كلام سليم
مش عشان معايا فلوس ادوس علي الغالبيه العظمي اللي متمرطه في المواصلات
يعني كل البلاد من حوالينا شمال وجنوب وشرق وغرب ... تلاقيها من غير جمارك على السيارات أو جمارك بالكتير 5 % ... وراكبين عربيات ما بنحلمش نشوفها إلا في الجرايد والمجلات بينما هناك ممكن تجيبها بسهولة ..... بالذمة مش دا يبقى حرام ؟
مثلا حضرتك حنجيب حاجة عالية قوي ... الهامر h3 اللي احنا كلنا بنتكلم عنها على أساس انها وهم ومضرب الأمثال في اللامعقول... تمنها عندنا 800 ألف جنيه في حين انها في السعودية 150 ألف ريال ... ده مع ملاحظة ان السعر ده شامل جمارك 5 % وملاحظة ان الريال بحوالي جنيه ونصف .... شوف بقى احنا بنشتري العربية هنا وندفع تمنها كام مرة .....
نقوم احنا نطالب بزيادة الجمارك بدعوى زيادة الزحام ؟
ما هو بالمنطق ده يبقى نعمل مصروفات رسمية عالية للالتحاق بالتعليم الأساسي في ضوء تزايد أعداد الطلاب في مقابل أعداد المدارس ... ونخلي الخدمة في المستشقيات المجانية بمقابل رسمي عالي عشان تلاحق على الأعداد المتزايدة من المرضى .....
يا سيدي الفاضل اللي عايز يجيب عربية واحدة حيجيب عربية واحدة .. سواء جابها استعمال 40 سنة عشان الجمارك في بلده عالية ومش سامحة انه يجيب جديد بما يتناسب مع طموحاته .. كسيارة أسرية مثلا... وممكن يجيبها زيرو 100 سي سي ... وممكن 2000 سي سي .. وهكذا ..... فلو انت شلت الجمارك يبقى ساعتها شيل الدعم من على المواد البترولية وخلي كل واحد يحسب ظروفه صح ويشوف حيجيب عربية شكلها ايه ومتورها قد ايه وحيقدر يصرف عليها ولا لا ...وساعتها برده ابقى حاسب الناس على ركوب سيارات من عمر افتراضي معين ...... 20 أو 30 سنة مثلا ......
ده رأيي المتواضع اللي أنا شايفه .....
بالظبط يا فندم كلامك مظبوط العربيات لو زادت فى الوضع الحالى كلنا هنقضيها مشى , بس انا بقول اللى نطالب بيه يبقى التخطيط الجديد اللى هينظم موضوع الزياده لأن دى هى المشكله الرئيسيه بدل ما نقول ان المشكله الرئيسيه هى زياده العربيات لأن زياده العربيات مش هتقف ابدا سواء فى جمارك او مفيش دى حاجه بتزيد مع زياده السكان والرغبه فى التغيير والاتنين دول ملهومش حل
لو قولنا بلاش عربيات نضيفه يبقى بنتأخر لكن لو قولنا عايزين طرق اكبر وتخطيط احسن هتتحل الازمه ويبقى كل الاطراف مرضيه والبلد اتقدمت , بس تقول لمين بقا دا احنا لو مأجرين جنسيه كنا لاقينا حد رد علينا
فعلا المشكلة كلها تخطيط و ثقافة ..
اسعار السيارات المستعملة فى اوروبا يكاد ان يصدم اصحاب القلوب الضعيفة .. و مع ذلك بيفضلوا المواصلات و حياتهم بيسطة جدا جدا , سعر الهيونداى كوبيه موديل تسعينات فى اوروبا يساوى مرتب شهر او شهرين من مرتب موظف عادى او متوسط , و بالمصرى سعرها ممكن يعادل مرتب سنة او 2 من مرتب موظف متوسط ..
هنا مربط الفرس , نقطة التخلف اللى اتبعتها حكومتنا , لانهم فاكرين لما سعر العربية يزيد فيقل الطلب عليها و نعيش حياة هادئة و لكن بعشوائيتهم دى خلوا الشوارع حلبات سباق نفسي قبل ما تكون سباق سيارات ..
و لسه كمان عايزين سعر العربيات يغلى !! لا تعليق .
الحل فى كلمتين :-
1- تحسين المواصلات العامة حتى ىمكن استخدمها (ممن يملكون سيارات)
2- السيارة القديمة وااجدىدة تكهن فى حالة عدم صلاحيتها (شاسية , عوادم و موتور الخ)
بعد اصلاحها ان امكن تنتقل للعمل فى المحافظات الاخرى بعيدا عن القاهرة الكبري وان لم يتمكن اصلاحها تكهن بغض النظر عن موديلها
الكشف والصيانة تكون عن طرىق مراكز معتمدة وعندهم ضمييييييييييييييييررررررر رررررررررررررر حتى لا يكون هناك تلاعب
الحل فى كلمتين :-
1- تحسين المواصلات العامة حتى ىمكن استخدمها (ممن يملكون سيارات)
2- السيارة القديمة وااجدىدة تكهن فى حالة عدم صلاحيتها (شاسية , عوادم و موتور الخ)
بعد اصلاحها ان امكن تنتقل للعمل فى المحافظات الاخرى بعيدا عن القاهرة الكبري وان لم يتمكن اصلاحها تكهن بغض النظر عن موديلها
الكشف والصيانة تكون عن طرىق مراكز معتمدة وعندهم ضمييييييييييييييييررررررر رررررررررررررر حتى لا يكون هناك تلاعب