اخي العزيز
اولا : نصيحتي متزهقش من العربية دي لانها فعلا ممتازة
ثانيا : موضوع السخونة دة ممكن يكون بكذا سبب لو انت عملت كل اللي قولت عليه دة وتابعت الميه وكله تمام يبقى ممكن تكون المشكلة في الترموستات بتاعه المروحة او في المروحة نفسها
ثالثا : لا تأخذ بنصيحة أنك تشغل المروحة على طول لان هذا غير صحيح
رابعا : تابع الميه مع اخذ الهواء ولا تزود المياه الا والسيارة موتورها شغال يعني فك المسمارين واحد في اليسار اخر حوض الموتور والتاني جمب مقياس الزيت في اول الموتور
ودور العربية وابداء زود ميه لحد ما المساميرين يجيبوا ميه واصبر شوية وزود تاني مع تزويد بنزين هتلاقي الميه بتقل زود وهكذا حتى اقفل المسمار اللي جوة وبعدين زود هتلاقي اللي في اول الموتور الميه اللي بيجيبها كتير اقفله وزود ميه تاني وبعدين زود بنزين وزود ميه لحد ما الردياتير يجيب ميه ع الاخر اقفله واتكل على الله
خامسا لو اتكرر هذا الموضوع (السخونة) يبقى حل وحيد وهو الذهاب لواحد متخصص في الردياتيرات في السبتية عند نازلة كوبري اكتوبر امام الترجمان هذا الراجل فعلا ممتاز في كل انواع السيارات وعملي شغل من سنة في العربية مروحتش له تاني على الاطلاق اسمه الهندسية هتلاقيه محل صغير فيه مكتب وحاطط يافته كبيرة كدة ع الشارع بس ورشته جوة في شارع صغير وعنده مخزن كبير انا كانت المشكلة اللي عندي ان الفبره اللي في الشمال اتكسرت والكل قالي ان الحل الوحيد هو تغيير الردياتير الراجل دة غير الفبره دي بواحدة نحاس ومن ساعتها والدنيا زي الفل
هو اكيد هيقولك ع المشكلة فين وحلها ايه
وعلى فكرة فاصل معاه جامد يعني قالي 150 جنية وصلت معاه لـ 100 جنية
جرب الحل اللي قولته ان منفعش روح للراجل دة بس متستعجلش وانت بتزود الميه وتفتكر ان كدة هي امتلئت
المفضلات