الموضوع: هل اصطدام الكاويتش بالرصيف أثناء الركن أو عند طلوع الرصيف يؤثر في الزوايا ؟

ولا أعتبرهم ضيوف زي ما باعمل ؟

أطرد ياباشا
هو فيه ضيف بيعمل كده

وعربياتهم متغطية ومش بتتحرك غير في الشهر مرة

دول مش عاملين المكان للركن
دول عاملينه زى مقبرة الغزاه

وبيقولك فى المثل

يابخت من زار وخفف

هل اطلع الآلي ولا استعين بقوى خارجية ؟

ولا آلى ولا دياوله

مش عاوزين تقوم حرب وتار وغيره على مكان ركن عربيه

وحقولك على فكره حلوه

أنت تحط عربيتك قدام بيتك فى مكان نظيف

ولو لسه لابدين هما حاليا

أعملك يافطه وأكتب عليها

ممنوع الأقتراب من هذا المكان

المكان يحتوى على ألغام

وأرسم هيكل عظمى وعليه علامة x

وسيبلهم اليافطه دى شويه

وأنسى بعد كده لو فكروا يمشوا من شارعكم

هتيجي تضرب معايا ولا هتسبني وتجري

شغل دماغك ...وانت مش حتحتاجنى ولا غيرى معاك

ودايما أستعمل المخ .....ولا تستعمل العضلات

انا مرة خبط فى الرصيف وانا بركن الكاوتش باظ وكان لسه جديد للاسف.
يا ريت تخلي من الرصيف والحجارة

الركن علي الأرصفة و الإصطدام بالرصيف بيغير قيمة زوايا العجل بشكل بسيط وخصوصا لو مع تكرار هذه العملية.
إنزل تحت العربية و بص علي تيش السكاترة أو الباور اللى رابط معاه بيضات الطرف و بص على السن القلاوظ قد ايه صغير و اسنانه منخفضة و بص على بيضة الطرف اللى هي قد بيضة الفرخة في الحجم و لو قطعت قلبها بالصاروخ و بصيت عليها من جوه حتلاقي مادة الحشو بلاستيك محوطة كرة صلب"مسمار البيضة" يعني لو انت خبطت في الرصيف أقل واجب البلاستيك اللي محوط المسمار داخل البيضة حينضغط و يبووش و الزوايا حتبقي فيها لعب لأن العجل مبقاش متكتف في حركته يمينا او يسارا . حاجة تانية هي جلب المقص و بيضة المقص بردوا بيتعرضوا للتبويش و النعومة اكثر من المطلوب و تلاقي العربية بتعوم معاك في غرزة او منحني ومش لازم تحدف معاك يمين او شمال لأن التبويش بيظهر بوضوح مع حركة العجل يمينا او يسارا"عجلة بتقدم على عجلة وهما في الدوران او الغرزة ولما تعدل الدركسيون للطوالي ترجع العجلة لتـأخر وضعها لتكون مثل العجلة الأخري" اما في الطوالي فالعجلتين بيبقوا جارين العربية وأي اختلاف بسيط في الزوايا مش حيظهر إلا لو الزوايا فارقة اكثر من ثلاثة ارباع درجة.
تلاشي تماما الركن على الرصيف لأنك علشان تطلع على الرصيف بتخلي العربية تعصر العفشة و الجلب و البيضات بتوقيع عزومات و ازدواجات عالية عليها علشان تخلي الكوتش يتسلق الرصيف و بتقصر عمر العفشة و السكاترة و الباور و انت مش واخد بالك بعد كده تلاقي العربية مابقتش هى العربية اللى متعود تسوقها سواق اتزان او استقرار على الطريق او من ناحية سماع اصوات غريبة من العربية فى المطبات