الموضوع: ايه افضل موبايل تشتريه لو معاك تمنه؟

المشاركة الأصلية كتبت بواسطة mohamed_slvrlan99

طب انا كنت بدور على موبايل جديد و كنت استقريت على ال nokia n900 بس عدم وجودة بشكل رسمى و منغير ضمان ابتاديت اصرف نظر عنة خصوصا ان الموبايل اللى معايا بيموت و محتاج موبايل بسرعة.

فبفكر فى ال htc hd2......لو فى موبايل تانى متوفر فى مصر فى نفس الفئة دى بس ميكونش ال iphone .

اية رايكم؟.

أفضل أختيار حاليا من كل النواحي هو hd2 ، توكل على الله وهاته

الساتيو شكله جامد فعلا

لية بطئ بس يا ا حمد ؟. انا جربتة و كان ظريف.

و بعدين حكاية اللاج دى صعبة مع مواصفات ال hd2 .

لو حضرتك جربتة ياريت تقولى رايك بصراحة.

مفيش اي حد جرب hd2 وقال عليه بطيئ ، والجهاز سريع جدا بشهادة الجميع ، وادخل شوف كل الريفيوز سواء من المتخصصين او المستخدمين ، الجهاز سريع جدا فعلا والاستجابة بتاعته عالية جدا والواجهة رائعة ، ولسه كمان لما ينزل ويندوز 7 !!

أول مره حد يقول على الجهاز ده بطيئ ، واعتقد انه كلام وخلاص بناءا على الأجيال السابقة من الأجهزة التي تحمل نظام تشغيل ويندوز !!!

حتى الان وصل عدد المصوتين 72 عضوا وكانت النتيجة
27 صوتا للايفون ابل 3 gs
12 صوتا للنوكيا n900
12 صوتا للسامسونج اومنيا i8910
18 صوتا لانواع اخرى
وحيث ان الانواع الاخرى لم يتم الاتفاق على نوع منها باغلبية معقولة فسوف نستبعد هذا الاختيار ويظل امامنا الاختيارات الثلاثة الاولى ورغم حبى وتعودى على النوكيا ورغم امكانيات السامسونج المدهشة الا اننى سوف ارضخ تماما لراى الاغلبية لعدة اسباب
1-لو كنت مستقرا على النوكيا مثلا ماكنت طرحت هذا الاستطلاع
2-لابد من احترام اراء الناس الذين تعبوا وشاركوا بكل اخلاص بما لديهم من معلومات ارادو بها ان يستفيد الجميع
3-رغم انى مازلت مصرا ان الايفون لايرقى بامكانياته الى الجهازين الاخرين وينقصه كثير مما يتوفر بالجهازين الاخرين الااناغلبية الاصوات من ناحية وبعض التقارير - الوافية- من ناحية اخرى
لذلك وعن نفسى فقد قررت -بعد الاستخارة- شراء الايفون وحتى تعم الفائدة ويكمل الموضوع اهدافه لكل من يرغب فى شراء هذا الجهاز فنرجو ممن لديه خبره سواء باستخدام الجهاز او المام بالموضوع ان يوضح لنا جميعا افضل اماكن وطرق الشراء وبضمان ام بدون وكيفية معرفة الجهاز الاصلى وفك الحماية والاسعار ونوعية البرامج التى يتطلبها الجهاز وكيفية تنزيلها ومحتويات علبة البيع وكل ماترونه مفيدا لمن يريد اقتناء هذا الجهاز حتى يكون الموضوع قد اثمر فوائده وليس مجرد استطلاعات لاطائل من ورائها كما يحدث كثيرا
وعلى الله قصد السبيل

انا في رأيي السامسونج ال i8000 يعتبر شامل كل الاوبشنز اللي هتحتاجها و اللي مش هتحتاجها