مساء الفل
العربيه عامله 80000كم و عجبني فيها الاتي:
1)القعده في العربية ظريفه قوي زي العربيات الكوبيه( الشباك في مستوي كتفك) و الكراسي مريحه جدا.
2) العربيه من جوه واسعه فعلا,يعني مش شكل ضخم وبس في مساحات مريحه جوه
3)خامات التابلوه رائعه و كواليتي البلاستيك فوق الممتازه
4)نظام الاي درايف لذيذ فعلا,و هو بيتحللك التحكم في التكييف,بلوتوث,ستريو أو كمبيوتر للرحلات و لما بتدوس علي زرار معين بتقلب الشاشه كلها جرافيك يجسد العربيه و يعمل كباركينج سينسور.
5)العربيه ثابته جدا خصوصا في الملفات بطريقه غريبه لدرجه أني طفيت كل الانظمه(زي البيمر 320 زرار واحد ايمهDTC دوسه واحده تغلقه و لو علقت صباعك عليه 3 ثواني تغلق الDSC كمان بس جزئيا)حاولت أخش ملفات بسرعات عاليه و اخرها ديلها يلعب سنه صغيره و بعدين تمسك علطول.
6)العربيه مريحه بدرجه اكتر بكتير من ال320 خصوصا في المطبات الرخمه.
7)العربيه قطع غيارها متوفره في الحرفيين بأسعار معقوله و أسعارها كمستعمله معقوله جدا.
ما عجبنيش فيها:
1)العربيه أربعه سلندر و مش عارف ليه ما بحبش الفئه الخامسه لما بتكون أربعه لان خرج الاحصنه بالنسبه للوزن بيبقي علي أده(170 حصان), و بالتالي التسارعات خجوله جدا, انا عملت دراج مع سيفك ثبت معايا لغايه 70كم و بعدين فرقت عنه جامد,بس بالصدفه قابلت واحد صاحبي معاه 525 2004 بهدلني في الشد.
2)نظام الاي درايف ممكن مايعجبش الفئه السنيه الاكبر من 45 سنه.
3)زراير التحكم في الزجاج الامامي الكواليتي بتاعتها تعبانه قوي.
4)محاوله ان انتي تستمتع بدرفت بالعربيه دي صعبه قوي مش زي مثلا الكرايسلر 300c .
رأيي النهائي:أنا طول عمري بحب الفئه الخامسه بس العربيه دي تستحق موتور أقوي بكتيير,بس الصراحه اسعار المستعمل لا تقاوم....عربيه جميله و محترمه
تحياتي
novo
YouTube - bmw DRIFTING EGYPT.AVI
المفضلات