الموضوع: اخبار سعيدة لسعر الابيزا الجديدة

انا عايز اعرف حاجه هما فاكرين الشعب المصرى غبى ؟؟؟

يعنى ايه

السعر قبل المعرض يكون 116 الف
و قبل المعرض بيوم بقدره قادر يتحول 125 الف
ولما المعرض يفتح يفول انا عملتلك تخفيض بمناسبه المعرض و خليتها 120 الف

المفروض كده نفرح يعنى ؟؟ ((على اساس ان المصريين مش بيفهموا ))

مش شارى برضه و خلوها تصدى

تغوررررررررررررررر الإبيزا الجديده خليهم يشربوهااااااااا زي اللي قبلها

بجد توكيل مستفز ..

العربيات المحترمه دي خساره في مصر أساساً وكفايه علينا هنا الكوري ( مالها السيراتو زي الفل وبـ ١١٦ full option وچنوط مش طاسات وفيها كل حاجة وشكل أحلي كمان من الإبيزا ويوم ما تتخبط هلاقي حاجتها في السوبر ماركت مش هقعد تحت رحمة التوكيل زي الإبيزا

ادفع فى سيات الرقم ده مستحيل ده لما يقفوا على راسهم كده ده انا شفتها امبارح فى المعرض بجد مش مقبوله ولا تستاهل خليها تصدى ومش موديلها يعدى لا يختفى كمان تغور

كيا فعلا مغلتش ولا لعبت فى الاسعار لاسباب لا داعى للخوض فيها بس روح شوف الخامات

المشاركة الأصلية كتبت بواسطة sherifahmed

اقرو معايا الفتحة على المصداقية و الامانة
الناس بره مايعرفوش ربنا بس المصداقية و الامانة و احترام العميل اهم حاجة
دا على كدا سيراتو بكل اللى فيها تبأه ب150
انا عارف ان دى اوربى و دى كورى بس فى الاخر اربع عجلات
و كيا ماستغلتش الازمة و رفعت السعر

فعلا حاجة غاية في الاستفزاز. المفروض يعملوا عروض مش قال يستغلوا الاقبال و يغلوها. والله كده الجراند بونتو والفابيا و الكورسا الجديدة كمان برقبتها.

الموضوع ده بيفكرنى بالفيات اللينيا لما التوكيل لقا سوقها وقف فى مصر ونزل عليها خصم 30 الف مره واحده بين يوم و ليله

تخيل بقا لما يعمل تخفيض زى كده كان بيكسب كام فى الاول على حساب المواطن اللى ميعرفش السعر الاصلى
و فين دور حمايه المستهلك فى الكلام ده

انا حاسس انه استغل موضوع انها جديده و لسه معندوش كميات كبيره منها فقال اغلى السعر و استفاد لحد ما الكميه تزيد وساعتها يبقا يرخص