رابطة مالكى الجميلة اكسنت من1998 الى 2006

**TELALFY** · 21-02-2012 04:43 PM

المشاركة الأصلية كتبت بواسطة amirshan

السلام عليكم
بص حضرتك بالنسبه للباور ف انتا حظك كويس عشان انا كنت لسا بسأل عليه انهاردا و دا ممكن يعمل معاك من 700 الي 900 جنية او حسب شطارتك بس انا ما لفتش كتير
و لو كنت حضرتك عاوزة قولى و انا اقولك على واحد مضمون اوي فى الحرفيين بتعامل معاة من سنين
و اى خدمة

السلام عليكم ....
اناطبعا لسة مشترك جديد بالموقع و الجوب الجامد دا
انا اشتريت اكسنت 2002 (1300cc)فبريكة برا و جوا ماعدا الكبوت وعفشة سليمة وموتور جيد جدا بسعر 41000! حاسس انوا زيادة شوية بس ماعلينا العربية كويسة اوي بس اللي زاعجني حكايت البور ... هل ممكن ازودوا علي الموتور ولا لا؟ وفين ممكن اعمل كدة وفي حدود كام.
والف شكر الثلاثاء 29 ربيع الأول 14330

**ahmedtohamy** · 21-02-2012 07:01 PM

انا بدور علي اكسنت من ٩٩ لغاية ٢٠٠٢ سواء ١٣٠٠ او ١٥٠٠ ياريت لو حد عنده عربيه حالتها جامده

**modo88** · 22-02-2012 05:31 AM

المشاركة الأصلية كتبت بواسطة telalfy

السلام عليكم ....
اناطبعا لسة مشترك جديد بالموقع و الجوب الجامد دا
انا اشتريت اكسنت 2002 (1300cc)فبريكة برا و جوا ماعدا الكبوت وعفشة سليمة وموتور جيد جدا بسعر 41000! حاسس انوا زيادة شوية بس ماعلينا العربية كويسة اوي بس اللي زاعجني حكايت البور ... هل ممكن ازودوا علي الموتور ولا لا؟ وفين ممكن اعمل كدة وفي حدود كام.
والف شكر الثلاثاء 29 ربيع الأول 14330

ايوة ياباشا ينفع تركب باور عادي جداا وبسهوله ومش مكلف انا عملته من سنه ونص او اتنين كلفني 500 جنيه بالمصنعيه بس دلوقتي اكيد اكيد سعره زاد
واي استفسار انا تحت امرك

**MohssenRashed** · 22-02-2012 07:58 AM

المشاركة الأصلية كتبت بواسطة modo88

ايوة ياباشا ينفع تركب باور عادي جداا وبسهوله ومش مكلف انا عملته من سنه ونص او اتنين كلفني 500 جنيه بالمصنعيه بس دلوقتي اكيد اكيد سعره زاد
واي استفسار انا تحت امرك

ممكن تفاصيل اكتر شوية عن موضوع البور و اذا كان بيفصل على السرعات و طريقة التركيب.

معلش اسئلتي كتير بس موضوع مهم.

**just_funy** · 22-02-2012 11:47 PM

ياجماعة أنا بتمني من الإدارة أنها تثبت الموضوع دا وتبقي في رابطة خاصة بينا زي اي سيارة تانية وبجد العربية دي من يوم ما اشتريتها وهيه مريحاني ومستحملاني وربنا يديمها عليا نعمة
أنا عملت جروب علي الفيس بوك
Hyundai Accent 98 - 2006
فيه شوية حاجات بسيطة كدا عن العربية دي ولو حد يحب المشاركة تبقي حاجة كويسة

**modo88** · 23-02-2012 12:36 AM

المشاركة الأصلية كتبت بواسطة mohssenrashed

ممكن تفاصيل اكتر شوية عن موضوع البور و اذا كان بيفصل على السرعات و طريقة التركيب.

معلش اسئلتي كتير بس موضوع مهم.

بالنسبه لموضوع انه يفصل علي السرعات دي فابيتهالي انه امر خيالي شوية لان علي السرعه العاليه لو لمست بس الدركسيون حتي لو عادي بتلاقيه يروح اقصي اليمين او الشمال وكل حاجه بالسنتيمتر علي السرعات
اما بالنسبه للتفاصيل
انت بتشتري علبة دريكسيون (اسكترا باور) +بتشتري المواسير والخراطيم + طرمبة الباور اللي هيا بيتركب عليها السير + العلبة الصفرا اللي بيتحط فيها الزيت + حاجه كدا مش فاكر اسمها طمبورة باين او حاجه كدا بتتركب في الموتور وبيتربط فيها طرمبة الباور بس دا كل اللي فيها
بس خد بالك كوويس اوي من الخراطيم والمواسير هات الاصليه استيراد بتاعة بلادها واوعي حد يشور عليك ويقولك يجيبك خراطيم ويتعملها كبس الاحسن تشوف واحد محترم وسعره حنين وتطلع طقم الباور دا من علي نص استيراد شيل وركب علي طول
واي استفسار تحت امرك

**Eldaw** · 19-03-2012 12:12 PM

السلام عليكم ورحمة الله وبركاته..
سلامي لكل الاعضاء وبجد منتدي جميل..
اخوكم محمد جديد معاكم هنا انشاء الله ومعايا اكسينت 1300 مو 2001..
وبجد عربية محترمة جدا ومنتشرة جدا وتستحق طبعا انه يكون ليها رابطة وصفحة خاصة بيها ..

**mostafa_dvd** · 24-03-2012 12:52 PM

السلام عليكم ورحمه الله وبركاته
انا لسه شارى العربيه من حوالى 6شهور و دى بجد احسن عربيه اقتصاديه ماشيه فى شوارع مصر كلها كمان عربيتى لسه جديده لانج اكنها لسه طالعه من التوكيل موديل 2006 اخر موديل 1300 لسه معدتش ال70 الف كيلو حوالى 69850 من يومين و العربيه بجد فبريكه خالص لسه كراسيها عليها مشمعها وفيها ريحه الفبر و الفابريكه جوه الكنسوله و مكنتها بسم الله ماشاء الله زيروه لسه متغيرش فيها ولا سير حتى يادوب زيوت بس و مش بفكر ابيعها نهائى انا كنت جايبها ب 47 بس هيا تستهالهم و كان فيها انذار و سنتر و ركبتلها ازاز كهرباء الاصلى استيراد ووحدات رفع ومتابع معاكم ان شاء الله فى الموضوع دا لانها بجد عربيه تستاهل و عايز اعرف مواعيد الصيانه الدوريه وكدا اغير سيور الكاتينه و الدينامو دلوقتى ولا استنا ولا ايه و اسف على الاطاله