الموضوع: فضيحة امير دويلة قطر و الجزيرة...

المشاركة الأصلية كتبت بواسطة abdo_eldesokey

مضطرين ؟؟؟؟

ليه ماسكين علينا ذلة ؟؟

المشاركة الأصلية كتبت بواسطة dr zezo

كلام حضرتك سليم

عدا نقطة احنا مضطرين

لا يوجد بند في كامب ديفيد و لا اي شئ يخلينا نضطر سوي بعض امور شخصية لاغراض معينة " كما يبدو"

لا مضطرين للغاز و لا للكويز

و الله في القضية دي بالذات انا مش عارف هل احنا مضطرين ولا ماسكين علينا ذلة ولا هي كامب ديفيد ولا بحكم الجيرة السودة، ولا زي ما دكتور زيزو ما قال انها مصالح شخصية، بس اللي اعرفه ايه اللي يخلي قطر اللي في اخر الدنيا اللي هريانة ليل و نهار شتيمة تصدر غاز لاسرائيل، ولا و كمان تطوير المناهج التعليمية في قطر....

بالنسبة للكويز، و بناء علي معلومات شخصية، مصر كان عليها ضغوط جامدة علشان نقبلها من امريكا، و الموضوع ده استفاد منه مصانع كتير في بورسعيد و اسماعيلية بناء علي معرفة شخصية مباشرة....

علي العموم مش هو ده مربط الفرس في الموضوع، الموضوع ان انت (امير قطر) معكوك لاخرك و غرقان مع اسرائيل بمزاااااجك و بتدينا في دروس ليل و نهار في الوطنية، و الجزيرة مدعية المصداقية و المهنية و هي بعيد كل البعد عنهم....

المشاركة الأصلية كتبت بواسطة Ahmed Samy

يعني هما بيصدروا غاز و احنا بنصدر لبان دكر ؟!!!!

لا تعايرني ولا أعايرك

على رأيك والله

هو فى حته تصدير الغاز فيها نوع من الضغط من حكومة أمريكا + النظام عندنا نظام (....) مش بيتحرك غير فى الشديد إللى قوى لو إتحرك ...

المشاركة الأصلية كتبت بواسطة dodino2006

لا يا دكتور... لكن علي الاقل احنا مضطرين و في النور،
مش طالقين قناة الفطيرة تشهر بالكل و تدعي الحرية و المصداقية
وهما بيغطوا علي اللي عايزين يغطوه
و الدليل ان مفيش لا حس ولا خبر عن الزيارة دي في قناة الفطيرة بتاعت المصداقية..
و الله انا ابتديت احس ان حملة التشهير و الشتيمة في مصر كان سببها الطمع في عقد الغاز ...هههههههههه

لأ معلش

دي لا فيها نور ولا ضلمة

ولا محتاج ولا مضطر


دي فيها حاجة واحدة بس عندهم ...و عندنا

هما بقى ما بيحبوناش ولا احنا بنحبهم يبقى نشوفلنا "احنا الاتنين" حاجة تانية نعاير بيها بعض

اصلنا عاملين زي اتنين زنوج بيتخانقوا و كل واحد عمال يقول للتاني "يا اسود يا فحمة"

صدق عبد الله القصيمى حين قال

العرب ظاهرة صوتية

المشاركة الأصلية كتبت بواسطة ahmed samy

لأ معلش

دي لا فيها نور ولا ضلمة

ولا محتاج ولا مضطر


دي فيها حاجة واحدة بس عندهم ...و عندنا

هما بقى ما بيحبوناش ولا احنا بنحبهم يبقى نشوفلنا "احنا الاتنين" حاجة تانية نعاير بيها بعض

اصلنا عاملين زي اتنين زنوج بيتخانقوا و كل واحد عمال يقول للتاني "يا اسود يا فحمة"

ههههههههه حلوة اتنين زنوج بيعايروا بعض، بس المشكلة ان الزنجي التاني كان عامل فيها بارم ديله و لابس قناع و عامل ابيض و بيقولي يا زنجي....
يبقي مفيش مانع لما نشيل القناع عنه، حتي لو فضلت انا برضه اسود و مش عارف اكون ابيض

المشاركة الأصلية كتبت بواسطة dr zezo

اصل هو لو بسبب الاتفاقية ما كانوش صبروا علينا كل الفترة اللي فاتت دي كلها

و لو كان برضه فيه بنود سرية زي ما دايما بيتقال

ما كانتش اسرائيل كتمت عليها و هما ما بيتوصوش اي مصيبة بيقولوها علطول عشان يحرجوا الناس هنا و يبان ان التعاون علي ودنه

كل حاجة من غاز لكويز لموضوع الجدار هما اللي بيعلنوه اشمعني يعني البنود السرية!!!!

كلامك سليك ١٠٠٪ يا دكتور، بس انا مازلت متمسك بكلمة "معرفش"... يعني هل هي مصالح ولا ضغوط او حتي صفقة سياسية, و بالرغم من ان موضوع المصالح الشخصية احتمال مش مستبعد نهائي و خصوصاً وجود اسم حسين سالم في الموضوع، بس دايماً السؤال اللي محيرني، اشمعني اسرائيل ؟؟ ما لو الموضوع فلوس و بس، ما كان ممكن يصدروا الغاز لأي بلد تانية بعيد عن وجع الدماغ و في المداري.... يمكن علشان قرب المسافة ؟؟ يمكن برضه.... و لكن في الاخر و دائماً: الله أعلم ...