الموضوع: ازاز فاميه .... محتاج مساعدة ضروري

انا شفت الموضوع ده قبل كده بس حاسس انه فكسان لان محدش رد بخصوص العروض ولا حد عرف حاجة

بص الv-kool فى منه كذا مستوى، لأن فى حاجتين بتلعب فيهم درجة الشفافية و نسبة الحرارة اللى بتعدى

الفئة الأعلى : بتلاقى الازاز شفاف خالص و مفيش أى حرارة بتعدى
الفئة الاقل : بتلاقى فى سنة لون كده باين على خفيف زى بعض العربيات المرسيدس بتلاقيها رامية على أزرق و بيعدى حرارة اكتر من اللى فوق
الفئة اللى تحت خالص : بتلاقى الازاز قريب من الفاميهو بيعدى حرارة أكتر من اللى فوق

طبعاً السعر فى الاول أغلى من الثانى و الثالث هو الأرخص.

ممكن تركب الازاز القدامانى من الفئة الاولى عشان ده اكبر حاجة بتتعرض للشمس و التابلوه بيشقق و كده.
الازاز بتاع الابوب خليه من الفئة التانبية عشان مش محتاج الفئة الأولى و متخفش صعب اوى ان حد فى كمين ياخد باله منه.اللى ورا خليه من الفئة الثالثة او ممكن متعملوش خالص و تخليه فاميه عادى بس مش الأسود خالص.

الحكاية ده ممكن تكلفك فى حدود 3000 على حسب مساحة الزجاج فى عربيتك و ممكن تركبه على مراحل، يعنى كل شهرين تركب واحد بس الأرخص انك تركبه مره واحده ، أرخص بتاع 200 ج. بس طبعاً لو مفيش سيولة ممكن تخليه على مراحل يعنى اللى قدام الاول، كام شهر كده و بعدين البابين اللى قدام و شهر كمان و بعدين البابين اللى ورا، على الصيف حتكون مخلص العربية.

بس بأمانة انا لما ركبت مع واحد صاحبى كان عامله فعلاً حسيت بفرق و كمان التكييف كان تأثيره بيبان اسرع بكتير.