mazda family 1999-2003

**mechbolla** · 21-01-2010 02:25 AM

يا جماعه انا نفسي حد يديني تقرير شامل عن العربيه ديه من ناحيه كلللللللللل حاجه فيها لان انا قريت كا المواضيع المكتوبه عليها و لم اجد ما يسر.
يعني مثلا سحبه ثبات عالطريق انخفاض عالارض قطع غيار (توافر و اسعار) كلللل حاجه و كمان هل هي 100 100 ياباني ولا لا لحسن انا سمعت في الموضوع ده كلام عجييييييييب
و تقبلو مني جزيل الشكر و اسف عالاطاله

**mechbolla** · 24-01-2010 01:16 AM

up up up up

**mechbolla** · 26-01-2010 01:24 AM

ايه يا جماعه 38 واحد اتفرج و ولا واحد يعرف حاجه!!

**mazdaprotege** · 26-01-2010 02:05 AM

العربية و اللة 100 100 يابانى و زى الفل و احسن من كل الزيرو
بس بشرط تكون سليمة اوى و بحالتها
حاتركب و تتمتع
قطع الغيار متوفرة و اسعارها فى العادى
لو محتاج اى استفسار تواصل معى

**goofy301** · 26-01-2010 10:44 AM

المشاركة الأصلية كتبت بواسطة mazdaprotege

العربية و اللة 100 100 يابانى و زى الفل و احسن من كل الزيرو
بس بشرط تكون سليمة اوى و بحالتها
حاتركب و تتمتع
قطع الغيار متوفرة و اسعارها فى العادى
لو محتاج اى استفسار تواصل معى

طيب اخبار التكييف ايه وبيأثر على السحب ولا لأ... وثباتها على الطريق ...والاتوماتيك منها اخباره ايه ؟؟

**mazdaprotege** · 26-01-2010 11:39 AM

التكيييف بتاعها فوق الممتاز و لو حالة الموتور و الفتيس جديد يعنى كفائتهم كويسة مش حتحس بانة بيحمل على الموتور و لا على السحب عشان كدة باقولك انها لازم تتركب نضيفة و واللة حتتبسط منها قوى
للسف العربية دى مظلومة فى مصر اوى

**bassem.naguib** · 27-01-2010 09:13 PM

المشاركة الأصلية كتبت بواسطة mazdaprotege

التكيييف بتاعها فوق الممتاز و لو حالة الموتور و الفتيس جديد يعنى كفائتهم كويسة مش حتحس بانة بيحمل على الموتور و لا على السحب عشان كدة باقولك انها لازم تتركب نضيفة و واللة حتتبسط منها قوى
للسف العربية دى مظلومة فى مصر اوى

لو سمحت .. بما أن حضرتك معاك العربية دي .. يا ريت توضح لنا تقييم ليها .. وهل هي تفرق عن عربية موديل 97 أو 98 .. ولا دي حاجة والموديلين دول حاجة تانية ..

أنا معروض عليا عربية موديل 97 أو 98 .. كاملة أتوماتيك .. وحالتها كويسة .. عند حضرتك فكرة في رنج كام العربية دي تسوى .

الصيانات بتتعمل فين .. وأسعار قطع الغيار بتاعتها في المتناول ولا غالية ومعمرة أم لا .. وهل أي ميكانيكي شاطر ممكن يتعامل معاها ولا حتبقى صعبة بالنسبة ليه .

معلش طولت على حضرتك في الأسئلة .

**bassem.naguib** · 31-01-2010 09:29 AM

المشاركة الأصلية كتبت بواسطة mazdaprotege

اخى الفاضل
و اللة العربية ممتازة جدا و بالنسبة للفرق فهو واضح حيث ان شكل موديل 97 98 مختلف تماما عن 99 و 2000 و كذلك تصميم الموتور
اما بالنسبة الى الاداء فانا فى الحقيقة كنت راكب عربيتين 1998 واحدة خليجى و التانية امريكى اما حاليا فمعى الشكل الجديد و ملاحظتى ان اداء الشكل الجديد اقوى و احس انة رياضى اكتر
و ارجع اقول تانى ان المهم هو حالة العربية بغض النظر الى الموديل
و لذلك اوصيك بانة عند اختيارك تاخد عربية سليمة اوى و كفاءة موتور و فتيس ممتاز و دة رائى
اما بالنسبة الى اسعار قطع الغيار فهى عادية جدا جدا جدا الا ان اسعار بعض الحساسات و ليست كلها اعلى قليلا من العادى
مع ملاحظة ان فية حاجات كيا سيفيا كتير بتركب عليها
و عموما لو حابب تفاصيل اكتر ممكن تكلمنى لانى باعشق العربية دى و لو حبيت اغير عربيتى برضة حاجيب مازدا تانى و تانى
و انا اسف انى طولت عليكوا

شكراً يا أستاذي على ردك .. أنا شفت العربية اللي كانت معروضة عليا .. وحالتها مش كويسة .. كانت واخدة خبطة في الشنطة واتعملت .. وصاحبها طالب فيها 37 ألف .. وحاسس أن فيها شوية شغل ميكانيكا .. فبصراحة استغليتها علشان كمان معييش المبلغ ده .

بس لو العربية دي سليمه وصاحبها معتني بيها .. حتبقى عربية كويسة جداً .