لانسر 1600 ولا سيراتو 1600

**Dr.SherifMansy** · 10-12-2007 02:08 PM

طبعا اللانسر 1600 2008 (الشكل القديم مش الجديد) معروفة و لها سمعتها لكن بقت منتشرة لدرجة ان بين كل لانسر و لانسر تلاقى 2 لانسر !! ، و لكن عربية زى الجنيه الدهب (على رأى اسلام شاهين) و لكن لما شفت الكيا السيراتو 2008 بصراحة زغللتنى ، فرق السعر بسيط ، عزم السيراتو اكبر و فتيسها ستيبترونيك ، و لكن اللانسر احسن فى اعادة البيع (مش فى نيتى و لكن لو حصلت ظروف) و عوامل السلامة احسن من ناحية الإيرباج و ABS (مش موجودين فى السيراتو) و بصراحة شكل السيراتو احلى و مش منتشرة فى الشوارع ، ممكن الآراء لو سمحتم

**bassam nagy** · 10-12-2007 05:15 PM

السيراتو نفس الموتور بتاع الانترا 1600 سى سى 122 حصان وعربية حلوة مش ناقص الا اسعار قطع الغيار واتوقع انها اغلى من الانسر بس هى احسن من الانسر وشكلها الجديد حلو

**Dr.SherifMansy** · 11-12-2007 04:27 PM

ايه التوقيع العجيب ده؟

ولا غريب ولا حاجة ، الموضوع و ما فيه انى طبيب و جراح عبيون ، فمافيش انسب من صورة من عملية من العمليات كتوقيع معبر

واتوقع انها اغلى من الانسر

الحقيقة انها اقل بحوالى 6-7 آلاف جنيه
و شكرا للردود و لكن ارجو اراء اكثر للوصول الى قرار نهائى ، عذرا سبق و نشرت المشاركة فى قسم الكيا بالخطأ فمش عارف هل ممكن اطلب من السادة المشرفين ضم الأثنين لبعض ، و آسف على اللخبطة لأنى مستجد فى موضوع المشاركات و شكرا

**Dr.SherifMansy** · 11-12-2007 09:58 PM

والله مش مستقر على سعر واحد ، أصلى اتصلت بفرع الجيزة (من أسبوع) فقال ان 2007 خلصت و 2008 لسه هاتنزل على شهر 2 !!! و ان آخر سعر لها كان 98000 كاملة ، و لكن فيه كذا مكان تانى (سواء كيا أو معارض متنوعة) كان السعر بيتراوح بين 100000 و 102000 كاملة و بيقولوا فيها كلام لو كاش و بيقولوا انها 2008 و ان الوكيل بتاع الجيزة و المعادى معادش له دعوة ، و مش عارف أصدق مين و لكن ارجو اكون افدتك على قدر استطاعتى فى موضوع الأسعار