مشكلة فى الفتيس

**josephn** · 20-01-2010 09:19 AM

ياريت لو حد يقدر يقولى أعمل أيه فى المشكله دية ( الفتيس عندى بيعلق عند النقله الثانية و الرجوع للخلف ) سألت واحد صحبى قال لى ده الفتيس بيعض روح التوكيل ولما رحت أعمل صيانة 1000 قلتلهم عليه قالولى خلاص عملنا و لسه برضه فى نفس المشكله و عرفت أنهم رفعو شوية الدبرياج فى التوكيل ؟؟؟؟؟؟؟؟؟ أعمل أيه المشكلة لسه موجودة تنصحونى بأيه

**alhourriah** · 20-01-2010 09:37 AM

هو بالعادة اللي بيعمل كده (الغوايش) انت المشكلة عندك بالنقل الثانية من الثالث تحديدا؟ والرجوع... اذا كان كده معناه غوايش .. ومشان نتأكد برده ياريت تسجل موديل السيارة واي سنة؟؟؟؟

**josephn** · 20-01-2010 10:15 AM

أشكر حضرتك على الرد وأحب أوضح المشكله ساعات فى النقله من الثانية إلى الثالثة و الرجوع للخلف بحس أنه مش بيجيب مرشيدير و أتر أمور و أجيب مرشيدير تانى فا بيجى معاية أما بالنسبة للسيارة ماروتى 2009 عمله 1600 كم

**josephn** · 20-01-2010 10:18 AM

معلش نسيت أسالك يعنى أيه غوايش هل ده معناه انى هتر أحل الفتيس كله و ده تكلفتة كام و هل الضمان هيسعدنى فى ذلك و لا أنا إلى هتحمل كل التكلفة و هل ممكن يكون الزيت عاوز يتغير فقط ولا أيه بالضبط

**ahmedbakr50** · 20-01-2010 06:29 PM

متهيألى الزيت مش محتاج يتغير عشان حضرتط بتقول 1600 كم وهو بيتغير بعد حوالى 50000 كم

**tabeb** · 20-01-2010 07:08 PM

هو فيه حل مؤقت
ممكن تجيب شحم او wd40
وبفرشة وتحطه في اخر عصاية الفتيس بعد لما تشيل الجزء الجلد اللي في اخر العصاية
كان احد الاعضاء عملها وجابت معاه نتيجة
لو ما جبش نتيجة غير الزيت الي زيت خفيف(90)
بس اشتري انت الزيت من البنزينة وغيره في التوكيل او عند ميكانيكي
ما اتحلش الموضوع يبقي هتضطر تفك الفتيس وامرك الي الله

**tabeb** · 20-01-2010 07:15 PM

http://www.nilemotors.net/Nile/114579-a.html

**josephn** · 21-01-2010 09:38 AM

أنا مش عارف أشكركم إزاى بس أنا هجرب موضوع الشحم ده و هبلغكو على النتيجة إدعولى أن المشكله ديه تتحل علشان انا زعلان جدا من المشكلة ده سؤال هو الشحم نوعة wd40 و هو موجود فى البنزينة .

**aymanay32** · 25-01-2010 01:45 PM

المشكلة دى برضه عندى بس فى الاول لما اجى اجيب الاول بحس انه فى الاخر بيخبط فى حاجة و بعدين يدخل يبات فى مكانة ممكن تكون ايه احط برضة شوية شحم

**josephn** · 26-01-2010 09:19 AM

أنا فعلاً جبت شحم بس بعد مفكيت العلبة البلاستيك إلى على الفتيس لقيت كوتش و مسامير لكنى خفت أفك المسامير علشان وشها لتحت و الصواميل لفوق خفت لو فكيت الصواميل المسامير تقع و معرفش أركبها تانى أعمل أيه .