الموضوع: عايز معلومات عن عبده الميكانيكي

بص انا دخلت فى عند مع العربية دى ويا انا يا هى ، وهطلع عينها لحد ما اعرف المشكلة فين وهصرف عليها من جنيه لحد 500 علشان ده اخرى معها ،

على فكره

أحيى فيك أصرارك
على معرفة سبب العيب

سمير باشا عياد شرف مشكلتى واحزانى ، ايه الشرف العظيم ده 0
بص سيدى الفاضل ، العربية اول ما جبتها كانت بتطلع دخان ابيض ، روحت للميكانيكى قالى دى جلد صباب وعايز يتغير ، واحد صحبى اخد منى العربية وكان رايح يشوف عربيته عشان بيعمل فيها شغل الراجل الميكانيكى بتاعه قاله العربية دى ماشيه على الفتيس( اتوماتك ) وقاله لازم يتعمل طقم شنبر عشان ميحصلش حاجه فى الفتيس ، المهم رجعت للمكيانيكى بتاعى تانى وخليته شاف العربية كويس وقلتله يعمل كل اللى العربية محتاجة ، طلب من شوية حاجات نزلن جبتهم خاصة بجلد الصبابات والروديه وحاجات تانى كده وبعد الشغل غيرت الزيت بتاع الفتيس وطبعا حتيت زيت جديد للمكنة والحمد لله مفيش دخنة وسحب العربية زى الفل ونقلات الفتيس مظبوطة ومفيش اى مشاكل فيها لله الحمد ، بعد كده بدءت احسب للعربية البنزين لقيت بقى المصيبة الكحلى دى ، روحت للراجل تانى قالى عادى اصبر شوية لحد الاف كيلو ، قولت حاضر ، لقيت العمليه مش مظبوطة رجعت تانى قالى العربية كده فيها مشكلة حطها على الاسكنر سمعت الكلام زى الشاطر 0 العربية مظبوطة روحت شل جهاز coالعربية كويسه والمهندس اللى هناك جرب العربية الفتيس زى الفل عشان كان شاكك فيه قالى العربية فيها حاجة من الاتنين يا البنزين بيسرق وده بعيد اوى طبعا ، يا فيه تسريب روحت لمحمد عبد قالى العربية زى الفل ومش بتسرب 0 دى كل الحكاية

سمير باشا عياد شرف مشكلتى واحزانى ، ايه الشرف العظيم ده 0

ربنا يخليك ياباشا

وبعد الشغل غيرت الزيت بتاع الفتيس وطبعا حتيت زيت جديد للمكنة والحمد لله مفيش دخنة وسحب العربية زى الفل ونقلات الفتيس مظبوطة ومفيش اى مشاكل فيها لله الحمد ، بعد كده بدءت احسب للعربية البنزين لقيت بقى المصيبة الكحلى دى ،

حلو الكلام

طيب فيه سؤال كده جانبى

أنت لاحظت وضع البنزين قبل وبعد شوية الشغل اللى فاتوا بتوع الفتيس والمكنه

يعنى الوضع أتحسن فى أستهلاك البنزين
ولاتحول.....للأسوأ

والله يا سمير بيه مش متأكد ، بس اعتقد ان المشكلة دى قبل ما اعمل الشغل فى المكنة وعلى فكرة الفتيس متعملش فيه حاجة الحمد لله ، لكن موضوع البنزين ده اعتقد من قبل الشغل زى ما قولت لحضرتك ، انا عملت الشغل بعد ما اشتريت العربية بحاولى اسبوعين يعنى مش كتير 0
سؤال جانبى بقى ، هو الفتيس لو فيه مشكلة بتبان على الكمبيوتر ، ولا لاء ؟
ولو لا قدر الله فيه مشكلة ازى اعرفها ،

سؤال جانبى بقى ، هو الفتيس لو فيه مشكلة بتبان على الكمبيوتر ، ولا لاء ؟

نعم ....طالما الفتيس مزود بوحدة تحكم أيضا
زيه زى المكنه

ودى الفتايس ذات طريقة النقل الألكترونى
وبيتعملها أسكانر عادى برضه

ولو لا قدر الله فيه مشكلة ازى اعرفها ،

دى بتبان بالمعاينه
1- العربيه مبتسحبش كويس .....وده مش موجود عندك ولله الحمد

2- لون زيت الفتيس تحول للون الأسود
ممايعنى تلف كلاتشات الفتيس

بس تقريبا كده من كلامك عندك مشكله من أتنين

1- عملية التحكم ....مش شغاله صح
سواء فتيس أو مكنه ( ودى ممكن يكون سببها وحدات تحكم أو حساسات )

2- أو فيه بنزين بيتسرب فعلا من أى مكان

تنك بنزين _ خراطيم تحت العربيه مثلا

ممكن برضه تشوف شكل البوجيهات عامل أيه
لو مهببه
ممكن نشك فى رشاشات المكنه

على فكره

لو فلتر الهواء مليس

حيخللى العربيه تاكل بنزين كتير

وبرضه لو كان فيه عيب فى دورة الفرامل
يعنى فيه فرامل محمله على طول على الطنابير

السحب زى الفل
لون الزيت احمر
البوجيهات طلعه جديدة وحرقه كويس اوى
الحرق بتاع الموتور عشرة على عشرة وده قريت جهاز co
مفيش تنتيش فى العربية على السلانسية
مفيش صوت عالى من غير سحب