اخر مرة قابلني واحد وانا لسة واصل المطار، وحمد الله على السلامة يابيه، ونورت البلد يابيه، رحت مزعق فيه وقلتلة قسما بالله العظيم لو مامشيتش من قدامي هاندهلك شرطة السياحة، الراجل اختفى في ثواني
عرض للطباعة
اخر مرة قابلني واحد وانا لسة واصل المطار، وحمد الله على السلامة يابيه، ونورت البلد يابيه، رحت مزعق فيه وقلتلة قسما بالله العظيم لو مامشيتش من قدامي هاندهلك شرطة السياحة، الراجل اختفى في ثواني
واحد فيهم مرة بيقلي أي حاجة يا أستاذ نجيب شاي
قلتله روح افطر الأول وتعالى وأنا أشربك شاي
انا عن نفسى ما بديلوش ولا مليم
و بسيبه يبرطم و يخبت دماغه فى الحيط كمان
الشغلانة دى ظهرت من سلبية الناس و تخلفهم :(
بقت نوع من انواع الفشخرة انك تدى السايس " الوهمى " جنيه و 2 و 3 , و خصوصا السيدات بقوا مصدر رزق ليهم بيتضحك عليهم بسرعة ...
انا امبارح كنت في محكممة المحلة الكبري بركن العربية في مكان علي الطريق لقيت واحد هلف بيقفل المريات وبيرفع المساحات بتاعة العربيه وانا مش معبرة المهم خلصت الشغل ونزلت لقيت العربيه ملزوق عليها مخالفة ركن في الممنوع مع ان كل العربيات راكنه لكن بردو كلو متلزق شويه وانا بغلي لقيت الهلف طالع بيقولي طالع ياباشا وبيفتح المريات وبينزل المساحات والعربيه متربه زي ما هي طبعا سمعتو كلام جامد وقلتلو لو مامشيتش هطلع اجيب امن المحكمة اختفي من قدامي
فعلا موضوع بقى مستفيز واللي يغيظ لما تركن ومفيش حد ولما تيجي تمشي تاتقي الفانوس السحري طلعلك سايس منيين متعرفش .......دي بلطجة بصراحة وكمان في منطقة زي المهندسيين عرفت من السايس ان الامين بيقسم معاه وبيكون واقف بعيد ويعد عليه ولو مدفعتيش سيادة الامين اللي مش محترم يعملك دفتر مخالفات؟؟؟؟؟؟؟؟؟؟؟؟
انا مش شايف فيها اى فشخره
ممكن مايكونش من حقه انك يطالبك بفلوس لكن انا ببص ليها من نظره تانيه عشرين واحد مثلا كلهم زى مابتقولوا مش من حقهم يطلبوا فلوس وواحد من العشرين دول فعلا محتاج للجنيه اللى هاطلعه ليه .
ليه اكسفوا واخيب ظنه وبسبب ال 19 الوحشين اساويه هو كمان بيهم
الراجل مش بيسرق لانه ماخدش حاجه من غير علمك
ومش نصاب لانه مضحكش عليك واخذ فلوس بالمحايله (انت ممكن ماتدلوش ومش هايعمل حاجه )
ولو بيطلب مساعده يبقى اديلك اخذت ثواب
ياعنى واحد بيضيع وقته طول اليوم فى الشارع لا بيروح يسرق ولا ينصب يبقى ممكن يكون اولاده احق بالجنيه ده
صعب اوى اوى فعلا تكسف واحد متعشم فيك
ازاى مش هيعمل حاجة , ده هيقعد يبرطم و مش بعيد يشتم , و كمان مش بعيد يخبط جامد على العربية او لو طالك يمد ايده عليك او يضربك باى حاجة , دول بلطجية و اولاد ستين ........ , خلينا واقعيين انا بدفعلهم علشان خايف منهم من اللى ممكن يعملوه فى العربية , و علشان اتجنب حدوث اى مشكلة او خناقة قدام اسرتى اللى بتكون معايا فى العربية , و بعدين اللى عايز يعمل خير ممكن يعمله فى ميت الف مصرف تانى غير ولاد ال...... دول , انا بدفعله الجنيه و بتمنى انه يصرفه على الدوا و العلاج.
فيه الأصعب من كده شوية- يسيبك تركن خالص وتأخد راحتك - وانت لسه بتفتح الباب وتحط رجلك الشمال بره- تلاقيه ظهر لك فاجئة قائلا : 3 جنيه يا باشا- نزل فرامل اليد- وسيبها مموره.:majd(4):
وطبعا الكلام ده في شارع عادي جدا-- يعني مش موقف تبع المحافظه ولا حق تشغيل من الحي - ولا الكلام الفارغ ده.
يلا يا عم ح تعمل ايه ؟؟؟
ثلاثة جمل بصيغة الأمر- من واحد شكله ... ولا بلاش... اهو من مخلوقات الخالق.
ما هو برضه مش كله ح يكون معاك الأخ عمرو اللي هو عرضه 2 متر!!!!!!!!!!!!
فعلا لموضوع منتشر جدا وبيوزعوا بعضهم كل واحد ماسك منطقه ولا كانهم اشتروها
فى اوقات صراحه بعطيله وفى اوقات مش بعطيله بس انا صراحه لحد دلوقتى مشوفتش حد شتم لما مش بعطيله
فى مصر الجديده منتشرين بشكل بشع جدا بس مفيش حد بيقل أدبه علي حد ممكن يكون احتراما وممكن يكون خوف انه يطلع شخصيه ولا حاجه كبيره يطربئها عليه :)