الموضوع: هل كل البونتو 75 حصان ؟

البونتو اللي معايا 2002 و زيها زي كل البونتو لغاية 2004 و الجديدة بتاعة 2007 و 2008 بتختلف في الشكل فقط و الموتور
نبدأ نتكلم عن العربية من ناحية الكماليات
تكييف ممتاز ........ باور ....... باور سيتي ...... سنتر ..... كاسيت بلاوبونتكت ..... ولاعة سجاير ........ فتح الشنطة من الداخل ( 2002 ) و أيضا من الخارج بالمفتاح ........

من ناحية الأداء
العربية ممتازة في الفئة الخاصة بها
مواصفات 1245 سم مكعب ( سي سي )
مقاس الكاوتش 14 165 70 .... مقاس نادر الوجود في السوق و لكن يركب عليها 14 175 60 أو 70
قطع غيار متوفرة خارج التوكيل و أسعار معقولة جدا جدا
يعني مثلا سير الكاتينة 100 جنيه
سير الدينامو 35 جنيه
كشاف أمامي 300 جنيه ( لسة مكتشف السعر ده النهاردة )
كشاف خلفي 300 جنيه أو يزيد قليلا
اسطوانة و بلية للدبرياج ألماني بحوالي 400 جنيه
....
توفير في البنزين رهيب بتعمل 170 كيلومتر لكل 10 لتر بنزين عند سرعة 90 كم / س مع ثبات السرعة
متوسط استهلاك البنزين 140 كم لكل 10 لتر بنزين ( سرعات مختلفة )
السيارة إقتصادية جدا في التشغيل ........ سهلة الركن ( لصغر الحجم و إمكانيات الباور سيتي )
من عيوبها
لا تصلح أن تكون سيارة عائلية لأسرة كبيرة
يعني تنفع لواحد شاب لوحده
أو واحد متزوج و مراته و طفلين صغيرين لغاية 15 سنة

الأختلافات الموجودة بين الموديل 2002 لغاية 2004 و الموديلين 2007 و 2008
أولا من ناحية الشكل لم يتغير غير شكل الفوانيس الأمامية فقط ( القديم أحلى بكتير ) دي أذواق و لكن ناس كتير أجمعوا على ذلك
و أعتقد أيضا أنهم أضافوا للجديد ضوء الشبورة الذي هو غير موجود عندي
من ناحية الموتور
من أول 2007 و الموتور خلوه أضعف قليلا و هو مكون من 8 صباب فقط في حين أن سياراتي 12 صباب
و القوة الحصانية قلت طبعا و لكن لا أعرف كم بالظبط ؟؟؟؟
و لكن الأداء العام ليس بالفرق الكبير

المشاركة الأصلية كتبت بواسطة doglas

شكرا على المعلومات الجميلة
بس أخبار نعومة العربية إيه و ثباتها على السرعات و صوت المحرك و العزل
و لو فيه كمان كماليات داخلية جميلة او افتكاسات ياريت تقولنا ، و هل ليها مفتاح ريموت مثلا ؟

العفو
بالنسبة لنعومة العربية ( مش هاتحس بيها إن كانت شغالة أو لا
بالنسبة للثبات جيد جدا ( خصوصا أن سرعتها القصوى 155 كم / س )
بالنسبة لمفتاح الريموت لموديل 2002 أنا اللي مركبه يعني هي جايه من غير انذار و تم تركيبه بواسطتي
و بعدين يعني أيه افتكاسات دي ؟؟؟؟؟؟؟؟؟
أسأل السؤال اللي عايز تعرف إجابته و إن شاء الله نجاوبك
بالنسبة لوضعية الكراسي ( الكراسي يتم طيها للخلف و الأمام و جعلها في موضع صالح للنوم عليها )
و أيضا يتم تقديم الكراسي للأمام و الخلف حسب طول السائق و أعتقد أن هذا موجود في أي سيارة
بالنسبة للأنوار الداخلية ( كل السيارات فيها أنوار داخلية )