حد يساعدني عندي مقابلة بكرة و مش عارف اركب اية

**eslamhelmy** · 20-04-2012 05:34 PM

حد يساعدني عندي مقابلة بكرة و مش عارف اركب اية من رمسيس
العنوان

شركه الحجار فرع ابو رواش الكيلو 28 طريق ابو رواش امام مركز كرير (كرفور اسكندريه الصحراوى)

**islam.3bada** · 20-04-2012 09:54 PM

ممكن تركب اي حاجة رايحة ميدان الرماية زى 200 مثلا او تركب حاجة هرم وتركب لحد الرماية او حاجة للجيزة
(و دول كتير ) ونفس الكلام تركب حاجة للرماية , انت هتنزل قبل ميدان الرماية بكام متر .. هتقولو نزلنى موقف 28
هتركب من هناك عربيات اللى هى الالترامكو

**_hema** · 20-04-2012 11:00 PM

حضرتك وانت فى رمسيس لو لاقيت ميكروباص بيروح ابو رواش ( المدينه الصناعيه) يبقا افضل لو مكنش اسأل عن اقرب مواصله الى ابو رواش وف رمسيس هتلاقى كتير

او ممكن حضرتك تعمل زى الزميل ماوصف لحضرتك انك تركب من رمسيس وتنزل ميدان الرمايه وهناك لو عندك وقت اسأل عن الميكروباص اللى بيروح ابو رواش او لو حضرتك مستعجل افضل حاجه انك تركب التاكسى الابيض من ميدان الرمايه عشان تلحق ميعادك وتكون فى الأمان

لك كل الود

**أشرف العدوي** · 21-04-2012 10:21 AM

احنا بنتاعمل معاها ( مش هي اسمها تكنولوجيا الهواء المطغوط - الحجار مصر )
بص يا سيدي عندك ممن رمسيس ممكن تركب للرماية و من الرماية تاخد ميكروباص ك 28
و تنزل عند بنزينة أمارات مصر ( قول للميكروباص نزلني المدخل الأولاني )
و هناك هتلاقي عربيات نص نقل خد أي عربية مخصوص لحد الشركة هي مش بعيد تعتبر في الأول

بس أهم حاحجة تنزل المدخل الأولاني عند بنزينة أمارات مصر ما تكملش لحد القرية الذكية

و ممكن من الأاسعاف تاخد اي ميكروباص أكتوبر و انزل نزلة الصحراوي ( قول للميكروباص عايز سلم الصحراوي )
أنزل السلم خد ميكروباص تاني لحد المدخل الأاولاني بردو