شوف حضرتك انا هاحاول معاك كده على قدى يعنى ( طبعا رأى الشمهندس سمير هايكون الافضل لانه بيتكلم عن خبره عمليه ونظريه ) بس انا هاحاول افيد باللى عندى
خلينا متفقين على حاجه ان طالما المياه بتنقص يبقى فيه Leakage او تسريب , تمام ....
طيب احنا عندنا نوعين من التسريب
1- تسريب داخلى Internal leakage
2- تسريب خارجى External leakage
بالنسبه لموضوع التسريب الداخلى : فـ اللى بيحصل ان بيكون فيه جوان بايظ وبالتالى غازات الاحتراق بتتطلع بتروح داخله على ال Water jacket او قميص التبريد ( وفى الحاله دى ضغط المنظومه كله هايرتفع ) ولو شلت غطا الريادياتير ودورت وبصيت على مياه التبريد المفروض تلاقيها بتبقلل او بتعمل فقاعات , حضرتك لسه مغير جوان فنحاول نستبعد الموضوع ده دلوقتى
بالنسبه لموضوع التسريب الخارجى : فحضرتك لازم تبص على كل الخراطيم بتاعه المنظومه كلها وتعمل Check على اى افييز عندك والعربيه دايره وتشوف لو فيه حاجه بتنقط او لا , وتتاكد ان الخراطيم حالتها كويس ( يعنى مش ناشفه قوى ولا مشققه )
اختبار الكبس مهم قوى فى الحاله دى وعندك 3 احتمالات بعد ماتعمل الاختبار ( يعنى نتيجه الاختبار هاتبقى واحده من دوول )
1- الضغط فضل زى ماهو يبقى مافيش تسريب ( نستبعده علشان عند حضرتك المياه بتنقص )
2 الضغط قل يبقى عندك تسريب خارجى ( خرطوم بايظ او افييز مش مربوط كويس وبيسرب مياه )
3- الضغط زاد يبقى عندك تسريب داخلى ( المفروض نستبعده علشان حضرتك الجوان لسه متغير )
اناشاء الله تتطلع المشكله تسريب خارجى و تبقى حاجه بسيطه :)
المفضلات