1. تعمل زى ما الاخت الكريمه قالت
2. فالمرور اول حاجه تعملها تشترى طفاية حريق سعة 1 كيلو
3.تعمل تأمين اجبارى عالعربيه مع اى كشك من اللى حوالين المرور وهتلائيهم كتير وسعرهم واحد وخدمتهم اى كلام - بس الحكومه عاوزانا نعمل تامين يبئى هنعمل تامين -
4زتشترى ملف الترخيص من المرور وممكن تسأل عليه اى ساعى او عسكرى
5.تملى بيانات الملف وتقدمها لفنى فحص العادم مع 10 جنيه بدون سبب عشان تتاكد من صلاحية العربيه بيئيا مع انها زيرو :)
6. بعد فحص العادم تدى الملف للراجل بتاع بصمة الماتور والشاسيه ونفس موضوع ال10 جنيه هو هو بدل مايعمل فيها اعمى ومش عارف ياخد البصمه
7. تبدأبعد كده رحلة الملف عن مكاتب الموظفين جوه وطابور الخزنه التاريخى ( يستحسن حد يبئى معاك يحجزلك فيه دور لحد ماتخللص العادم والبصمه ) واعمل حسابك فى شوية خمسات على عشرات لزوم الشاى بتاع الموظفين الله ياخدهم
8.بعد ماتخللص الورق تاخد وصل تستلم بيه النمر الجديده مع الرخصه وتديها لحد من اللى واقفين يركبلك النمر وتاخد بعضك وتجرى بره المرور وتدعى انك ماتضطرش ترجعله تانى الا فالتجديد بس :)
المفضلات