اسئله فنيه لكل البروتوناويه اللى بيشدو على rpm عالى (ارجو الرد)

اهلا بكل البروتوناويه الجامدين
طبعا كلنا عارفين ان عربيات بروتون اقصى عزم فيها عند 4000 لفه ووزنها ثقيل نسبيا
فبالتالى شدها على الrpm الواطى وحش يعنى عشان تحس بانك راكب بروتون لازم تنقل على الاقل عند 6000 rpm
ده طبعا وقت الشد فقط وباقى الاوقات عند حوالى 3.5 تنقل صح ؟؟؟
طيب كذا واحد اما اقوله كده يقوللى حرام عليك الموتور هايبوظ
وكل شهر هاتغير اسطوانه وديسك كمان
والغالبيه مجتمعين على ان (اقرص على اى حاجه الا الاول ده اطلع بيه بس)
طب ليه ؟؟
هو 6000 rpm تفرق على الاول ولا التالت فى الضرر؟؟؟؟
طب لو القرص على الاول غلط ليه الاوتوماتيك لما بتعمل كيك داون على سرعات قليله بتسقط اول لحد 6500 ؟؟؟
هل مثلا الاسطوانه والديسك دول موجودين فى المانيوال بس ؟؟؟
ولا موتور العربيات المانيوال غير الاوتوماتيك ؟؟ (اكيد لا طبعا)


فانا احترت من الموضوع ده اقرص لحد الريد زوون ولا غلط وااخرى 3 rpm على كلام المهندس مدحت اللى فى التوكيل ؟؟؟

وايه اضرار القرص بالظبط ؟؟؟

وياترى عمر المحرك مع القرص بيفرق جااااااااامد ولا قليل ؟؟
وفعلا الاسطوانه والديسك هايبوظو ولا لا ؟؟؟ ولو كده ليه الموضوع ده فى العربيات المانوال بس ؟؟

وشكرا مقدما على ردودكو

1. القرص على اي غيار هو هو و معظم الي بيقولو كدا بيقولوا علشان الاول بيكون صوته اعلى من اي غيار تاني علشان كدا فاكرين انه ماينفعش يتقرص عليه

2.الاسطوانة والديسك في المانيوال استخدام و عمر افتراضي يعني انت مثلا عمرك شفت حد بيمشي براحة و مغيرش اسطوانة وديسك طالما بتنقل صح و بدوس دبرياج صح خلاص

3. انا عن نفسي لما بشد بقرص لحد 6.5 ( اوتو )

4.القرص بالظبط زي ما تكون انت عمال تجري باقصى سرعة ليك على طول اكيد هتتعب بسرعة الماتور كدا برده هيتعب طبعا قوته هتقل اكيييييد و كمان الحاجات الي بتتهالك مع الجري هتتهالك اسرع طبعا

5.طبعا عمر الماتور هيفرق مع القرص بس انا عايز اقولك حاجة ان مافيش حد بيقرص 24 ساعة في ال24 ساعة

6.هيبوظوا كدا كدا بس مش من القرص

واهم حاجة تحطها في دماغك انك ما تجريش على الفاضي و المليان

بص ياباشا

هو طبعا سؤال وجيه ، بس أعتقد الفكرة ان لكل شئ استخدام أمثل ...بمعنى انه مصمم للعمل تحت ظروف معينة ، تحت تلك الظروف توقع ان تحصل على أفضل أداء مع اطول عمر افتراضى ....بالنسبة للمحرك ، فانه مصمم لاستخدام معتدل ، حتى لو فى سيارة رياضية ، ليس من المتوقع استخدام أى شئ بطريقة قصوى على الدوام ، المنطقة المتوسطة فى معدل الاستخدام هى أفضل منطقة دائما فى أى شئ ، طبعا يمكنك الوصول الى الحدود القصوى فى أى وقت ، لكن تلك هى حدود موقته ، واعتبار الاحد الافصى للأداء هو حد عادى يعتبر نوع من أنواع الضغط الدئم على جميع القطع والمكونات التى تعمل جميعا كوحده واحده

الاجابة بطريقة أخرى ، سواء فى المانيوال او الاوتوماتيك ، الوصول بطريقة دائمة للحدود القصوى يعتبر نوع من أنواع الاستهلاك المتجاوز عن الحد الامثل وبالتأكيد سينتج عنه تلف أكثر من مكون

وتقبل تحياتى

انا كمان معايا اوتو وبقرص اغلب الاوقات
ولكن لما يكون اتجاه الريح مساعد
يعني ماتقرصش على العربيه وهي في وش الهوا هتلاقي انها مش راشيه تمشي لكن لو السياره عاوزه تجري والطريق يسمح توكل على الله ولكن بحذر وخاف على نفسك

تحياتي وسيبها على الله ماتحسبلهاش

معلش أول حاجه لازم تعرف ان الفتيس المانيوال حاجه والأوتو حاجه
الكيك داون فى الأوتو أكبر غلط لو هتبتدى بيه
يعنى أفضل كيك داون بيتعمل بعد ال80
الغيار الأول فى المانيوال أسمه (بادئ سرعه ) يعنى مينفعش يتحرق عليه جامد
مجرد تحرك بيه العربيه من وضع السكون للحركه بعد كده الغيارات الأخرى تعمل شغلها .
على فكره ينفع تحرق على باقى الغيارات لغاية ال6.5 المهم متدخلش عالأحمر
وكل ده على حساب البنزين والزيت
وموضوع الحرق ده يتم فى أى وقت بس على شرط
وزن العربيه خفيف يعنى تكون لواحدك أو معاك شخص أخر فقط
ومن غير تكييف علشان متحملش عالموتور أكتر من طاقته .
وياريت لو حرقت كتير عالغيارات فى طريق سفر تهدى صوت الموتور لفتره على ال3 أو ال3.5 لمده علشان الموتور يهدى .

اقتباس:

---

المشاركة الأصلية كتبت بواسطة ahmed_h_g

معلش أول حاجه لازم تعرف ان الفتيس المانيوال حاجه والأوتو حاجه
الكيك داون فى الأوتو أكبر غلط لو هتبتدى بيه
يعنى أفضل كيك داون بيتعمل بعد ال80
الغيار الأول فى المانيوال أسمه (بادئ سرعه ) يعنى مينفعش يتحرق عليه جامد
مجرد تحرك بيه العربيه من وضع السكون للحركه بعد كده الغيارات الأخرى تعمل شغلها .
على فكره ينفع تحرق على باقى الغيارات لغاية ال6.5 المهم متدخلش عالأحمر
وكل ده على حساب البنزين والزيت
وموضوع الحرق ده يتم فى أى وقت بس على شرط
وزن العربيه خفيف يعنى تكون لواحدك أو معاك شخص أخر فقط
ومن غير تكييف علشان متحملش عالموتور أكتر من طاقته .
وياريت لو حرقت كتير عالغيارات فى طريق سفر تهدى صوت الموتور لفتره على ال3 أو ال3.5 لمده علشان الموتور يهدى .

---

+11111111

اقتباس:

---

المشاركة الأصلية كتبت بواسطة mohamed_3abdel3al

1. القرص على اي غيار هو هو و معظم الي بيقولو كدا بيقولوا علشان الاول بيكون صوته اعلى من اي غيار تاني علشان كدا فاكرين انه ماينفعش يتقرص عليه

---

يعنى احرق على الاول عادى

اقتباس:

---

المشاركة الأصلية كتبت بواسطة ahmed_h_g

معلش أول حاجه لازم تعرف ان الفتيس المانيوال حاجه والأوتو حاجه
الكيك داون فى الأوتو أكبر غلط لو هتبتدى بيه
يعنى أفضل كيك داون بيتعمل بعد ال80
الغيار الأول فى المانيوال أسمه (بادئ سرعه ) يعنى مينفعش يتحرق عليه جامد
مجرد تحرك بيه العربيه من وضع السكون للحركه بعد كده الغيارات الأخرى تعمل شغلها .
على فكره ينفع تحرق على باقى الغيارات لغاية ال6.5 المهم متدخلش عالأحمر
.

---

يعنى ماحرقش على الاول لانه بادئ الحركه
:shyy:

طب يا جماعه معلشى من متابعتى ليكم انتو الاتنين يا استاذ احمد ويا استاد محمد
انتو الاتنين فاهمين فى العربيات كويس جدا
وانا على قدى
عايز اقتنع عشان مازلت فى نفس الحيره
واحد بيقول الاول زيه زى اى نقله وواحد بيقول لا ده بادئ الحركه وانا طبعا واثق فى كلامكو انتو الاتنين
يبئا اقرص وماقرص ولا اعمل ايه ؟؟؟

اقتباس:

---

المشاركة الأصلية كتبت بواسطة مصطفى_صديق

بص ياباشا

هو طبعا سؤال وجيه ، بس أعتقد الفكرة ان لكل شئ استخدام أمثل ...بمعنى انه مصمم للعمل تحت ظروف معينة ، تحت تلك الظروف توقع ان تحصل على أفضل أداء مع اطول عمر افتراضى ....بالنسبة للمحرك ، فانه مصمم لاستخدام معتدل ، حتى لو فى سيارة رياضية ، ليس من المتوقع استخدام أى شئ بطريقة قصوى على الدوام ، المنطقة المتوسطة فى معدل الاستخدام هى أفضل منطقة دائما فى أى شئ ، طبعا يمكنك الوصول الى الحدود القصوى فى أى وقت ، لكن تلك هى حدود موقته ، واعتبار الاحد الافصى للأداء هو حد عادى يعتبر نوع من أنواع الضغط الدئم على جميع القطع والمكونات التى تعمل جميعا كوحده واحده

الاجابة بطريقة أخرى ، سواء فى المانيوال او الاوتوماتيك ، الوصول بطريقة دائمة للحدود القصوى يعتبر نوع من أنواع الاستهلاك المتجاوز عن الحد الامثل وبالتأكيد سينتج عنه تلف أكثر من مكون

وتقبل تحياتى

---

شكرا على الافاده بس ليه الريد زوون معمول عند 6.5 لو كده ؟؟؟
هل الشركه مش فاهمه الموضوع ده ولا ايه ؟؟
وياترى الموتور الرياضى يفرق عن المواتير العاديه فى الموضوع ده ؟؟؟؟

اقتباس:

---

المشاركة الأصلية كتبت بواسطة tweety26980

انا كمان معايا اوتو وبقرص اغلب الاوقات
ولكن لما يكون اتجاه الريح مساعد
يعني ماتقرصش على العربيه وهي في وش الهوا هتلاقي انها مش راشيه تمشي لكن لو السياره عاوزه تجري والطريق يسمح توكل على الله ولكن بحذر وخاف على نفسك

تحياتي وسيبها على الله ماتحسبلهاش

---

شكرا

انا عن نفسي لو هحرق على الاول اخره 4.5 ار بي ام و بعد كدا بدي التاني لحد 6.5 و ال3 و هكذا انا في الاوتو ممكن احرق على ال l لحد 6.5 و ممكن تعدي ال 6.5 كمان بس مش كتير

اقتباس:

---

المشاركة الأصلية كتبت بواسطة mohamed_3abdel3al

انا عن نفسي لو هحرق على الاول اخره 4.5 ار بي ام و بعد كدا بدي التاني لحد 6.5 و ال3 و هكذا انا في الاوتو ممكن احرق على ال l لحد 6.5 و ممكن تعدي ال 6.5 كمان بس مش كتير

---

هو دا الشد الصحيح الى مايتعبش العربيه اوى ودا يديك اقصى عزم للعربيه

مش مقتنع أنا خالص إن الأول بادئ حركة بس, وفنفس الوقت مش مقتنع إني احرق بيه جامد الا لو بشد مرة أو باختبر تسارع العربية.

غير كده يبقى في المعقول, من 3 ل 4.5 rpm مثلا.

اقتباس:

---

المشاركة الأصلية كتبت بواسطة momopersona

شكرا على الافاده بس ليه الريد زوون معمول عند 6.5 لو كده ؟؟؟
هل الشركه مش فاهمه الموضوع ده ولا ايه ؟؟
وياترى الموتور الرياضى يفرق عن المواتير العاديه فى الموضوع ده ؟؟؟؟


شكرا

---

الريد زون ...مش المفروض توصله أساسا ولو وصلتله تحت أى ظرف ، تنزل بسرعة ، وهو اسمه ريد ، لانه أكيد يعتبر منطقة تمثل خطورة على الموتور ، ...بمعنى

ولله المثل الاعلى....ربنا لما خلق الانسان ، ممكن يقف تماما ، و يمشى ، ويجرى ، ويجرى بسرعة أوى ...طيب .....هل أنا ممكن اجرى طول النهار بسرعة...لا طبعا...بيبقى لفترة معينة ...تحت ظروف مؤقته....لكن الطبيعى ...انى ممكن أمشى المشى المعتدل .....لفترة طويلة ، لان أجهزة جسمى ، مصممة للعمل بالشكل ده

يبقى الار بى ام العالى....ممكن اوصله عادى.....لكن مش طوال الوقت ......والريد زون ....ده مش المفروض انى أخش فيه أصلا.....ول دخلتله انزل بسرعة...لان مؤشر الار بى ام معمول علشان كده


وأكيد الموتور الرياضى مصمم بشكل يتحمل استخدام أعنف بشكل أو أخر ، لكن زيه زى أى شئ ، له حد أقصى لايجب انى أفضل اوصله بشكل مستمر

ارجو نى اكون أفدتك

وتقبل تحياتى

الاول ممكن تشد بيه بس مش ل 6.5 كده حرام عليك خليك في المعقول علي الاول علشان نسبه الاحتكاك علي الغيار الاول اعلي بكتير عن اي غيار اخر

حافظ على عربيتك وخلى الشد ييجى بظروفه مش لازم تشغل نفسك بيه فى كل خروجاتك أنته مش راكب راس .
العربيه العائليه متصنعه للأستعمال اليومى (مشاوير وبس)
لكن هتقولى أشد بموتور 1600 أو حتى 2000 يبقى أحنا كده بنضحك على نفسينا
لو غاوى شد أشترى بورش أو لامبورجينى .
حافظ على عربيتك يا عم الحاج علشان ساعت ما تقولها يالا تنجز معاك .

شكرا للجميع على الرد وفعلا كلامكو جميل جدا واستفدت منه

انا بصيت فى الكاتالوج بتاع العربيه فى جزء ناقل الحركه اليدوى
ولقيتهم قسمينو لطريقتين
1- سرعة القياده المقتصده :
اول لحد 35
ثانى :55
ثالث :90
رابع :120

2-سرعة القياده الرياضيه الممكته :
الاول :45
الثانى : 75
الثالث :115
الرابع : 160


ناقل الحركه الالى (اوتوماتيك)
لتجنب تلف المحرك بسبب السرعه العاليه للدورات فى الدقيقه الواحده
لاتتجاوز سرعة القياده الممكنه عندما يكون ذراع الاختيار فى وضع
3 (الثالث) او الوضع 2(الثانى) او وضع l(منخفض) او فى وضع d(قياده)
l(منخفض) : 55
2(ثانى) :100
3(ثالث) :160
d(قياده) :180

واعتقد ده احسن وضع للمحرك لعدم تلفه واخراج قوته الجباره صح ؟؟؟
اذا اول 45 ثانى 75 ثالث 115 رابع 160 (ده المانيوال)
اول 55 ثانى 100 ثالت 160 (ده الاوتوماتيك)

وشكرا

يا جماعه انا جربت الطريقه ديه
لقيتنى كده بانقل عند 5800 rpm على كل النقلات
وبردو اقصى سرعه 190 لقيتها عند 5800 rpm
وصوت العربيه بيخشن قوى بعد 5800
يبئا احنا نلتزم بكلام الكاتالوج احسن حاجه واللى هو ننقل عند 5800 مش اكتر

براحتك لاكن خلي بالك من العربيه وياريت تحافظ عليها العربيه فعلا مغريه جدا لاكن ماتنساش دي مش فيراري

اقتباس:

---

المشاركة الأصلية كتبت بواسطة ramyar

براحتك لاكن خلي بالك من العربيه وياريت تحافظ عليها العربيه فعلا مغريه جدا لاكن ماتنساش دي مش فيراري

---

اكيد يا باشا مش فيرارى
بس الفيرارى بتوصل ل9000 rpm عادى جدا
والمواتير الحديثه ال dohc بتحتاج حرق شويه عشان تجمع
وده كلام الكاتالوج واكيد مش هاستخدم القياده الرياضيه غير وقت اللزوم
والباقى بانقل على 3000 rpm

القرص على الغيار الأول طبعا مختلف عن القرص على الغيار الرابع مثلا :
القرص على الغيار الأول بيوضع حمل عالي على المحرك و صندوق التروس أكثر من أي غيار اخر لسبب بسيط
أنت بتحرك العربية من السكون ............... و كمان بتشد على ترس كبير في الحجم علشان العزم العالي يطلع و يحركها .

ده له تأثير سلبي على أسطوانة الدبرياج ..........

و القرص على باقي الغيارات أقل في الضرر لأن العربية بتكون في وضع الحركة مما يُسهل الحركة على المحرك و التروس و أسطوانة الدبرياج لأن العربية أصلا في وضع حركة .

بالاضافة ان الحرق على الغيارات الأولى هو أستهلاك عالي للبنزين لنفس السبب و هو تحرك العربية من وضع السكون .

================================================== ===========
تعالى نأخد مثال صغير :

لو أنت راكب عجلة فيها غيارات ........................
حاول تحط الغيارا الأول ......... و حاول تعمل مجهود مضاعف علشان تحرك العجلة .......... هاتلاقي عضلات الرجل نملت و مش قادر تطلع

مع أنك لو عملت نفس المجهود و أنت على سرعة و العجلة في وضع حركة
هاتلاقي أن الموضوع أسهل بكتيييييييييييييييييييييي يييييييييييييييييييييير و العجلة ببتحرك و تستجيب بسرعة أعلى .


عضلات رجلك هي المحرك و التروس و أسطوانة الدبرياج ......

بالنسبة لأقصى عزم هو عند 4000 لفة ============== و أقصى قدرة حصانية عند 5500 لفة تقريبا .....


مش معنى كدا أني أمشى أقرص على الغيارات كلها
صحيح العربية القرص عليها ما يحسسكش أن فيه مشكلة نظرا لأستجابة الموتور في القرص بدون ما تحس أنه تعبان أو صوته عاليى على الفاضي ..........


و لكن مش معقول واحد بينقل عند 3000 أو حتى 4000 و موتور يكون مش أحسن من واحد بينقل عند 6000 لفة .

كل ما زاد عدد اللفات زاد الأحتكاك و حرارة المحرك و أيضا أستهلاك البنزين ..

اقتباس:

---

المشاركة الأصلية كتبت بواسطة momopersona

شكرا للجميع على الرد وفعلا كلامكو جميل جدا واستفدت منه

انا بصيت فى الكاتالوج بتاع العربيه فى جزء ناقل الحركه اليدوى
ولقيتهم قسمينو لطريقتين
1- سرعة القياده المقتصده :
اول لحد 35
ثانى :55
ثالث :90
رابع :120

2-سرعة القياده الرياضيه الممكته :
الاول :45
الثانى : 75
الثالث :115
الرابع : 160


ناقل الحركه الالى (اوتوماتيك)
لتجنب تلف المحرك بسبب السرعه العاليه للدورات فى الدقيقه الواحده
لاتتجاوز سرعة القياده الممكنه عندما يكون ذراع الاختيار فى وضع
3 (الثالث) او الوضع 2(الثانى) او وضع l(منخفض) او فى وضع d(قياده)
l(منخفض) : 55
2(ثانى) :100
3(ثالث) :160
d(قياده) :180

واعتقد ده احسن وضع للمحرك لعدم تلفه واخراج قوته الجباره صح ؟؟؟
اذا اول 45 ثانى 75 ثالث 115 رابع 160 (ده المانيوال)
اول 55 ثانى 100 ثالت 160 (ده الاوتوماتيك)

وشكرا

---

+11111111111111
شكلك غاوي كتالوج زي ............. وهوه ده المفيد ومن الآخر

تحياتى
تحياتى

اقتباس:

---

المشاركة الأصلية كتبت بواسطة MuhammedSoliman

+11111111111111
شكلك غاوي كتالوج زي ............. وهوه ده المفيد ومن الآخر

تحياتى
تحياتى

---

:S_thum1[1]::S_thum1[1]:

اقتباس:

---

المشاركة الأصلية كتبت بواسطة tutankhamoun

القرص على الغيار الأول طبعا مختلف عن القرص على الغيار الرابع مثلا :
القرص على الغيار الأول بيوضع حمل عالي على المحرك و صندوق التروس أكثر من أي غيار اخر لسبب بسيط
أنت بتحرك العربية من السكون ............... و كمان بتشد على ترس كبير في الحجم علشان العزم العالي يطلع و يحركها .

ده له تأثير سلبي على أسطوانة الدبرياج ..........

و القرص على باقي الغيارات أقل في الضرر لأن العربية بتكون في وضع الحركة مما يُسهل الحركة على المحرك و التروس و أسطوانة الدبرياج لأن العربية أصلا في وضع حركة .

بالاضافة ان الحرق على الغيارات الأولى هو أستهلاك عالي للبنزين لنفس السبب و هو تحرك العربية من وضع السكون .

================================================== ===========
تعالى نأخد مثال صغير :

لو أنت راكب عجلة فيها غيارات ........................
حاول تحط الغيارا الأول ......... و حاول تعمل مجهود مضاعف علشان تحرك العجلة .......... هاتلاقي عضلات الرجل نملت و مش قادر تطلع

مع أنك لو عملت نفس المجهود و أنت على سرعة و العجلة في وضع حركة
هاتلاقي أن الموضوع أسهل بكتيييييييييييييييييييييي يييييييييييييييييييييير و العجلة ببتحرك و تستجيب بسرعة أعلى .


عضلات رجلك هي المحرك و التروس و أسطوانة الدبرياج ......

بالنسبة لأقصى عزم هو عند 4000 لفة ============== و أقصى قدرة حصانية عند 5500 لفة تقريبا .....


مش معنى كدا أني أمشى أقرص على الغيارات كلها
صحيح العربية القرص عليها ما يحسسكش أن فيه مشكلة نظرا لأستجابة الموتور في القرص بدون ما تحس أنه تعبان أو صوته عاليى على الفاضي ..........


و لكن مش معقول واحد بينقل عند 3000 أو حتى 4000 و موتور يكون مش أحسن من واحد بينقل عند 6000 لفة .

كل ما زاد عدد اللفات زاد الأحتكاك و حرارة المحرك و أيضا أستهلاك البنزين ..

---

يا باشا اولا شكرا على اهتمامك وتعبك معايا
لكن انا رأيى عكسك ازاى !!!
لو انت راكب عجله سرعات وجايب اكبر ترس هاتعرف بسهوله تجيب اقصى سرعه ليه وهى هاتكون قليله جدا 30 مثلا
واذا جيبت اصغر ترس ووانت على سرهة 30 مثلا (بالعجله)هايبئا هلك فيك انك تجيب سرعه 80 لانك هاتبئا بتتعرض لقوى مقاومه اكبر واللى هى مقاومة الهواء والاحتكاك بالارض
تعالا طبق الكلام ده على العربيات
هاتلائى التسارع على الاول افضل بكتير من الرابع ليه !!
لان مقاومة الهواء قليله جدا على الاول فالحمل على الموتور قليل (وزن السياره فقط)فسهل انه يحقق سرعه اكبر فى وقت اقل
ونفس الكلام على استهلاك البنزين
لكن على الرابع الموتور مش هايبئا عارف يجيب سرعه اعلى لان المقاومه (الهواء)عبئ كبير عليه
ولذلك استهلاك البنزين فوق سرعة 90 يتناسب مع مربع السرعه مش مع السرعه (فيزياء 3ثانوى)

والموضوع ده تحسه اكتر بعربيه ضعيفه مش الجين 2
يعنى انا عندى الماروتى اول وتانى مابحسش باى مشكله فى القرص
تيجى على الرابع تلاقى العربيه فى صوت تسقيف كده والموتور مش قادر يتغلب على المقاومه ويجيب سرعه اكبر

( وطبعا طالما انا واستاذ توت اختلفنا فى حاجه يبئا اكيد هو اللى صح بس انا بااوح مش اكتر:shine[1]:)

اقتباس:

---

المشاركة الأصلية كتبت بواسطة muhammedsoliman

+11111111111111
شكلك غاوي كتالوج زي ............. وهوه ده المفيد ومن الآخر

تحياتى
تحياتى

---

بالظبط
اصل انا مقتنع بحاجه ان لما نختلف فى حاجه نرجع نسأل المصنع عليها واكيد هو ادرى بمنتجه وعامل خساب زياده كمان
وده واضح لان هو لو مش عامل حساب الضرر كان قال فى الكاتالوج ان الاول 55 مش 45 لانه فعلا بيجيب 55 مثلاوهكذا (شكرا ليكو جميعا)

اقتباس:

---

المشاركة الأصلية كتبت بواسطة momopersona

يا باشا اولا شكرا على اهتمامك وتعبك معايا
لكن انا رأيى عكسك ازاى !!!
لو انت راكب عجله سرعات وجايب اكبر ترس هاتعرف بسهوله تجيب اقصى سرعه ليه وهى هاتكون قليله جدا 30 مثلا
واذا جيبت اصغر ترس ووانت على سرهة 30 مثلا (بالعجله)هايبئا هلك فيك انك تجيب سرعه 80 لانك هاتبئا بتتعرض لقوى مقاومه اكبر واللى هى مقاومة الهواء والاحتكاك بالارض


أنا بقول تحاول تضغط على نفسك و تجيب سرعة عالية من وضع الثبات ... أرجوا التدقيق في الكلام .

تعالا طبق الكلام ده على العربيات
هاتلائى التسارع على الاول افضل بكتير من الرابع ليه !!

مين اللي قالك أن التسارع على الأول أحسن من الرابع
التسارع على الأول عزمه عالي شوية علشان يحرك العربية من وضع الثبات و مقاومة الوزن 1200 كجم أعلى من مقاومة الهواء لو مثلا العربية لسة تحت 100 كم - س .

لان مقاومة الهواء قليله جدا على الاول فالحمل على الموتور قليل (وزن السياره فقط)فسهل انه يحقق سرعه اكبر فى وقت اقل
ونفس الكلام على استهلاك البنزين
لكن على الرابع الموتور مش هايبئا عارف يجيب سرعه اعلى لان المقاومه (الهواء)عبئ كبير عليه
ولذلك استهلاك البنزين فوق سرعة 90 يتناسب مع مربع السرعه مش مع السرعه (فيزياء 3ثانوى)

والموضوع ده تحسه اكتر بعربيه ضعيفه مش الجين 2
يعنى انا عندى الماروتى اول وتانى مابحسش باى مشكله فى القرص

علشان العربية خفيفة و موتورها متصمم علشان يطلع كل قوته بدري علشان دي عربية مدن .
تيجى على الرابع تلاقى العربيه فى صوت تسقيف كده والموتور مش قادر يتغلب على المقاومه ويجيب سرعه اكبر

المسألة هنا مش مسألة مقاومة
هو الموتور طلع كل اللي عنده بدري علشان تصميم صندوق التروس و المحرك كدا و ملوش دعوة بصغر المحرك
( وطبعا طالما انا واستاذ توت اختلفنا فى حاجه يبئا اكيد هو اللى صح بس انا بااوح مش اكتر:shine[1]:)

---

تعالى هاديك مثال علشان الموضوع يكون واضح أكتر .

هات موتوسيكل 400 سي سي
و دوس بنزين قصاد عربية 2000 سي سي
الموتوسيكل هايدلع العربية دلع محترم ليه ؟
علشان أولا الوزن خفيف فالطلوع سهل ............ و مفيش مقاومة وزن في الأول .
و بعدين مفيش مقاومة هوا زي مقاومة الهوا اللي بتقابلها العربية

بالاضافة كمان مقاومة و أحتكاك الكاوتش في الأرض
العربية و هي على سرعة بتكون مقاومتها للأحتكاك أقل من و هي ثابتة أو ساكنة .

الموضوع هنا مش آراء ............ ده كلام أبحاث . :36_7_4[1]:

كلامك صح بس ليه تسارع العربيه من 100 ل 140 اقل بكتبر من من 0 ل 40
برغم انك ممكن تكون على نفس سرعة اللفات والعزم والقدره مرتبطين بسرعة لفات المحرك مش بسرعة العربيه
يعنى العزم عند 4000 rpm على الرابع هو هو على الاول والقدره على 6000 نفس النظام
برغم كده تجميع الاول اسرع من الرابع على نفس الrpm
يبئا اكيد الحمل على المحرك على الرابع اكبر من الاول مثلا صح ؟؟
تانى حاجه لما بتحرق على النقلات الاولى مابتطولش على الrpm العالى يعنى بتجيب السرعه المطلوبه بسرعه وبتنقل
لكن على السرعات العاليه بتطول على RPM عالى لحد ماتجع السرعه المطلوبه وده اكيد مضر اكثر
وانا فى مثال العجله اتكلمت على نفس سرعة لفات الرجل مش من وضع الثبات اقيس التسارع على ترس صغير

اقتباس:

---

المشاركة الأصلية كتبت بواسطة tutankhamoun

تعالى هاديك مثال علشان الموضوع يكون واضح أكتر .

هات موتوسيكل 400 سي سي
و دوس بنزين قصاد عربية 2000 سي سي
الموتوسيكل هايدلع العربية دلع محترم ليه ؟
علشان أولا الوزن خفيف فالطلوع سهل ............ و مفيش مقاومة وزن في الأول .
و بعدين مفيش مقاومة هوا زي مقاومة الهوا اللي بتقابلها العربية

بالاضافة كمان مقاومة و أحتكاك الكاوتش في الأرض
العربية و هي على سرعة بتكون مقاومتها للأحتكاك أقل من و هي ثابتة أو ساكنة .

الموضوع هنا مش آراء ............ ده كلام أبحاث . :36_7_4[1]:

طيب معلشى انهى ابحاث قالت ان الحرق على النقلات العاليه عاديه لكن على الاول لا ؟؟؟؟؟؟؟؟
يعنى انا شايف الكاتالوج ظابط طريقة القياده الممكنه على سرعة لفات المحرك مش على ان ده الاول ماقرص عليه
يعنى كل التروس بيتمشى عليهم لحد سرعة لفات معينه ثابته مش الاول انقل على 4 لكن التانى والتالت والرابع انقل على 6 فى القياده الرياضيه
لا كله زى بعض وماسمعتش قبل كده عن بحث بيقول ان 6000RPMعلى الاول حمل على الموتور اكتر من على التانى مثلا
وحتى الاوتوماتيك لما بيعمل كيك داون بينقل عند 6200 فى الاول والتانى والتالت كله زى بعض
وياريت لو فى ابحاث بتقول غير كده تنزلهالى اقرأها للاستفاده وشكرا يا استاذ توت على المناقشه المفيده دى

---

ازيك يا محمد عامل ايه وحشنى والله
يا حبيبى خف على العربية شويا
العربية مش طيارة ولا عربية سبق
ده انا لما كنت بقرأ فى الكتالوج زيك
لقتهم فعلا بيقوله الغيار الاول ممكنى جدا
لغاية 45 كيلو
وده ممكن فعلا بس بعدد لفات عالى جدا فعلا

هما طبعا اعلم بالموتور منا
وهو فعلا مصمم بطريقة رياضية وليست رياضية بالكامل

بس لاحظ معايا المعلومة دى

تفتكر ليه بروتون قالت ان العمر الافتراضى للموتور
فقط 250000 كيلو بدون اى اصلاح

وطبعا انتا عارف ان الرقم ده قليل جدا فى سوق السيارات المنافسة
او المتعارف عليها

وده فيما يبدو من وجهة نظرى انهم عارفين انك هتقرص وتجرى وتلعب وتفرك بالعربية فالمتور مش هيستحمل اكثر من كدة معاك

وده يخليك ممكن تستخدم العربية لغاية 500000 كيلو لو بتستخدمها بهدوء وبدون اهلاك عالى

وابسط مثلا عندى مدير فى الشركة معاه التويوتا عامل بيها 390000 ماشاء الله و حتى معملهاش وش سلندر

اظن فهمت رائى وربنا يحفظك من شر الطريق

اقتباس:

---

المشاركة الأصلية كتبت بواسطة osama.shihata

ازيك يا محمد عامل ايه وحشنى والله
يا حبيبى خف على العربية شويا
العربية مش طيارة ولا عربية سبق
ده انا لما كنت بقرأ فى الكتالوج زيك
لقتهم فعلا بيقوله الغيار الاول ممكنى جدا
لغاية 45 كيلو
وده ممكن فعلا بس بعدد لفات عالى جدا فعلا

هما طبعا اعلم بالموتور منا
وهو فعلا مصمم بطريقة رياضية وليست رياضية بالكامل

بس لاحظ معايا المعلومة دى

تفتكر ليه بروتون قالت ان العمر الافتراضى للموتور
فقط 250000 كيلو بدون اى اصلاح

وطبعا انتا عارف ان الرقم ده قليل جدا فى سوق السيارات المنافسة
او المتعارف عليها

وده فيما يبدو من وجهة نظرى انهم عارفين انك هتقرص وتجرى وتلعب وتفرك بالعربية فالمتور مش هيستحمل اكثر من كدة معاك

وده يخليك ممكن تستخدم العربية لغاية 500000 كيلو لو بتستخدمها بهدوء وبدون اهلاك عالى

وابسط مثلا عندى مدير فى الشركة معاه التويوتا عامل بيها 390000 ماشاء الله و حتى معملهاش وش سلندر

اظن فهمت رائى وربنا يحفظك من شر الطريق

---

ازيك يا استاذ اسامه وحشنى جدا والله انت كمان
انا عارف ان العربيه مش عربية سباق بس الموتور مصمم كموتور رياضى وطبيعته كده ومفيش مانع من ان الواحد يقرص عليه احيانا مش فى جميع الاوقات طبعا
بعنى لما اعوز اشد ماينفعش طبعا انقل على 3 كده يبئا لو عربيه 1000 سى سى هاتطلع منى ببساطه
فسؤالى القرص لحد كام بالظبط ؟؟؟ لانى شايف ان الريد زوون بعييد اوى 6.5
وطبعا الاوتوماتيك فى الكيك داون بينقل عند 6 عادى ليه بئا المانوال ممكن يتضر من الكلام ده !!!
وهل الحرق على التانى والتالت والرابع مش مضر زى الاول ولا كله زى بعض ؟؟؟ وليه !!
واكيد طبعا الواحد مش هايحرق على طول بس ساعات الواحد بيحب يستغل قوة موتوره بردو

وشكرا على ردك يا استاذ اسامه