الناس دي انتشرت قوي
عرض للطباعة
الناس دي انتشرت قوي
انا كنت الاول بدفع
دلوقتى بقيت بنفض علشان بقو كتير
انا بقيت خايف انزل الاقيه واقف تحت بيتى
ممكن تقدر انهاء حاجة اسمها سايس انا عن نفسى لو حد منهم اتطنط قدامى ولا باعطى لة ولا مليم لان دى شحاتة مقنعة والناس هى السبب هى التى تركت ناس من هولاء يتحكموا فى الشوارع على مزاجهم والادهى من كدا تلقى العسكرى وقف خدمة على بنك وشغال كانة سايس وان شاء اصور لكم العساكر وهم بياخدوا فلوس من الناس وهم بيركنوا لابد الكل لايعطى لاى سايس ولا مليم
معاك حق والله دى بقت حاجة تخنق
مش دفاع عن السياس
بس ساعات كتيره السايس بيساعدك فعلا عشان تركن
امبارح كنت في المعرض وركنت لقيت واحد جايلي يقولي 3 جنية يا بية رسم الركنة قام صاحبي الي معايا قالي استني وادالة اتنين جنية ومشينا قالي دول نصابين والايصالات الي معاهم مضروبة:_Alshmokh08[1]:
الموضوع ليه اكتر من وجهت نظر
1 بعد لما تركن تلاقي البيه ظهر و بيقول تمام كده يا باشا ؟؟؟؟ انا عارف
2 تركن و تخلص مشاوير و ترجع تلاقي المساحه مرفوعه ؟؟؟ هههه المفروض كده انه مسح العربيه
3 واحد تلاقيه نط قبل لما تركن و يركنك و يسالك اغسل العربيه و الحركات دي و انت طالع بيوقفلك الطريق
من و جهت نظري 1 2 لو عملوا عجين الفلاحه ولا مليم بالنسبه لرقم 3 بعتقد انه فعلا مش لاقي شغلانه
(و هو مين بيلاقي شغل)
بدل لما يشحت عمل كده
مش كده افضل مليون مره من الشحاته ولا ايه ؟
أنا عمري في حياتي ما اديت حد منهم أي حاجة لأن كلهم عبارة عن شوية بلطجية وحرامية ... ولا كأن في حد واقف قدامي وبمشي وأسيبه وبالراحة جدا كمان عشان لو قل أدبه أنزل أمسح بيه أسفلت الشارع
إلا لو كان فيه حد منهم محترم كإنسان مش كسايس ودول طبعا نادرا ما بلاقيهم ساعتها بديله مش عشان هوة سايس برضه ... لأن المهنة المختلقة دي أصلا أنا مش فاهم هية لازمتها إيه أصلا ولا عبارة عن إيه
غير كده لو فيه موقف تبع الحي والمواقف دي بيبقى في لوحة من بتوع الحي بتكون محطوطة على الموقف بتقول إن الموقف ده واخد ترخيص برقم كذا من الحي ومن حق المواطن إنه يروح الحي يسأل على الترخيص ده مظبوط ولا لأ وفي حالة إنه مظبوط مش بأسيب الوصل .. لأ .. لازم أخده منه وأحطه في جيبي بعد ماأقطعه لأنهم بيلموا الوصولات ويبيعوها تاني .... ده اساسا لو دفعتلهم حتى لو كانوا تبع الحي .. وبشروط معينة جدا منها طبيعة الموقف نفسه