ماذا تفعل لو كنت مكاني !!!!!!!!!!!!!!!!!!!

**Xpert** · 13-12-2007 01:19 PM

يا باشا حد مايعرفش البي ام 3500 ؟ (735 موديل 80) .. يا عم مش فارقه بنزين .. هاتمون ب 50 جنيه زياده يعني ؟
ياللا يا جدعان حمله تركيب الاكصدامات الامريكاني .. كله يركبها و ننتقم من سواقين المكروباص و التاكسي :d
شكلها وحش بس بتقضي الغرض ;)

**Ah.Farid** · 13-12-2007 02:11 PM

ياريت تعرض صور للاكصدامات علشان كلنا هانشتريها

**Ah.Farid** · 13-12-2007 02:29 PM

ياسلام فكرتونى بال128 الاصيلة كانت مهما تتخبط بردة ماشية وكانت بتنفع فى الزحام دلوقتى الواحد بيخاف من الاتوبيس والميكروباص والتاكسى وحتى التوك توك وكل من هب و دب بقت السواقة تكسير على بعض وغرز ومفيش احترام لأى شىء
دة انا مرة بال128 كنت واقف فى شارع حلوان الزراعى والطريق كلة واقف فاجئة لقيت الميكروباص اللى قدامى طلعت فى دماغة يرجع للخلف لية علشان يكلم سواق ميكروباص جانبة راح مكسر عندى فوانيس الامام رحت نازل مزعق فوجئت ان اللى سايق عيل مكملش 14 سنة بقيت هاتجنن وكلام الناس فى الشارع ينرفز اكتر
كلام من عينة (حصل خير وكويس انها جت على قد كدة , )
المهم مسكت الواد تلطيش وزعيق وصممت انة يدفع تمن الفوانيس اللى اتكسرت قعد يقلب فى جيوبة 2 جنية من هنا ونص جنية من هنا وسمعت كلام من الناس (يعنى هاتقبل العوض مايصحش )
المهم جمع 15 جنية ختهم منة وانا ماشى رحت حاططهم فى صندوق جامع علشان يتعلم الادب

وياريت كل واحد يخبط عربية يتحمل تكلفة تصلحها لكن اللى بيحصل كلة بيزوغ والشرطة مابتجبش حق حد

**Xpert** · 13-12-2007 02:34 PM

بص .. اي عربيه عاديه .. فيه منها للسوق الامريكيه .. في الموديلات القديمه بيقبي اكصدامها اكبر لقدام .. بس خد بالك ان مش كل العربيات نزلت امريكا ... يعني ماعتقدش ان فيه هناك 128 مثلاً .. بس فيه 131 ..
ده مثلاُ في الاي ثرتي :
الاوروبي :

الامريكاني

**شاهين - بنز** · 13-12-2007 02:38 PM

ياسيدي أنال مشكلتي إني قليل الأدب ف لو الموقف ده حصل معايا وماعتزرش وجري حجيبه لو كان في سابع أرض لإن مهما كان عربيتي أصغر من عربيته وحقدر أجيبه في الغرز بسهولة وساعتها حنزل أقوله ياجبااااااااااان يا ... ... ...

**ZALABANY** · 13-12-2007 02:44 PM

والله يا جماعه انا معاكم كلكم في انه موقف غبي والراجل ده كان يستاهل اني اقلبه في النيل
بس خلينا نبقى واقعيين شويه لو زنقت عليه ووقفته وطلع عيل من بتوع كمال الأجسام اللي يفصل مننا 10 او لو طلع ظابط او اي حاجه من هذا القبيل قولولي ساعتها بأه هاتعملوا ايه يا حلوين ساعتها حتى مش هاتعرف تهرب ومين عارف لو كنت حصلته ووقفته يكون شارب ولا معاه سلاح ويروح غاززني وجاري زي ما بنسمع انا بصراحة مش عارف ايه الصح

**شاهين - بنز** · 13-12-2007 03:33 PM

لو هو كده فعلا مكانش جري منك زي الجبان

**Xpert** · 13-12-2007 03:44 PM

المشاركة الأصلية كتبت بواسطة zalabany2007

والله يا جماعه انا معاكم كلكم في انه موقف غبي والراجل ده كان يستاهل اني اقلبه في النيل
بس خلينا نبقى واقعيين شويه لو زنقت عليه ووقفته وطلع عيل من بتوع كمال الأجسام اللي يفصل مننا 10 او لو طلع ظابط او اي حاجه من هذا القبيل قولولي ساعتها بأه هاتعملوا ايه يا حلوين ساعتها حتى مش هاتعرف تهرب ومين عارف لو كنت حصلته ووقفته يكون شارب ولا معاه سلاح ويروح غاززني وجاري زي ما بنسمع انا بصراحة مش عارف ايه الصح

ساعتها هاقوله كلمتين .. "انت مش عارف انت بتكلم مين !!" .. اجري علي التليفون ... تتصل بالنجده .. اقولهم انا راجل اجنبي و سيوسري الجنسيه .. انا في الحته الفلانيه و الامر كذا كذا كذا .. يجي الظابط .. اقوم مطلعله جواز السفر و اقوله .. "هاتلي الواد ده في القسم" ..
و انتهي اموضوع ..
اما بقي لو طلع بتاع كمال اجسام .. فغالباً هاخد بنيتين قبل ما الحق اعمل حاجه :D يا باشا ماتخفش اضرب تحت الحزام و في الزور و خليها علي الله . و اللي يكلمك قوله دفاعاُ عن النفس :D

**hero** · 13-12-2007 04:16 PM

والله يا جماعه احسن شيء وخصوصا في بلد زي مصر...ان الناس تقول الحمد لله وتستعوض ربنا في ايلي حصلها....لان حكاية انك تطارد واحد بعربيتك دي مخاطرة...بمنتهي البساطة ممكن انت تخبط عربية تانية....وتبقي مشكلتين...او تلاتة..
وممكن فعلا لوحصلتة ...وخصوصا انة هرب ...يعني شخصية مش محترمة...المشكلة ايلي كانت صغيرة...وتحلها بـ 100 ولا 200 جنية (سمكرة)...ممكن تنتهي بجريمة...وتلاقي نفسك ياما متبهدل ومضروب ولا حتي مقتول...ياما متهم في قضية...ولا حتي قاتل....ويضيع مستقبلك في لحظة...

الغضب من اكبر الابواب للشيطان....وبيحول الانسان لاشبة ما يكون بحيوان شرس...عايز ينتقم ويدمر وخلاص....من غير ما يفكر في عواقب الامور...او يميز...والاحسن ان الواحد يكظم غضبة علي قد مايقدر....

والافضل ان الواحد يسيبها لله...وحتي لوحد خبطك وجري...هايروح فين من ربنا ....ابقي خدهم منة يوم القيامة حسنات....او ابقي اديلة كام طن سيئات ...وخلية يشيل....

انا عن نفسي ....يا ما جريت ورا عربيات وموتوسيكلات....وفي الاخر واحد يقولك معلش يا بية....هاتعمل فية اية....وحتي لو نزلت وضربتة ولا شتمتة....بعد شوية هاتلاقي انك بهدلت نفسك وعلي الفاضي وروحت برضة صلحت العربية علي حسابك....

يعني الحكاية عايزة شوية هدوء مع النفس....وكلة بيعدي....

وربنا يعافيكوا ويعافينا من شر وبلاء الطرق في مصرنا الحبيبة....ويهدي الناس ..

**ابوحميد** · 13-12-2007 04:35 PM

المشاركة الأصلية كتبت بواسطة hero

والله يا جماعه احسن شيء وخصوصا في بلد زي مصر...ان الناس تقول الحمد لله وتستعوض ربنا في ايلي حصلها....لان حكاية انك تطارد واحد بعربيتك دي مخاطرة...بمنتهي البساطة ممكن انت تخبط عربية تانية....وتبقي مشكلتين...او تلاتة..
وممكن فعلا لوحصلتة ...وخصوصا انة هرب ...يعني شخصية مش محترمة...المشكلة ايلي كانت صغيرة...وتحلها بـ 100 ولا 200 جنية (سمكرة)...ممكن تنتهي بجريمة...وتلاقي نفسك ياما متبهدل ومضروب ولا حتي مقتول...ياما متهم في قضية...ولا حتي قاتل....ويضيع مستقبلك في لحظة...

الغضب من اكبر الابواب للشيطان....وبيحول الانسان لاشبة ما يكون بحيوان شرس...عايز ينتقم ويدمر وخلاص....من غير ما يفكر في عواقب الامور...او يميز...والاحسن ان الواحد يكظم غضبة علي قد مايقدر....

والافضل ان الواحد يسيبها لله...وحتي لوحد خبطك وجري...هايروح فين من ربنا ....ابقي خدهم منة يوم القيامة حسنات....او ابقي اديلة كام طن سيئات ...وخلية يشيل....

انا عن نفسي ....يا ما جريت ورا عربيات وموتوسيكلات....وفي الاخر واحد يقولك معلش يا بية....هاتعمل فية اية....وحتي لو نزلت وضربتة ولا شتمتة....بعد شوية هاتلاقي انك بهدلت نفسك وعلي الفاضي وروحت برضة صلحت العربية علي حسابك....

يعني الحكاية عايزة شوية هدوء مع النفس....وكلة بيعدي....

وربنا يعافيكوا ويعافينا من شر وبلاء الطرق في مصرنا الحبيبة....ويهدي الناس ..

والله يا هيرو كل اللى انت قلته كان على لسانى وكلامك عين العقل