سيارة الزمن الجميل بيجو 504 ، حاليا لها قطع غيار كتير ناقصة فى السوق وده بشهادة جار لى كان يملكها وحاول يشدها ومعرفش لأن فيه حاجات كتير ملقاهاش او جابها استيراد وطعت رديئة، وفى النهاية باعها وجاب اكسنت ، مهو برضه خلينا واقعيين ، دا اللى اتولد لما آخر سيارة بيجو 504 انتجت فى فرنسا النهاردة عنده عيال، والشباب اللى كانوا بيشتغلوا فى اجازة الجامعة فى جمع العنب فى فرنسا ورجعوا بالبيجو 504 النهاردة هم اجداد وعلى المعاش،
والدول اللى كنا بنجيب منها قطع الغيار الاستيراد بتاعة ال504 فضلت تنزل فى المستوى ، من فرنسا وألمانيا الى هولندا وبلجيكا الى تركيا واليونان الى لبيبا والمغرب وحاليا حتى الدول دى استغنت عن ال405 فمعادش فيه حتة نجيب منها قطع غيار، اللهم إلا لو حد فكر يروح يجيب قطع غيار لها من كينيا مكان تصنيعها الحالى ، وده مش حاصل لسبب لا ادريه

فكتر خير الدنيا على كدة وسبحان من له الدوام