سؤالين على السريع كدة في اللادا

**أحمد علوان** · 17-01-2010 03:40 PM

السلام عليكم
ياجماعة انا قدامي عربية لادا نيفا 1984 موتور فيات 132 سعته 2000 والعربية فبريكة دواخل بالكامل وحالتها من برة كويسة ورخصتها تخلص شهر فبراير
لو سمحتم يا جماعة انا عندي كام سؤال
اول حاجة العربية دي بالموتور دة ينفع تجدد الرخصة مع العلم اني سألته قالي ارخصهالك ومفيش مشكلة في الموتور وحاجات كدة وقالي ان الموتور مثبوت على الرخصة

تاني حاجة قالي العربية على 14000 جنية
اية ظروف السعر دة وهي ليها جنوط كدة عاملة زي الجنط الصاج مش جنوط اسبور

يا ريت تردو عليا بسرعة عشان انا بنائا عن ردكم هاشوف ميكانيكي واروح اشوفها

**smsm061274** · 17-01-2010 05:25 PM

خسب معلوماتى لا يجوز الترخيص بهذا الموتور.

**أحمد علوان** · 17-01-2010 05:33 PM

سمسم باشا انا معلوماتي نفس معلوماتك انه مينفعش
معندكش بقا تعليق على السعر ولا حاجة

**emad_ms** · 17-01-2010 09:16 PM

نصيحة منى لوالموتور مثبوت على الرخصة قبل ما تشترى صور الرخصة وروح قسم المرور التابع لة السيارة واستفسرمن مهندس الفحص لان معلوماتى انمن عدة سنوات كان مسموح للسيارات بتركيب موتورمختلف بالسيارة وبعد كدة اتمنع تركيب اى موتور للسيارة الا موتور من نفس نوعية السيارة ونفس السعة اللترية ولاكن السيارات اللى مغيرا موتورقبل هذا المنع اللى اعرفة انها ترخص بية لان اهم حاجة عند الفحص ان بصمة الموتور اللى راكب فى السيارة تكون نفس البصمة المو جودة فى الملف

**أحمد علوان** · 18-01-2010 11:50 AM

المشاركة الأصلية كتبت بواسطة emad_ms

نصيحة منى لوالموتور مثبوت على الرخصة قبل ما تشترى صور الرخصة وروح قسم المرور التابع لة السيارة واستفسرمن مهندس الفحص لان معلوماتى انمن عدة سنوات كان مسموح للسيارات بتركيب موتورمختلف بالسيارة وبعد كدة اتمنع تركيب اى موتور للسيارة الا موتور من نفس نوعية السيارة ونفس السعة اللترية ولاكن السيارات اللى مغيرا موتورقبل هذا المنع اللى اعرفة انها ترخص بية لان اهم حاجة عند الفحص ان بصمة الموتور اللى راكب فى السيارة تكون نفس البصمة المو جودة فى الملف

شكرا يا باشا على المعلومة دي وانا هاعمل كدة ان شاء الله انت عندك حق وكلامك فعلا مفيد
بس مفيد افادة بالنسبة للسعر

**sobhysm** · 26-01-2010 04:09 PM

المشاركة الأصلية كتبت بواسطة smsm061274

خسب معلوماتى لا يجوز الترخيص بهذا الموتور.

أولاً السعر بيبقى حسب حالة العربية وهل هى سليمة ولا لأ والى يعرف يسعرهالك كويس بناء على حالة العربية وأساسيتها وهل هى سليمة ولا لا واخبار الدواخل بتاعتها سمكرى وليس ميكانيكى
ثانياً طالما الموتور مثبت على الرخصة يبقى ما فيش مشاكل لأنه ممكن يكون مثبت الماتور على الرخصة قبل منع الموتير إلا من نفس الشركة بس المشكلة لو الماتور حصل فيه حاجة لا قدر الله ما ينفعش تجيب ماتور 132 تانى لازم تعمل له عمرة أوهتضطر إنك تجيب ماتور لادا إستيراد وتركبة

**أحمد علوان** · 27-01-2010 03:41 PM

شكرا ليك الرد يا استاذ صبحي

**gsober** · 28-01-2010 09:56 PM

سيبك من العربيه دى
وبعدين موتور النيفا 1600 سىسى وبكامه واحده يعنى استهلاكه فى البنزين معقول جدا
اما الموتور الثانى بتاع ال132 2000 سى سى وعلى 2 كامه يعنى غووول بنزين
ياريت تفكر كويس
بعدين اوعى تجيب عربيه ملعوب فيها لانه اللعب ده بيجى على حساب حاجات تانيه كتير زى الثبات وكفائه العفشه
انت تروح تدور على عربيه نيفا نظيفه ومستعمله استعمال نظيف هاتعمل فى حدود 18000
وهتكون موديل تسعينات وتجنطها جنط كبير وكاوتش عريض وهتلاقى معاك عربيه ماشاء الله زى الوحش ثبات وقوه ووفره فى قطع الغيار ربنا يرزقك عربيه تكون ممتازه وتكون فتحه خير عليك وعلى الناس اللى بتحبهم ويكفيك شرها يارب العالمين

**أحمد علوان** · 01-02-2010 01:34 PM

المشاركة الأصلية كتبت بواسطة gsober

سيبك من العربيه دى
وبعدين موتور النيفا 1600 سىسى وبكامه واحده يعنى استهلاكه فى البنزين معقول جدا
اما الموتور الثانى بتاع ال132 2000 سى سى وعلى 2 كامه يعنى غووول بنزين
ياريت تفكر كويس
بعدين اوعى تجيب عربيه ملعوب فيها لانه اللعب ده بيجى على حساب حاجات تانيه كتير زى الثبات وكفائه العفشه
انت تروح تدور على عربيه نيفا نظيفه ومستعمله استعمال نظيف هاتعمل فى حدود 18000
وهتكون موديل تسعينات وتجنطها جنط كبير وكاوتش عريض وهتلاقى معاك عربيه ماشاء الله زى الوحش ثبات وقوه ووفره فى قطع الغيار ربنا يرزقك عربيه تكون ممتازه وتكون فتحه خير عليك وعلى الناس اللى بتحبهم ويكفيك شرها يارب العالمين

باشا انا دلوقتي قدامي واحدة تاني موديل 84 لسة متسقطلها موتور بتاعها 1600
والعربية انا شفتها فبريكة
بس لسه عايز اشوف حد يشوفهالي كويس وكمان عشان موضوع البارومة لو ممكن تقولي اشوفها ازاي؟
وهي عايزة كاوتش للعجلتين اللي قدام
ولما ركبوا الموتور كانوا لسة موصلوش عداد السرعة وال rbm فهل موضوع توصيلهم لو انا اخدتها على حالتها كدة دة هايكون مشكلة

**emad_ms** · 01-02-2010 06:46 PM

بالنسبة لليكشف على السيارة دائما الناس تقول خلى ميكنيكى يشوفها لاكن انا راى ان الافضل الى يكشف على السيارة يكون سمكرى سيارات ثقة لان مشاكل الموتور والات الجر والعفشة مهما كانت يمكن اصلاحها او تغييرها وبعد الاصلاح لما تحب تبيعها متقللش من ثمن السيارة اما مشاكل الشاسية لايوجد لهل علاج ومشاكل الصاج والبارومة لها علاج ولاكنها تقلل من ثمن السيارة اما بالنسبة للكاوتش فمن الافضل عند شراء السيارة ان تقوم بتغييرالكاوتش الامامى على الاقل حتى لو كان حالتة الظاهرية كويسة وشكرا