الموضوع: رابطة مالكى الجميلة اكسنت من1998 الى 2006

انا عايز اشتري اكصدامات بس مش عارف اعمل ايه ؟؟؟؟؟؟؟؟؟؟
في ناس بتقول ان الصيني رديء افيدوني
شكراً

السلام عليكم
انا عندى اكسنت 1500 موديل 2001 فضى فابريكة دواخل جميع الكماليات مانيوال بصراحة انا ماكنتش بفكر ابيعها الا لما الاقى ماتريكس نضيفة والحمد لله ربنا كرمنى واشتريت ماتريكس لو حضرتك مهتم بالشراء انا طالب 43000 جنيه فى الاكسنت بتاعتى ولو قلتلى غالية حاقولك بص على حالة العربية واهتمامى بيها ازاى فى موتور فى عفشة فى كله المهم تعجبك واللى عايز يا جماعة يشترى انا موبايلى اهه هى باسمى وفيها كمان رخصة سنتين وبطارية جافة جديدة والسيارة بالمعادى 0106655583 محمود محسن

المشاركة الأصلية كتبت بواسطة amirshan

السلام عليكم
بص ياباشا بالنسبة لغطاء وش التاكيهات دا و عشان تخليه يمنع اى تسريب للزيت أقولك على طريقه متجربة و تعملها بنفسك و مش هتحتاج عدة غير بيبه 10 و كمان بنسه و تجيب انبوبة سيلكون حرارى ب 10 جنيه من اى بتاع اكسسوارت و اول حاجه تفك الخراطيم اللى متوصلة على الوش و تشيل الأفيز باستخدام البنسه و بعد كدا ب البيبه العشرة تفك الالمسامير اللى رابطه الوش و على ما اتذكر هما 6 مسامير و بكدا الوش يكون طلع معاك
ياريت بقى لو كان فى شوية بنزين و مش جاز عشان الجاز بيبوظ الجوان و تغسل الغطاء بعد ماتفك الجوان منه و تسيبة ينشف و بعد كدا و انتا شايل الجوان تملا مكان الجوان ب السليكون و بعد كدا تحط الجوان مكانة على السليكون و تربط الوش تانى مكانه بعد ما تكون بردوا نضفت المكان اللي هايركب عليه الوش من الزيت عشان السليكون يمسك و أهم نقطة بقي
انك تربط الوش بس مش قوي عشان كل ما هاتربط الوش السليكون هايكون لسة طرى فا هيطلع من مكانة فالحل هوا انك
بعد كام ساعة كدا على ما يكون السليكون نشف ربط الوش دا كويس اوى براحتك وشوف النتيجة ؟؟
بس طبعا لحد ما السليكون ينشف اوعى تدور العربية
طبعا حد هيقولى لية الحوار دا كلة ما نجيب الجوان دا ب 10 ولا 20 جنية و بلاش حوار السليكون دا
لازم تعرف ان غطاء وش التاكيهات دا فايبر ف بلغة الصنايعية بيقفع يعنى ماباقاش مظبوط و بقى معووج فعشان كدا بنستعمل السليكون و لو هاتجيب غطاء استيراد هايعدى 200 جنيه
أسف على الإطالة
و بالنسبه لخرطوم الفايز مكانه بيكون طالع من الغطا بتاع التاكيهات
وانا عندى كتالوج الأكسنت بس انا دلوقتى في الشغل ولما اروح هبقى ارفعهولك بس حد يقولى ازاى

أخي الكريم ردك على الموضوع فعلا عملي ولكن مين عنده وقت لكده..... على أي حال أنا أرجو من حضرتك أنك ترسل لي نسخة من الكتالوج على بريدي الألكتروني - ده لو سمحت - وهو gehad@yahoo.com أنا سيارتي أكسنت 98 خليجي 1500 سي سي
والسلام عليكم ورحة الله وبركاته

المشاركة الأصلية كتبت بواسطة sameh73eg

هو وضع المؤشر قب النص ده حاجه عاديه وبعدين معروف ان الاكسنت مبتسخنش يعنى وبعدين المروحه ممكن تشتغل وتفصل بسرعه اما بالنسبه للتكيف فالمروحتان بتشتغل مع بعض عل شان بيكون السخونه اعلى لاكن مش هتحس بالسخونه ولاحظ السخونه على طريق سريع هتلاقى ان الموئشر بيقل كمان عن المنتصف متخفش اهم حاجه انه ميكنش المؤشر بيعدى النص وكمان متكنش المياه بتنقص

السلام عليكم
أنا كان عندي حالة شبيهة بكده ... المهم عربيتي ما كانتش بتسخن أبدا ومؤشر الحرارة على طول في أقصي ثلث التدريج كله بتاع الحرارة ... لكن من شهرين او ثلاثة لاحظت أن مؤشر الحرار قرب من النص وثابت عليه ... وكمان لا حظت أن المية الخضراء اللي فغي القربة بتنقص.
المهم رحت لميكانيكي قال لي غير ماكينة الحرارة (الترموستات) غيرته وسعره 35 ج بعده. استمر الوضع على ما هو عليه فرحت له تاني فقال فيه ترموستات لازم يتغير .... غيرته وسعره 15 ج (صيني الصنع) ...
الآن .... الوضع على ما هو عليه .... أمبير الحرار عند النص برغم كل الإصلاحات دي ... والميه لسه بتنقص .... وفي يوم لاحظت تسرب مياه نازل على جسم الموتور ... الميكانيكي قال لي دي طبة المية فيها خرم صغير بيسرب نقطة نقطة على بسيط ... غيرها ... المهم لم أجدها ... فقال ممكن نلزق الخرم بلزق خاص للمعادن. وقد كان ..... ولالآن لم يتم أي تحسن مطلقا.
الأمبير عند النص
الميه بتنقص
وعوضي على الله في القطع اللي اتغيرت
والمصنعية اللي لهفها الميكانيكي
.....................................
حد عنده رأي يفيدني بيه؟
بأترحم على أيام زمان لما كنت أطلع من مصر القديمة لشغلي في ميدان التحرير وأمبير الحرارة ما طلعشي ولا ملليمتر واحد على المقياس بتاعه.

معليش طولت عليكم ... سامحوني

المشاركة الأصلية كتبت بواسطة modyslim

معدل الاستهلاك عندك كده عالى جدا
انا معايا برضه اكسنت 2000 1500cc ومعدل استهلاك البنزين جوه البلد تقريبا الصفيحه بتعمل 200 كيلو
حاول تراجع على الدايره عندك اغلب الظن ان فى تهريب عندك خرطوم مقطوع اى حاجه مش مربوطه كويس والبنزين بيهرب منها
جرب تدور العربيه وتفتح الكابوت ولاحظ لو فى ريحة بنزين ولا لأ

إكشف على حساس الهواء .... 100% هو السبب

المشاركة الأصلية كتبت بواسطة mimo_15

قواعد تثبيت الماتور عندي كانت الجلد بتاعتها بدات تبوظ ( الماتور بقى قاعد ع الحديد نفسة)

ف اول ما ابدا اهدي او اريح فرامل وارجع اسند بنزين تروح العربية تترج وتتخضخض زي التنتيشه بس الماتور ساحب
غير كده ان العربية كانت وانا قاعد جواها حاسس بهزة الماتور ومسمع لدرجه كبيره جوه الكبينه
بس الحمد لله لما غيرتها بقيت تمام قوي قوي
يعني اكني لما اقفل القزاز مش مشغل العربية نهائي ( اختفى الهز والرعشة الي كانت بتحصل في الاول )

انا رحت اخيرا عند ميكانيكي فاهم بعد لف كبير والله ركبلي الاربع قواعد بسرعه وبسهوله جدا من غير ما يطلع الماتور ولا يعمل حاجه تانية
كل الي كان بيعمله انه بيحط الكوريك تحت الحته الي عايز يغير القاعده فيها ويروح يرفعها ويفك القديمه ويركب الجديده بكل سهوله
اخد ف الاخر 50 جنية بصراحه حلوه ع شغله

واي استفسار انا موجود

فين الميكانيكي ده ...... ؟؟؟