مش فاهم بالظبط حضرتك بتتكلم عن الناس اللي ماتت من مرض انفلونزا الخنازير ولا عن المصل
شوف حضرتك
مرض الانفلونزا العادي بتاع زمان كلنا عارفينه وجاه لنا كلنا وحرارتنا بقت اربعين ورشح وكحة وتكسير مفاصل وياخد يومين تلاته مع راحة في البيت ومضاد حيوي ومسكنات ومخفضات حرارة وشاي بلمون ومشروبات دافئة وبنخف تمام
لكن ده لا يمنع ان كان فيه منه وفيات سواء في مصر او في غيرها واعتقد ان معظم الوفيات دول كانوا اللي اساسا عيانين او عندهم مشاكل صحية بحيث ان اجسامهم لا تحتمل مزيدا من التعب بتاع الانفلونزا انما مفيش احصائيات واضحة الوفيات منه كانت كام انما بالتأكيد مثل او اكتر من وفيات انفلونزا الخنازير اللي بتحصل دلوقتي
ثم ظهرت الخدعة الكبرى اللي عملتها الدول الكبرى بعمل مصل له آثار جانبية مدمرة للقضاء على فقراء العالم اللي ملهمش لازمة في الدنيا واشتركت فيها شركات الأدوية علشان تكسب المليارات وبالتأكيد بالتأكيد فيه مستفيدين كبار جدا على مستوى العالم من ارباح الشركات دي
انفلونزا الخنازير مجرد نوع من انواع الانقلونزا له اعراض مشابهه جدا وبياخد نفس الفترة ونفس العلاج وجاه لآلاف من المصريين الفترة اللي فاتت وخفوا منه عادي جدا جدا
انما عالميا تم تصنيفه وباء .. وباء ايه الله يخرب بيوتهم.. الوباء ده يعني زي الكوليرا في منتصف القرن الماضي ..وباء اللي يجيله لا يشفى منه ويموت خلال ايام لا محالة ويصيب آلاف بل ملايين في فترة قصيرة جدا .. هو ده تعريف الوباء اللي اعرفه
طبعا الحمد لله اننا في عصر الانترنت ومفيش حاجه بتستخبى .. الخدعة انكشفت والعالم كله عرفها وتناقلها عبر الانترنت والفضائيات .. واصبح الناس بين مصدق ومكذب وفي النص..
معظم شعوب دول العالم المتحضر امتنعت عن اخذ التطعيم زي انجلنزا وفرنسا واصبح عندهم فائض رهيب من المصل مش عارفين يودوه فين لأنهم اشتروه بمليارات والشعب امتنع عن اخده
المفضلات