الموضوع: افراح الصعيد اوعى وشك

المشاركة الأصلية كتبت بواسطة mohamed_kta

طالما الللى حصل من ضرب نار ثقافة أهل الصعيد تحترم و بلاش نفرض ثقافتنا على الآخر .

مثال صغير : تقدر تشرب شاى حبر و عليه تقريباً كيلو سكر زى الناس هناك ؟؟

بس الشاى ابو كيلو سكر مش هيموت ناس بدون ذنب

منطق غريب
يعني القاهريين بيتشتموا لما الافراح بتاعتهم تسد الشوارع و تعطل الكباري و عمر ما حد قال أصل دي عاداتهم و تقاليدهم ..
التصرف السيئ ينتقد بصرف النظر أنت قاهري أو صعيدي ..
إنما نظام ( هذا ما وجدنا عليه أبائنا ) ده خالي من المنطق


و الاخ اللي بيقول شاي حبر ده مش عارف أقولك إيه
ما يشرب شاي حبر و لا يشرب سم باللبن هو حر يعمل في نفسه اللي هو عاوزه ..
إزاي يقارن بواحد بيضرب نار في تجمع سكني ??

طبعا اللي بيحصل ده من ترويع الآمنين وهو حرام شرعا
يعني إيه فرح ينضرب فيه نار أصلا..عشان إيه يعني..اللي حيتجوز ده حيكسب الحرب العالمية مثلا ولا فاكرينه الناصر صلاح الدين
مش ممكن طبعا...دي عادات وتقاليد يجب مراجعتها وضبطها على ميزان الشرع لا الأهواء والأعراف الجارية
كان في واحد صاحبي أصله من الصعيد لما عمل فرحه في مسجد عندنا في وابور المياه بالإسكندرية (منطقة راقية نوعا) أهله ضربوا نار أكتر من اللي في الفيديوهات لما الدنيا ضلمت والرعب كان هو سيد الموقف
أهل المنطقة دي أصلا مابيسمعوش الزعيق والعراك اللي بنسمعه في كل حتة فمبالك بضرب نار بالطريقة دي

المشاركة الأصلية كتبت بواسطة nabaster

المدن بتاعة الصعيد لا تختلف في اي شيء عن مدن بحري والي جه وزار قنا واسيوط واسوان هيعرف انه لما كان عايش في القاهره مكنش عايش فعلا

نضافه و بلد منظمه مفيش بعد كده

a.yakout

+1111111111111111111111111111111

المشاركة الأصلية كتبت بواسطة newhansol

الا هوة تمنة كام صحيح

الكلاشينكوف بيعمل في حدود 15 الف حسب حالته ممكن أقل وممكن أكتر .. وبيتباع عادي لأي حد عايز يشتريه بس طبعا غير شرعي

المشاركة الأصلية كتبت بواسطة shnory

الالي بيترخص يا باشا لحمايه الاراضي الزراعيه تقريبا علي ما افتكر
وغير كده كميه السلاح الموجوده في الصعيد دي من ايام حرب القناه
لما كانو بيحطوا الاسلحه في براميل ويسيبوها تعوم لحد الناحيه التانيه
وكان فيه براميل التيا بيرميها علي الصعيد
وكل بيت صعيدي فيه اسلحه كتير
وعيب اوي هناك انك متشيلش سلاح
الناس تبصلك علي انك ولامؤاخذه يعني
غير كده بقي الحكومه هناك ليها وضع تاني
لان بيوت الصعيد كلها مترابطه جدا
ويعتبروا قرايب فصعب ان الحكومه تجبرهم علي حاجه
غير ان جزء كبير من افراد الحكومه هناك هما من اولاد البلد والصعيدي مش بيعض في اخوه
ولما بتيجي الحكومه تلم السلاح كل عيله بتطلع حتتين تلاته خربانين وبيقولوا دا السلاح اللي عندنا

الكلام ده الى حد ما صحيح بس ياباشا الآلى لا يتم ترخيصه نهائي ولا لأي فئة في مصر ولا حتى الحرس الجمهوري لو لغرض شخصي .. السلاح الآلي محصور في الإستخدام المهني فقط سواء في الشرطة أو الجيش

يعني فرق الحراسات أو أفراد المباحث أو الجيش طول ماهو في الخدمة أو بمناسبتها لكن بمجرد خروج الشخص اللى كان بيستخدم السلاح ده نفسه من الخدمة يصبح ممنوعا من حمله نهائيا وطبعا دي القواعد العامة المعمول بيها .... لكن بيكون فيه إستثناءات لأن الموضوع برمته سلطة تقديرية للحكومة

المشاركة الأصلية كتبت بواسطة ba7ary

طبعا اللي بيحصل ده من ترويع الآمنين وهو حرام شرعا
يعني إيه فرح ينضرب فيه نار أصلا..عشان إيه يعني..اللي حيتجوز ده حيكسب الحرب العالمية مثلا ولا فاكرينه الناصر صلاح الدين
مش ممكن طبعا...دي عادات وتقاليد يجب مراجعتها وضبطها على ميزان الشرع لا الأهواء والأعراف الجارية
كان في واحد صاحبي أصله من الصعيد لما عمل فرحه في مسجد عندنا في وابور المياه بالإسكندرية (منطقة راقية نوعا) أهله ضربوا نار أكتر من اللي في الفيديوهات لما الدنيا ضلمت والرعب كان هو سيد الموقف
أهل المنطقة دي أصلا مابيسمعوش الزعيق والعراك اللي بنسمعه في كل حتة فمبالك بضرب نار بالطريقة دي

بارك الله فيك
مافيش كلام يتقال بعد كده بصراحة
العادات والتقاليد إذا ما وافقت الشرع كان بها وإذا خالفته يجب رفضها وتركها ... مهما كانت


لما بيحصل فرح وفيه هيصة في أي منطقة سكنية في القاهرة أو أي حتة في الدنيا .. أكيد بتصادف إن فيه واحد قاعد بيته مريض .. أو حتى بيصلي مثلا ... أو حتى سليم لكن نفسه في شوية هدوء كل من ساهم في إزعاجه هايشيل ذنبه ... أنا بتكلم عن الهيصة العادية اللى الأفراح

عشان كده الأفراح عملولها قاعات مغلقة وفي أماكن معدة لذلك ... مش وسط منطقة سكنية
وياما كانت بتجيلنا محاضر إصابات خطأ لأطفال ولناس كتير في أفراح الصعيد بالذات وعدد المحاضر اللى أنا شوفتها مش قليل

وعلى فكرة الكلام ده مش في الصعيد بس ده في كل حتة في مصر وعدد المحاضر اللى شفتها أكتر كان في الشرقية .. وسينا بالذات دا غير اللى هما بيداروه على الشرطة ومابيتعملش بيه محاضر أصلا لأنه ماوصلش للموت



وآسف لأخي أحمد ياقوت عن التعبير ده بس لازم أقوله
.. أي حد بيعمل كده يبقى جاهل ومتخلف سواء في الصعيد أو بحري أو أي حتة ... جاهل بتعاليم دينه الذي ينهى عن ترويع الآمنين والمرضى ومراعاة الجار ... ومتخلف عن ركب الحضارة الذي ترك مثل هذه الأفعال وتعلم منها وعلم أنها ليست بالأفعال الصحيحة التي يمكن تربية النشئ عليها

كلمة أخيرة الفرح في الإسلام أساسه الوليمة وفقط وليس من الأفراح ما يتم في هذا الزمن من بهرجة وضوضاء وبذخ نهى عنه الإسلام ونهت عنه الديانات السماوية كلها

يا جماعة انتوا ليه كبرتوا الموضوع كدا

انا صعيدي و من قنا

الللي حابب اوصله للناس كلها هو ان الفيديو دا فعلا بيحصل في بعض الأفراح في الصعيد و اللي غالبا بتكون لحد جامد و من عائلة كبيرة لها نفوذ واسع و غالبا ما بيكون ذو منصب رفيع
يعني ممكن يكون ظابط او وكيل نيابة و لكن افرح كتير ما بيتعملش فيها الكلام دا و بتبقي افراح عادية جدا

دي عادات صعيدية مش اكتر
انا عن نفسي بضايق من التصرفات دي بس و برفضها بشده
بس هي خلاص اصبحت قليله جدا و الشرطة عامله تضييق جامد عالكلام دا و الناس بتاف تطلع سلاح عشان الشرطة ماتخدوش منهم

نيجي بقا للجزء الأهم

اغلبية الناس في وجه بحري سواء القاهرة او الدلتا واخدين فكره عن الصعايدة انهم كائنات طويلة القوام و بشناب طويلة و عمم و جلاليب طويلة سودا و كل حياتهم ضرب نار و ثأر و لا يعرفوا اي حاجة عن العالم ولا عن المدنية الحديثة !!!! و عايشن و بس
يا جماعة الدنيا اختلفت تماما في الصعيد و النهاردة الصعيد غير زمان
النهاردة المدن الكبيرة في الصعيد لا تقل حضارة عن القاهرة بل بالعكس الحياه فيها اجمل و اهدي بسبب قلة الكثافة و نقاء الهواء بيخيليك تستمع بكل اوقاتك دون اي شد عصبي تعالوا نزلوا المنيا او اسيوط او سوهاج او قنا او اسوان و الأقصر و انتوا تشوفوا كم التغيير اللي حصل في الصعيد

و طبعا دا لا ينفي ان الصعيد ما زال محروم من حاجات كتير ولو كان لقي اهتمام من الحكومات المتخلفة اللي تولت الحكم في البلد كان حاله اختلف كتير بس نعمل ايه بقا حظنا كدا

و زي ما بيحصل في افراح القاهرة و بالخصوص المناطق الشعبية و الللي بيتعمل من استخدام السلاح الأبيض في الأفراح كنوع من التقاليع و افراح السواحلية و الإسكندرانية

ما تسيسوش الموضوع و بلاااااااش تشيوا الصعايدة اسباب تدهور احوال البلد هههههههههههههههههه و تقوا ماهو له حق يقعد 30 سنة و يفكر في التوريث !!! يعني هي البلد كلها اتكلمت ووقفت و الصعايدة اللي ساكتين يعني !!!! الأولي بالتحرك هما القاهريين لأنهم ارب ناس لوسائل الإعلام و صوتهم مسموع لكل العالم بعكس الصعيد اللي مدفون

الصعايدة اكتر ناس محتاجة تجديد و دماء جديدة و فكر جديد عشان ينالوا كم اكبر من الإهتمام

و ربنا ينولنا مرادنا