الموضوع: عايز اركب جنط لفنتازيا ؟؟؟ حد يساعدني

المشاركة الأصلية كتبت بواسطة romio_dream

يا جماعه ده اول مشاركه ليه في المنتدى وياريت تفيدوني
انا معايا فنتازيا ستبترونيك عايز اركبلها جنط محترم و زينون كمان بالمره بقى في موضوع واحد
عايز اعرف لما اركبهم اكيد مش حيكونو من التوكيل ده حيطلعها من الضمان ولا لا ؟؟؟ و ياريت بردو تفيدوني اركبلو كاوتشات مقاسه كام و نوع اه عشان انا سمعت ان لو ركبت جنط مختلف عن الاصلي قراية العداد بتختلف ؟؟ وانا اسف لو طولت عليكم

اولا الف الف مبروك على السياره و ربنا يحفظهالك من كل سوء
نصيحه بلاش تركب زينون بره التوكيل علشان انا اللى اعرفه (و ارجو من الأعضاء يصححوا المعلومه لوا انا غلطان ) ان العربيه اللى مفهاش زينون بيكون الكومبيوتر بتعها محتاج لظبط الزينون عليه و كمان محدش يضمن ايه ممكن يحصل و انت بتركب الزينون بره ( كان في عضو كومبيوتر العربيه الالنترا بتاعته على ما اتذكر اتحرق علشان اللى بيركبلوا زينون لمس حاجه كده و ضرب الدنيا )
اما الجنط فعادى ممكن تجيب الجنط اللى انت عايزه 17 تقريبا بس و ممكن تجيب من التوكيل اخر مره لما كنت عندهم كان فى جنوط كتير هى غاليه بس نضيفه قوى و ممكن تجيب اى جنط اى مقاس بس هتفرق فالسرعه و ممكن تأثر على العفشه
فى رأى و عن تجربه احسن حاجه تجيب جنط نفس المقاس و كاوتش اعرض بس
"حضرتك ممكن تطرح الموضوع دا فى منتدى سكودا و الأعضاء هناك هيفدوك اكتر منى بكتير
و مره تانيه الف مبروك "

ألف مبروووك و ربنا يكفيك شرها.

بخصوص الزينون: أنا ركبته من عند ادريان مصر الجديدة من حوالى سنة ، و من ساعتها شغال زى الفل بس اللى أعرفه أن احسن زينون فى مصر هى الاصلى HID plus اللى توكيله فى الرحاب. بخصوص موضوع الزينون و الكومبيوتر،( انا معايا فابيا فالمفروض نفس الكومبيوتر بتاعك بس على اصغر بمراحل) انا فى الاول عمل مشاكل عندى عشان انا ركبت عالى و واطى و فوجات و أصلاً العربية مافيهاش زرار فوجات فكان عندى زرار النور الواطى متركب عليه طقمين زينون مره واحدة طبعاً الفيوز ساح و ركبت كتاوت بس ده عشان عندى العربية على قدى و مش معملومة للأحمال ده بس من ساعتها و هو شغال 10/10. لو ركبته فى الرحاب حيبقى معاك ضمان علىه.

بخصوص الجنوط: أحسن حد بتاع جنوك هو أرابكوم عند سيتى ستارز، هو أغلى شوية بس اللى عنده انضف حاجة و موضوع المقاس، خليك فى نفس مقاس الكاوتش الاصلى عشان بصراحة فى الموضوع ده انا مؤمن ان الباشمهندس سكودا فاهم فى العربية اكتر منى و عليه هو احسن انو يخترلها مقاس الجنط

المفروض انو الزينون حيطلعك من الضمان عشان ده لعب فى كهربة العربية بس الجنوط معنديش فكرة بس اصلاً انت ممكن تركب الزينون جوه التوكيل ، حيكون اغلى حبة كويسين، بس مش حتطلع من الضمان و لو حصل حاجة او أثر على كومبيوتر العربية، العربية لسه فى الضمان.
لو عايز الجنوط السبور الاصلية بتاعتها هاتها برده من التوكيل و ساعتها اكيد مش حتطلع من الضمان انما لو عايز شكل تانى مش عندهم يبقى اسأل الاول عشان انا ضايف انو الضمان ده حقك و المفروض مضيعوش

مبروك تانى على العربية و لازم ترفع صورها بعد التعديلات ده

المشاركة الأصلية كتبت بواسطة khaled ayman

بس اضمن حاجه انك تركبه فى التوكيل ...
بس اوعى تركب زينون فى العالى ...
هيتحرق بسرعه و هيبوظ و اصلا ممل فى استخدامه (لما يكون فى العالى)...
ركب فى الواطى بس ...
و اهلا بيك فى المنتدى ...

+111111

الزينون فى العالى، لازم تعرف انك حتحتاجه قبلها بحوالى 15 ثانية عشان يلحق يسخن و لو بترعش بيه كتير حيتحرق. أنا بس بستخدمه عشان الشباب اللى مركب زينون و ماشى على الطرق السريعة و ضاربه فى عين كل الناس بعرفه انو مش هوا بس اللى معاه زينون و ازاى الناس بتحس لما يييجى واحد وراك و يقعد يرعشلك بيه بسرعة عشان يعدى وانت اصلاً ماشى على اليمين. بس بصراحة لما يشحن و ترعش بيه بيبقى اكن فى برق فى الشارع بس لو الزمن رجع مكونتش اشتريته عشان ميستاهلش الفلوس اللى ادفعت فيه بعكس الواطى و الفوجات و خصوصاً الفوجات

المشاركة الأصلية كتبت بواسطة د.محمود صلاح

موضوع الجنوط ده ان ماكانش فابريقة بيبوظ شكل العربية تماما , والأفضل خليها على حالها

أنا كان قصدى انو يجيب نفس الجنط بتاع الفابريكة و ساعتها المفروض يكون شكلها أحسن

المشاركة الأصلية كتبت بواسطة KHALED AYMAN

ايييييييييييييييووووووووو وه ..
هو ده الكلام ..
كنت مركبه فى العربيه الاسترا (الله يمسيها بالخير).. و اتحرق و فكيته منها ..
و ربنا كرمنى و جيبت الفيكترا نازله من شركتها زينون عالى و واطى ..
و مفيش حوار تسخنه بقى والكلام ده ...
برق باستمرار

ايوه بقه، بس هى كش لمبو الزينون اللى فى الفيكتر Bi-Xenon يعنى العالى و الواطى لمبة واحدة و اللى بيحصل اللمبة بتطلع فوق عشان تبقى عالى ولا زى المرسيدس الزينون شغال على طول بس مش باين و عشان كده مش بياخد وقت يشحن ولا الفيكتر عملت اختراع جديد انو الزينون العالى ميخدش وقت عشان بشحن حتى و هو فى لمبة منفصلة

الففففففففففففففففففف شكر يا رجاله على الردود السريعه ده بس هو في استفسار واحد لو رحت لرابكوم مش حيطلعني من الضمان و ان شاء الله حرفعلكو الصور لما اركب الزينون والجنط