أداء العربية مرضي جدا بنسبالي أنا كل اللي عايزه الصووووووت علشان محدش يفكر يشد معايا :khd:
عرض للطباعة
أداء العربية مرضي جدا بنسبالي أنا كل اللي عايزه الصووووووت علشان محدش يفكر يشد معايا :khd:
يعنى ايـــــــــــــــــــــه
اقتباس:
يعنى ايـــــــــــــــــــــه
اولا اى عربية بنزين فيها تربو لازم ييبقى فيها حاجة تصرف ضغط التربو لما البوابة تتقفل (لما السواق يشيل رجلة من على البنزين) والا ريش التربو تبوظ من تراكم الضغط... الديزل مفيهوش بوابة اصلا فا مش محتاج وسيلة تصريف
وسائل التصريف هما حاجتين blow off valve و الdump or recycle valve... و الاتنين بيعملوا نفس الوظيفة بالضبط... الاتنين بيستخدموا قوة الفراغ اللى بتتولد وار البوابة لما البوابة تتقفل فى تشغبل صمام ميكانيكى بيفتح ممر قبل البوابة عشان الضغط اللى بيعملة التربو يخرج منة و ميتراكمش جوة مواسير التربو و يتلف الريش
الفرق بين الاتنين فى حاجة واحدة... الهوا اللى بيتصرف بيروح فين؟؟؟
الBOV بيصرف الهواء المضغوط الى الجو... و دة السبب ان صوتة عالى و الناس اللى بتحب الshowing off بتحبة عشان بيبقى مسموع و الناس بتعرف ان العربية فيها تربو
الdump valve بيرد الهوا المضغوط مرة تانية لنقطة قبل توربينة التربو بالتالى الهوا بتحصلة عملية اعادة تدوير فى مواسير التربو ( و منها جت تسمية recycle valve) و دة غالبا بيبقى فى العربيات اللى فيها تربو ستوك
ايه الفرق فى الاداء و مين احسن؟؟
الBOV زى ما شوفتم سهل التركيب جدا... اى نقطة بين التربو و البوابة يركب عليها و خطوم فاكيوم للتشغيل و شكرا... انت مش محتاج اى خراطيم او مواسير للهوا اللى خارج من الBOV و كمان حيدى صوت عالى مميز... المشكلة ان مع الBOV لما البوابة تتقفل سرعة التوربينة حتقل جامد و بالتالى لما السواق يدوس بنزين تانى حيبقى فيه شوية lag لحد ما التوربينة تكتسب شوية سرعة لتوليد ضغط مناسب
الdump valve محتاج خراطيم اضافية للهوا اللى خارج عشان يوصل قبل التوربينة مرة تانية فا حيحتاج شغل تركيب اكتر من الBOV لكن صوتة اوطى للناس اللى مش بتحب المظهرية و الاستعراض و كمان حيخللى اداء التربو افضل لان الهوا اللى بيخرجة الdump valve بيستخدم فى ادارة توربينة التربو و الحفاظ على سرعتها (مقارنة بالBOV) و بالتالى استجابة التربو بتبقى احسن مع الdump valve
فى النهاية نرجع للسؤال الاصلى و الجابة علية هى نعم ينفع تركب BOV... ركبة فى نفس مكن الdump valve و استخدم نفس خراطيم الفاكيوم بتاعتة و سد مكان ما الdump valve بيرد الهوا المضغوط قبل التربو
MMamdouh
الله ينور يا رياسة
استااااااااذ
أستاااااااااااااااذ ورئيس قسم والحمد لله طلعت دماغي بتشتغل (غريبة دنا في هندسة:shine[1]:)