هى دى مصر غصب عن عين كل الاجندات الخارجية-وفاة 4 أقباط أثناء إنقاذ مسلم سقط بـ"بيارة

**maged** · 21-01-2010 09:10 PM

الف شكر اخونا سبعاوى
اولا موضوع بناء الكنائس
سؤال بسيط اطرحه على اخوانى فى المنتدى يكون رد فعلك ايه لو قالولك ان قطعة الارض اللى جنبك او قدامك هتتبنى كنيسة ؟
من غير دبلوماسية
طيب لو سالت نفس السؤال لباقى فئات المجتمع زى العامل و السباك والحداد والكناس و بتاع العيش هتلاحظ ان كلما زادت المعرفة والثقافة اصبح رد الفعل محترم وكلما زادت درجة الجهل اصبح رد الفعل عنيفا
حكالى احد اصدقائى المسلمين زميلى فى الشغل وهو ساكن فى عزبة النخل وسمع فى يوم ان الشارع الفلانى فيه كنيسة بتتبنى بص من البلكونة لقى الجيران المسلمين او اللى فاكرين نفسهم مسلمين ماسكين شوم ورايحين يحاربو سحب هو كمان عصاية وراح معاهم
طيب ده انسان متعلم تعليم عالى وموظف بوظيفة مرموقه وبيعمل زيه زى الجهلاء طيب نقول ايه للغير متعلمين وما اكثرهم طبعا الكنيسة فى الاخر اتبنت وتم انشائها لكن كل كنيسة بتتبنى لازم يكون فيه مشاكل وضرب ووجع قلب كل ده ليه حرام ولا حلال
يعنى انا منطقتى مافيهاش كنيسة خالص ولو مش معاك عربية لازم تمشى 3 كيلو عشان تصلى طيب لو راجل عجوز يعمل ايه انا عارف انكم اكيد مش موافقين على كل اللى بيحصل ده وهتقولولى دى ناس مش بتفهم
ارد انا واقول طيب اذا كان دول بيمثلوا 90% من المجتمع يبقى ايه الحل الف شكر للاستاذ سبعاوى وربنا يخليه لينا ونخلى ثانيا مرة تانيه

**MoToRiZeR** · 21-01-2010 10:18 PM

أستاذ ماجد أحييك علي صراحتك أولاَ.

ثانياَ .. معاك حق .. بس ده أحد أوجه فساد المجتمع مش شئ بين المسلمين و المسيحيين في مصر .. فيه فئة معينة في المجتمع حلها الأول و الأخير هو العنف و ناخد حقنا بإيدينا .. أو ما يعتقدون أنه حقهم .. خاصة أن مجتمعنا مش المجتمعات المثقفة اللي تلاقي فيها ثقافة تقبل الأخر أي كان نوع الأخر .. يعني تلاقي الناس بتمشي ورا المتخلفين عقلياَ أو ما يسموهم بالمجاذيب و يحدفوهم بالطوب و يستفذوهم علي سبيل الإستظراف .. عيل صغير رابط كلب من رقبته و جاره أو بيعذبه و باقي العيال بتسقف .. سواق ميكروباص سايق بدراعه من اليمين للشمال و يقول للي جنبه "أصل السواقة دي فن يا أستاذ!" .. إلي أخر الأمراض المجتمعية ..

هذا النوع من المجتمعات المريضة إرميله فقط أي حاجة تصنف الناس إلي "إحنا و هما" .. مسلم و مسيحي .. أهلي و زمالك .. أو حتة عيلة فلان و عيلة فلان .. و حتماَ ستري دماء! لأن الجاهل فيه غشاوة علي عينيه ولن يتواني عن إنه يعمل أي حاجة يتخيل إنها كدة بتحفظله كرامته اللي بيتخيل إنها أهدرت .. و بيعتبر إن شرف "إحنا" كلهم في رقبته و يروح يدور علي أي واحد من "هما" يطلع فيه غله و جهله .

إذاَ المشكلة في الجهل و ليست في تجاور المسلمين و المسيحيين في مصر .. و زي ما حضرتك قلت .. العقلاء من الجانبين حاجة زي كدة لا تمثل لهم مشكلة علي الإطلاق ..

**Tayer** · 21-01-2010 11:12 PM

هى دى أم الدنيا

**ehab08** · 21-01-2010 11:33 PM

اولا موضوع بناء الكنائس
سؤال بسيط اطرحه على اخوانى فى المنتدى يكون رد فعلك ايه لو قالولك ان قطعة الارض اللى جنبك او قدامك هتتبنى كنيسة ؟
من غير دبلوماسية

ولا حاجه

أستاذ ماجد أولا فضفض ذى ما انت عاوز
ثانيا انا حاقولك على حاجه بسيطه قوى
انا شريكى فى عملى منذ عام 2001 حتى اليوم مسيحى والحمد الله ربنا يدمها علينا نعمه مازالت شركتنا قائمه
زملائى فى البكالوريس كانو أغلبهم مسحيين
أى فرح أو حزن عند أى واحد فينا بتلاقينا متجمعين
اللى حصل فى الصعيد ده جهل وخلط للأمور
ربنا يهدى الحال لنا جميعا

**Abo_Lina** · 22-01-2010 01:02 AM

المشاركة الأصلية كتبت بواسطة motorizer

أستاذ ماجد أحييك علي صراحتك أولاَ.

ثانياَ .. معاك حق .. بس ده أحد أوجه فساد المجتمع مش شئ بين المسلمين و المسيحيين في مصر .. فيه فئة معينة في المجتمع حلها الأول و الأخير هو العنف و ناخد حقنا بإيدينا .. أو ما يعتقدون أنه حقهم .. خاصة أن مجتمعنا مش المجتمعات المثقفة اللي تلاقي فيها ثقافة تقبل الأخر أي كان نوع الأخر .. يعني تلاقي الناس بتمشي ورا المتخلفين عقلياَ أو ما يسموهم بالمجاذيب و يحدفوهم بالطوب و يستفذوهم علي سبيل الإستظراف .. عيل صغير رابط كلب من رقبته و جاره أو بيعذبه و باقي العيال بتسقف .. سواق ميكروباص سايق بدراعه من اليمين للشمال و يقول للي جنبه "أصل السواقة دي فن يا أستاذ!" .. إلي أخر الأمراض المجتمعية ..

هذا النوع من المجتمعات المريضة إرميله فقط أي حاجة تصنف الناس إلي "إحنا و هما" .. مسلم و مسيحي .. أهلي و زمالك .. أو حتة عيلة فلان و عيلة فلان .. و حتماَ ستري دماء! لأن الجاهل فيه غشاوة علي عينيه ولن يتواني عن إنه يعمل أي حاجة يتخيل إنها كدة بتحفظله كرامته اللي بيتخيل إنها أهدرت .. و بيعتبر إن شرف "إحنا" كلهم في رقبته و يروح يدور علي أي واحد من "هما" يطلع فيه غله و جهله .

إذاَ المشكلة في الجهل و ليست في تجاور المسلمين و المسيحيين في مصر .. و زي ما حضرتك قلت .. العقلاء من الجانبين حاجة زي كدة لا تمثل لهم مشكلة علي الإطلاق ..

تسلم إيدك
الجهل هو آفة المجتمع المصري و ليس الفقر كما يظنون أو يريدونا أن نظن

**pro_samir** · 22-01-2010 06:00 AM

لسة قاري الخبر على المصري اليوم من شوية ومش جايبين سيرة ولا مسلم ولا مسيحي

معرفتش إنهم مسيحيين غير من الأسماء فقط

اللى انا مستغربلة فعلا هما اتخنقو لية ؟ هي بيارة المجاري ريحتها وحشة !

والأغرب إن عنوان الخبر فى المصري اليوم بيقول انهم ماتو أثناء إنقاذ "شاب" وفى تفاصيل الخبر بيتضح ان الشاب دة عندة 59 سنة

مصرع وإصابة ٥ أثناء إنقاذ شاب من الغرق فى «بيارة صرف» بالدقهلية

**tabeb** · 22-01-2010 07:50 AM

طيب كويس انكم فتحتم الموضوع ده
عادة مبحبش اتكلم في المواضيع دي في غير منتدياتها المخصصة

.................................................. ..........................................*

الحوارات العقائدية غير مسموح بها فى المنتدى ، تم حدف هذة الجزئية مع تنبيه العضو بعدم التكرار

الإدارة

**Hondawy_2008** · 22-01-2010 10:28 AM

أنا أعرف ان في سوريا مفيش خانة للديانة فى البطاقة الشخصية لان الدين لله يا سلام لو ده يبقى عندنا و الله أنا عندي أصحاب مسيحين من زمان و طول عمرنا مع بعض في كل المناسبات سواء أفراح أو أحزان

**smax** · 22-01-2010 01:06 PM

اولا احب اقول ان الاديان بريئة تماما من مثل هذة الافعال و الجرائم و كل دة نابع من الجهل, غياب العدالة, الفقر.
ثانيا احب احي جميع المشاركين علي اسلوب الحوار المحترم جدا بس انا عايز ارد علي الاستاذ tabeb

تم حذف الرد كنتيجة لحذف المداخلة الأصليه، لا يسمح بالحوارات العقائدة على المنتدى

الإدارة