انا عن نفسي وقفت النقاش معاه
عرض للطباعة
ياجماعة هو انتوا اى نقاش تقلب معاكوا بخناقة لية انا هاجيبلكوا النهاية عشان محدش يزعل
بالنسبة للكورى :طبعا اتقدم كتير جدا وبقى بمستوى يخلى اى واحد يشترية وهو عارف كويس انة بيدفع فلوسة وهيلاقى قدامها قطع غيار متوافرة ,مواتير كويسة وقدراتها عالية ,اوبشن وكماليات ,اسعار كويسة عند اعادة البيع ,اشكال عصرية ,وطبعا كل واحد بيركب العربية اللى على قد امكانياتة ودة ميزة الكورى انة بيوفر سيارات لكل الحالات المادية من 65 الف الى 150 الف بالنسبة للمنتشر يعنى فى مصر
حكاية بقى الامان والخامات دية ليها قصة تانية خالص
الامان فى الكورى للاسف مابيبقاش متوافر كتجهيز قياسى مع انة بيبقى محتاجها بشدة عشان البودى بيبقى خفيف على الماتور فلازم عوامل امان تقدر تحمية بس بردة شغال كويس من غير العوامل دية وربنا اللى بيسترها فى الاول وفى الاخر حتى لو عندة عشرة abs فى العربية
الخامات متهيالى مش هايديك عربية ب65 الف ولا 90 الف وعايزة يفرشهالك جلد من اولها لاخرها كل حاجة على قد فلوسها وفية دة وفية دة
بالنسبة للاوروبى :فطبعا سيارات غالية وفخمة جدا وخامات وعوامل امان متوافرة كتجهيز اساسى او الاهم يعنى مثلا زى abs
لكن نيجى بقى هنا فى مصر النصب بعينة تلاقى قطع الغيار نار يعنى تبقى اقل حاجة هايفة ب600 جنية ولازم تجيبها عشان كدة سعرة واقع
بس عربيات جميلة ومحدش يقدر يتكلم عليها بس عيبها مواتيرها اللى بتتغير يعنى العربية اصلا خارجة من مصنعها 2000 سى سى عشان تنزل مصر يشيلة الماتور دة ويحطولك 1600 طبعا قليل جدا على البودى فبيخلى التسارع والقوة ضعيفة دة عيبة الصراحة واللى معاة يدفع ويجيب هيلاقى فلوسة كلها فى العربية بس مايستناش منها حاجة لما يجى يبيعها
وفية بردة حاجة احب اوضحها محدش يقارن عربيات برة باللى بتيجى هنا حتى لو جاية من كوريا ,العربيات دية بتبقى خارجة عارفة هية رايحة فين وبتبقى فرز عاشر ودة اعتراف من مصدر موثوق منة من وزرارة النقل والمواصلات
ورائى فى الثلاث سيارات هاقولة بكل حيادية لانى ركبت الثلاث سيارات وحافظهم كويس جدا
ياريت بس واتمنى ان يكون النقاش بود ومحبة بينا ومايوصلش ابدا لمشادة او اى حاجة تخلينا نزعل من بعض ياريت كل واحد يعدى للتانى اى كلمة ممكن يكون قالها غصب عنة او معرفش يعبر عنها صح ولا اصر يبقى الحل اننا نكلمة بالراحة ونشوف موقفة واسلوبة وصل لية كدة
اكيد هايرجع على اللى فية وهايحس انة عمل حاجة غلط وهاتبقوا اصحاب واكتر كمان
أنا مش عرف بصراحة دكتور حسن بيعمل كده ليه أنا بصراحه شايف إنك يا دكتور حسن بعد كده لو هتقول كلمة كويسة قول لو مش هتعرف لو سمحت ماتقولش بجد علشان كل المواضيع اللي حضرتك بتشرك فيها سواء بقى أروبي كوري هندي صيني أي بلا أزرق بطلعه وحش يا راجل ده إنت حسستني إن البرافو عربية كروه مع إنها مع احترامي الليون متجيش جنبها كنبة حتا وعجبي
وانت حسستنى ان الفيات ...دى عربيه اسطوريه ...
مخلاص ياحبيبى ... الواحد كان نسى الموضوع .. كبر دماغك ومتشيلش فى نفسك
عشان مش كويس عشانك
و بعدين احنا كنا بنقول راينا فى 3 عربيات
.. انت بقى وبعض الأخوة
دخلتو الليون والبرافو فى الموضوع مش عارف ليه
مش عارف ايه اللى جاب سيرة البرافو الوقتى... لاحول ولاقوة الا بالله
وانت كل مشاركاتك لينيا لينيا لينيا .... ياراجل انا بقيت اصحى من النوم مفزوع على كلمة لينيا ....
وكرهت ال128 بسببك ... والله
وبعدين انا مش بشارك الافى منتديات الاوروبى ...عموما وسيات خصوصا
مفيش لاهندى ولاصينى ولا تايوانى .....
ريلاكس كده .....