قدام الناس
لكن بص للوضع دلوقتي
في مظاهرات قدام السفارات المصريه في كل الدنيا ده معناه ايه
معناه انك خسران حرب اعلاميه بكفاءه وده هيؤثر علي جدا ( السياحه علي سبيل المثال) وصورتك قدام العالم كله انك قاسي معندكش انسانيه
قوافل الاغاثه انا عايز اوقفها مش كده خالص
اعمل مثلا انك انت بتودي قوافل اغاثه وسيب المؤسسات الاهليه تتكفل بيها وخليك انت الخارس عليها مفيش قشه تخش الا اللي انت عاوزه يخش يعني ماسك حماس من رقبتها ومحدش هيفكر ينظم قوافل تاني او يحرجك
مش تصدر قرار بالقبض علي 7 من اعضاء القافله وترجع فيه بسبب الضغط التركي بايخه مووت
قصدي ان في طرق كتيره جدا للتعامل مع الموقف
مش بالغشم والغباء ده
والادهي ان في ناس بتدافع عن التصرفات الغشيمه دي هو ده مربط الفرس مش الخلاف حول حماس او غيره
عشان كده قلت اذا كنت بتدافع عتن الغشم ده يبقي استحمل غباء الحكومه وغشمها في كل حاجه مش دي بس

انا ممكن اتفق معاك في موضوع غشم الحكومة في بعض التصرفات، و مش غشم و بس، لكن غباء كمان، بس مين قالك ان النظام مش هيمسك حماس كده من رقبتها ؟؟ الانفاق موجودة من زمان و السلاح بيعدي منها، و كان مبارك بيطلع بنفسه ينكر وجود الانفاق و يقول السلاح بيروحلهم عن طريق البحر، و من بعدها النظام بيحاول ان يلم الشمل تاني و يعمل مصالحة و مفيش فايدة، و كان واضح جداً ان حماس عاجبها النظام ده، او انها لا تملك قرارها، و برضه كنا سايبين الانفاق بمزاجنا، و من حين لاخر نعلن اغلاق نفق او اتنين لتخفيف الضغوط، بس حماس مابتقدرش الجميل، و زودوها جداً، كل شوية عايزين نعدل اتفاقات المصالحة... ماشي، طيب عايزين نتشاور.... ماشي، طيب نعدل تاني....ماشي، لا عايزين وسيط تركي.... ايه الهبل ده ؟؟ انتوا ناويين تتصالحوا ولا اشتغالة ؟؟ و من ثم كانت ضربة المعلم (معلش في رأيي الشخصي، ضربة معلم) و الجدار، لأن مش مصر اللي يتعمل معاها كده من شوية صيع، و زي ما قلت في مشاركة في موضوع اخر، الجدار في رأيي في مصلحة القضية الفلسطينية، علي الاقل سيحفز جهود المصالحة، و كلنا شايفين تصريحات هنية و مشعل اتغيرت ازاي اليومين دول....

و لكن في الاول و في الاخر، ماينفعش حضرتك تقول ان اللي يوافق الحكومة علي الجدار ما يشتكيش من اي حاجة تعملها الحكومة....

المشاركة الأصلية كتبت بواسطة dodino2006

انا ممكن اتفق معاك في موضوع غشم الحكومة في بعض التصرفات، و مش غشم و بس، لكن غباء كمان، بس مين قالك ان النظام مش هيمسك حماس كده من رقبتها ؟؟ الانفاق موجودة من زمان و السلاح بيعدي منها، و كان مبارك بيطلع بنفسه ينكر وجود الانفاق و يقول السلاح بيروحلهم عن طريق البحر، و من بعدها النظام بيحاول ان يلم الشمل تاني و يعمل مصالحة و مفيش فايدة، و كان واضح جداً ان حماس عاجبها النظام ده، او انها لا تملك قرارها، و برضه كنا سايبين الانفاق بمزاجنا، و من حين لاخر نعلن اغلاق نفق او اتنين لتخفيف الضغوط، بس حماس مابتقدرش الجميل، و زودوها جداً، كل شوية عايزين نعدل اتفاقات المصالحة... ماشي، طيب عايزين نتشاور.... ماشي، طيب نعدل تاني....ماشي، لا عايزين وسيط تركي.... ايه الهبل ده ؟؟ انتوا ناويين تتصالحوا ولا اشتغالة ؟؟

....

لا يا باشا مش هبل بس لان هما عارفين ان الوسيط التركي عندوا كرامة ومش هيضغط عليهم زي الوسيط المصري