الموضوع: رابطة مالكى الجميلة اكسنت من1998 الى 2006

المشاركة الأصلية كتبت بواسطة محمد غنيم

بعد اذن مالكى هيونداى اكسنت ما هو افضل موديل بين 2000 الى 2006 مشاكله قليلة انا اسمع ان من 2005 الى 2008 المشاكل كانت فى الباور الكهربا وانه بيفصل وبيعمل مشاكل وممكن يؤدى الى كارثة لا قدر الله فلو عاوز اشترى ايه رأي حضراتكم فى اكسنت 2004 وهل 1300 cc افضل ام 1500cc افضل وهى افضل ولا الفيرنا ؟ وياريت نصيحة لله هل اتوكل على الله ولا ادور على حاجة تانية وشكراً

انا معايا اكسنت موديل ٢٠٠٠ موتور ١٥٠٠ cc انجيكشن باور تكييف ٢ زجاج امامى كهرباء فبريكة بالكامل مانيوال ماشاء الله عليها لان الحالة بتفرق وخصوصا سيارتى خليجى
انا عن نفسى افضل ١٥٠٠ cc عن ١٣٠٠ cc من حيث قوة الموتور قوة التكييف الشكل الداخلى للباب الامامى والقنصولة والزجاج الكهربائي والسحب مافيس كلام .
اما من حيث الصيانة هى افضل من الفيرنا ورخص قطع الغيار ومتوفرة والتبريد ممتاز واستهلاك البنزين اقل من الفيرنا بكتير
ان لقيت اكسنت خليجى ١٥٠٠ cc بحالة ممتازة توكل على الله والسعر هايبقى ما بين ٤٥٠٠٠ ج الى ٥٥٠٠٠ ج شركة برة وجوه عداد قليل
اما بالنسبة لافضلية الفيرنا لان في منها موديلات عالية يعنى ان شاء الله تلاقى حالات منها كتير سليمة ومش راشه نهائى وهى ايضا عربية جميلة بس اشترى حاجة سليمة وموديل عالى علشان ماتبقاش تعبانه
بالتوفيق

عندى مشكلة فى العربية بتاعتى هيونداى أكسنت موديل 2006 1300 سى سى كاربراتير بتاعها دوخنى وصرفت عليه كتير بتستهلك بنزين كتير ومش عارف أعمل ايه كمان عايز اجيب لها مساعدين امامى كويسين ايه احسن نوع kyb ولا monroe وكمان عايز أجيب لها طقم كبالن كويس أجيب استيراد ولا جديد وياريت حد يدلنى على ميكانيكى كويس فاهم فيها يكون قريب من المعادى ومين احسن واحد بيبيع قطع غيار ليها بس يكون عنده ضمير وكويس والف شكر على الرد

عندي عربيه هيونداي اكسنت موديل 2000 و الموتور 1300 مانوال. المطلوب تحويل العربيه لاوتوماتيك موتور 1500.. قريت أن الأفضل تسقيط موتور الفيرنا 1600 أو الالينترا 1600 الشكل القديم في نفس الحوض بدون تعديلات... هى الكلام ده صحيح؟؟ و هل هوة فيه ميزة أن المواتير بتاعت العربيات دي احدث؟؟ لو ينفع تنصحوني اعمل القصه دي فين و عند مين؟؟ مع العلم اني لازم اغير التابلوه و أجيب تابلوه ال 1500 و طقم البدال بتاع ال 1500 و الكنسوله. . .. و لو في حد عمل القصه دي قبل كده ممكن نصيحه بخصوص الأسعار شاكر جدا لحضرتكوا

الاستاذ الفاضل امير \ تحية طيبه و بعد
http://www.nilemotors.net/Nile/members/71022.html
قرات مشاركتك :

السلام عليكم
يا جماعة اي حد عندة اى استفسار للأكسنت فى اى حاجة يسألنى و أنا ان شاء الله هاقولو على حد معلوماتى وانا معايا العربية دى من عشر سنين و انا رأيى الشخصى ان العربية دى فعلا كويسة جدا لو كان الإستخدام بتاعها من غير جرى و قرص
وهيا عربية ناعمة جدا كعفشة و موتور وفتيس او اسعار قطع الغيار او الصيانة كويسة جدا
و عيوبها هي ان الشاسيه بتاعها ضعيف شوية بس بيتعملة زرجينه عند بتاع الزوايا وانتى واقف ب 40 جنيه
2 - التابلوة ودا تمنه في حدود ( 500 - 750 ) استيراد طبعا
3- عدم وجود قطع غيار ليها استيراد زي ( الكاربراتير و الإسبراتير ) عشان العربية دى بتيجي من برا انجيكشن اذا كان الماتور 1500 و 1300 وتمن الإسبراتير في التوكيل كان معدى ال 1700 جنية؟؟؟؟؟؟؟؟
و أي حد ماتور عربيتة 1300 كاربيراتير و عاوز يسقط مكنة ال 1500 الإنجيكشن يقولى و انا اعرفه الأسعار و يجبها منين و اية الى هايتعدل فى العربيه وطبعا احنا عارفبن ان مكنة ال1500 دي مالهاش حل
واى خدمة يا رجالة

و سؤالى هو:

عندي عربيه هيونداي اكسنت موديل 2000 و الموتور 1300 مانوال. المطلوب تحويل العربيه لاوتوماتيك موتور 1500.. قريت أن الأفضل تسقيط موتور الفيرنا 1600 أو الالينترا 1600 الشكل القديم في نفس الحوض بدون تعديلات... هى الكلام ده صحيح؟؟ و هل هوة فيه ميزة أن المواتير بتاعت العربيات دي احدث؟؟ لو ينفع تنصحوني اعمل القصه دي فين و عند مين؟؟ مع العلم اني لازم اغير التابلوه و أجيب تابلوه ال 1500 و طقم البدال بتاع ال 1500 و الكنسوله. . .. و لو في حد عمل القصه دي قبل كده ممكن نصيحه بخصوص الأسعار شاكر جدا لحضرتكوا

و انا بالفعل عملت موضوع فى المنتدى بس لحد دلوقتى محدش افادنى و كنت متعشم الاقى جواب عند حضرتك

انا رقمى 01141628162 لو تبعتلى رقم حضرتك اكلمك يكون افضل و شاكر جدا لحضرتك