رجاء الافادة من وحوش اللوجان بخصوص الاستفسارين دول

**attosaroka** · 10-01-2010 04:29 PM

بعد اذن وحوش الرينو انا كان عندى استفسارين عن اللوجان انا يادوب مستلمها من حوالى شهر ودى اول عربية ليا وبصراحة انا لسة جديد فى السواقة
اول استفسار ان انا اول ما بطلع بالعربية وخصوصا لو طالع معلق دبرياج بحس برجرجة فى العربية زى اما تكون مش قادرة تطلع ودة بيحصل بردو بعد اما ازود بنزين بس بتختفى بعد كدة

تانى استفسار هوة بخصوص المرايا بتاعة الصالون بصراحة انا حاسس ان ملهاش اية لازمة لانى مابشوفش بيها اى حاجة وكنت عايز اعرف ان كان ينفع اركب فيها مراية بانوراما زى اللى بتركب فى االلادا اللى بتبقى كاشفه الشارع كلة ولا دة صعب

**zakiali** · 10-01-2010 05:22 PM

المشاركة الأصلية كتبت بواسطة attosaroka

بعد اذن وحوش الرينو انا كان عندى استفسارين عن اللوجان انا يادوب مستلمها من حوالى شهر ودى اول عربية ليا وبصراحة انا لسة جديد فى السواقة
اول استفسار ان انا اول ما بطلع بالعربية وخصوصا لو طالع معلق دبرياج بحس برجرجة فى العربية زى اما تكون مش قادرة تطلع ودة بيحصل بردو بعد اما ازود بنزين بس بتختفى بعد كدة

تانى استفسار هوة بخصوص المرايا بتاعة الصالون بصراحة انا حاسس ان ملهاش اية لازمة لانى مابشوفش بيها اى حاجة وكنت عايز اعرف ان كان ينفع اركب فيها مراية بانوراما زى اللى بتركب فى االلادا اللى بتبقى كاشفه الشارع كلة ولا دة صعب

انت بتحط بنزين أيه ؟؟

**attosaroka** · 10-01-2010 05:28 PM

92 ياباشا دة اقل واجب يعنى

**amr.elsayed** · 10-01-2010 05:28 PM

ادى سنة بنزين وانت بتطلع بالعربية اول ما العربية تبدأ تتحرك ابقى شيل رجلك من على الدبرياج بس مش بسرعة وزود بنزين
الماتور اداءه بيتحسن كتير عن اول فترة انت عامل كام الف كيلو
روح فى مكان فاضي واطلع بالعربية واقف واطلع كذا مرة وشوف العربية افضل طلعة ليها بتكون ازاى
دبرياج بس او دبرياج مع سنة بنزين او سنة بنزين مع تعليق صغير على الدبرياج لحد ما العربية تاخد سرعتها لاحظ ان مش شرط كل عربيات اللوجان تكون زى بعضها وتعرف نقطة الفصل بتاعت الدبرياج على فكرة نقطة الفصل فى اللوجان عالية شوية فى الدبرياج (مش شرط تكون فى كل عربيات اللوجان)
بالنسبة للمراية لو مش متعود عليها عادى ممكن تركب مراية تانية بس انا معنديش تجربة فى الموضوع دة بس عادى يعنى ممكن تغير المراية

**attosaroka** · 10-01-2010 05:32 PM

الف شكر على الرد بتاع حضرتك وبالنسبة لموضوع كام الف كيلو دة صعب شوية انا تقريبا عامل 114 كيلو ودة للاسف بسبب الامتحانات وانا بس كنت خايف يكون عيب من العربية وكنت عايز اعرف دى حاجة تستاهل انى اقولهم عليها فى صيانة الالف ولا هيقولول عليا بتدلع

**amrdiab** · 10-01-2010 05:33 PM

دوس دبرياج ع الاخر ادي الاول ارفع رجلك بالراحة من علي الدبرياج ودوس بنزين بنفس القدر دي مش مشكلة بس دة تعود وهتاخد فترته
اعتقد ان رجلك تقيلة حبة علي البنزين بالراحة هتلاقي مفيش رجة والمؤكد ان دواسة البنزين في اللوجان ناعمة عشان كدة بالراحة وانت بتدوس
مسئلة وقت مش اكتر وتعود وكل دة جاي
=====
محمود شاكر

**amr.elsayed** · 10-01-2010 05:48 PM

المشاركة الأصلية كتبت بواسطة attosaroka

الف شكر على الرد بتاع حضرتك وبالنسبة لموضوع كام الف كيلو دة صعب شوية انا تقريبا عامل 114 كيلو ودة للاسف بسبب الامتحانات وانا بس كنت خايف يكون عيب من العربية وكنت عايز اعرف دى حاجة تستاهل انى اقولهم عليها فى صيانة الالف ولا هيقولول عليا بتدلع

لا لا استنى على العربية وما تقيمهاش دلوقتى لما حتعدى اول 1000 كيلو وانت حتلاحظ بنفسك تحسن فى كل حاجة اثناء التليين سواء سحب وتسارع واستجابة العربية
وعلى فكرة العربية بتدى افضل اداء بعد ال 3000 كيلو وبعد توعدك على العربية كدة نبقى نقييم العربية ولو عندك مشكلة فى العربية متقلقش فى صيانة وفى ضمان لكن فى وقتنا الحالى متخفش من حاجة العربية لسة بتليين وفى اوائل عمرها
وربنا يوفقك فى امتحناتك وسيبك من العربية خالص العربية مش حتطير خلص ويكون لينا كلام تانى فى عربيتك ان شاء الرحمن

**attosaroka** · 10-01-2010 05:52 PM

طيب هوة فى حد غيرى حاسس ان السحب بتاع العربية على قدوة شوية ولا انا بس اللى موسوس لانى بلاحظ الحكاية دى لما اجى اخد يوتيرن واحاول اجرى علشان مكعبلش الدنيا وراى العربية مش بتسعفنى ومبسمعش غير الموتور وهوة بيزعق مع انى ركبت عربيات تانية كان ادائها غير كدة خالص بس بصراحة اللوجان عربية فوق الوصف وفعلا تستاهل كل مليم ادفع فيها وبحمد ربنا انى وفقنى ليها ودة طبعا بعد ما قريت مشاركتكم ومواضيعكم المميزة فى المنتدى هنا ومساعدتكم الدايمة للاعضاء وردكم على استفسار فعلا الواحد يتشرف انة عضو فى المنتدى دة

**bishoy02010** · 10-01-2010 06:03 PM

المشاركة الأصلية كتبت بواسطة attosaroka

اول استفسار ان انا اول ما بطلع بالعربية وخصوصا لو طالع معلق دبرياج بحس برجرجة فى العربية زى اما تكون مش قادرة تطلع ودة بيحصل بردو بعد اما ازود بنزين بس بتختفى بعد كدة

نفس المشكلة

**attosaroka** · 10-01-2010 07:14 PM

طيب يا أ/ بيشوى هى المشكلة دى مشكلة فعلا يعنى تستاهل انى اقولهم عليها فى الصيانة ولا دى حاجة عادية ماتستهلش وياترى هتاثر على العربية بعد كدة يعنى شوية بشوية تقلب لادا يعنى ولا اية ؟؟