الموضوع: سعر جنوط الفانتازيا

الجنوط الـ 16 لسه سأل عليهم فى اتديكو (مكرز معتمد من ارتوك) سعر الجنط الواحد 1650 جنيه بس خد بالك أنك لو هتغير كاوتش كمان الفردة الكونتينيتال سعرها قريب من سعر الجنط أنما لو نفس المقاس خلاص دوووووس.
كمان الـ 17 مش عمليين بتاتا فى مصر وعشان كده الوكيل مش بينزلهم انا اخويا معاه فانتزيا اليجانس خليجى (جنط 17) لسه نازل فى حفرة فى الأرض ( مش عميقة اوى بس على سرعه) من اسبوعين جنط اتكسر وفردة كاوتش تانية عملت بالونه وضر العفشة جدا لدرجة ان العربية صرفت حوالى 12 الف جنيه والكلام ده كان فى مركز نور الدين الشريف... وأى استفسار أنا فى الخدمة

الف الف شكر ياباشا بس مش عارف حاسس ان الجنط ال17 بيدى العربيه الهيبه و الفخامه الى تستحقها و على فكره ايه اخبار العربيه الخليجى لانى كنت محتار بينها و بين الوكيل و بعدين كل الناس قالتلى وكيل و حروح اجيبها من عند نور الدين الاسبوع الجاى و قالى ادفع فرق 8500 بين جنوط و كاوتش العربيه العادى و الجنوط ال17 ايه رايك اعمل ايه

الجنوط الـ 16 لسه سأل عليهم فى اتديكو (مكرز معتمد من ارتوك) سعر الجنط الواحد 1650 جنيه

ازى حضرتك ؟ اتمنى كلو يكون تمام , عايز استفسر بس عن حاجه , هل ينفع ابدل الموجودين بجنوط 16 ؟ و لا لازم اشترى على الموجود ؟

المشاركة الأصلية كتبت بواسطة m2die4

ازى حضرتك ؟ اتمنى كلو يكون تمام , عايز استفسر بس عن حاجه , هل ينفع ابدل الموجودين بجنوط 16 ؟ و لا لازم اشترى على الموجود ؟

الحمد لله ياباشا .... لاقيت الـ frv ولا لسه؟ الله يكون فى عونك ومنه لله الى سرقها... وبالنسبة لموضوع انك تبدل الجنوط القديمة والله معنديش فكرة ومظنش أن التوكيل هيرضى بس ممكن تبعهم بره ومظنش أنه هيجبولك كتير والله أعلم... جرب وقولنا.

المشاركة الأصلية كتبت بواسطة aly_attia5

الف الف شكر ياباشا بس مش عارف حاسس ان الجنط ال17 بيدى العربيه الهيبه و الفخامه الى تستحقها و على فكره ايه اخبار العربيه الخليجى لانى كنت محتار بينها و بين الوكيل و بعدين كل الناس قالتلى وكيل و حروح اجيبها من عند نور الدين الاسبوع الجاى و قالى ادفع فرق 8500 بين جنوط و كاوتش العربيه العادى و الجنوط ال17 ايه رايك اعمل ايه

هو فعلا الـ17 بيدى هيبة وفخامة بس هيندمك بعدين والمشكلة مش فيه المشكلة فى شوارع بلدنا ... ونصيحة منى أبعد عن الخليجى والفرق مش كبير وخليك فى المضمون وياريت لما تجيبها تعملنا تقرير مصور حلو كده ولو أحتجت اى مساعدة فيه تحت امرك ... ومبروك مقدما ياباشا

الحمد لله ياباشا .... لاقيت الـ frv ولا لسه؟ الله يكون فى عونك ومنه لله الى سرقها... وبالنسبة لموضوع انك تبدل الجنوط القديمة والله معنديش فكرة ومظنش أن التوكيل هيرضى بس ممكن تبعهم بره ومظنش أنه هيجبولك كتير والله أعلم... جرب وقولنا.

لا للاسف خلاص انا فقدت الامل انها ترجع خلاص و لو رجعت اكيد فوت متورها فكده احسن ما ترجع عربيه اسماُ بس , الحمد لله على كل شىْ , انا لما حروح الصيانه الجايه ان شاء الله حسألهم , هى متعتبرش قديمه , بس انا بدأت اقتنع بشكل العجل بتعها و الحاجه الفعلاً محتجاها سنسور دى ظهراها ضايع فى الركنه و لا شايف حاجه